Lucas 23:2 - O Novo Testamento na língua Kaingáng

² Tá ag tóg ti mỹ: “vẽnh kar krĩn kónãn tóg tĩ, ag tỹ vẽjykre há tovãnh jé,” he mũ. “Kỹ tóg ẽg mỹ: “pã'i mág tỹ imperador mỹ imposto nĩm tũg nĩ,” he tĩ gé. Kỹ tóg vẽso: “tỹ inh Cristo nĩ, pã'i mág ti,” he tĩ gé,” he ag tóg mũ.

Lucas 23:2 Iomraidhean Croise

Mateus 17:27

Hã ra ag tóg ẽg to jykrén kónãn sór mũ, ẽg tỹ tỹ Topẽ krẽ nỹtĩ ra. Kỹ ẽg hỹn tóg kajãm ke mũ. Hã kỹ pirã sygsam tĩg, nig ẽn tá. Ã tỹ ũn sam vén mũ ẽn jẽnky kã tá tugnỹm nĩ. Jãnkamy vỹ kã kã nĩ, ã tỹ ijo kajãm jé, vẽnh jo ke gé,” he tóg. Kỹ Pedro tóg tĩ mũ sir. Jãnkamy vég tóg mũ sir. Kỹ tóg tỹ imposto kajãm tĩ mũ.

Mateus 22:21

Kỹ ag tóg ti mỹ: “pã'i mág tỹ governo kãgrá vẽ,” he mũ. Kỹ tóg ag mỹ: “kỹ pã'i mág mỹ ti tũ nĩm nĩ, hã ra Topẽ mỹ ti tũ nĩm nĩ gé,” he mũ sir.

Mateus 27:11

Hã ra Jesus tóg, fóg tỹ pã'i mág rã hã jẽ nĩ. Kỹ tóg ti ki jẽmẽg mũ, kỹ tóg: “ã mỹ tỹ Judeu ag pã'i nĩ'?“ he mũ. Kỹ Jesus tóg ti mỹ: “ki hã ã tóg tó mũ,” he mũ.

Marcos 12:17

Kỹ tóg ag mỹ: “kỹ pã'i mág mỹ ti tũ nĩm nĩ, hã ra Topẽ mỹ ti tũ nĩm nĩ gé,” he mũ. Kỹ ti vĩ tóg ag mỹ e tĩ. Ag tỹ nén ũ to ti senh ke mũ vég tũ ag tóg nĩ.

Marcos 15:2

Kỹ tóg ti mỹ: “ã mỹ tỹ Judeu ag pã'i nĩ'?“ he mũ. Kỹ tóg: “ki hã ã tóg tó mũ,” he mũ.

Lucas 23:14

Kỹ tóg ag mỹ: “ãjag ne inh mỹ ti fẽg',” he mũ, “kỹ ãjag ne ti to: “vẽnh kar krĩn kónãn tóg tĩ,” he mũ'. Ãjag rĩnve sóg ti ki jẽmẽ huri, hã ra sóg ve ja tũ nĩ, ãjag tỹ ti to nén tó ja ti. Nén ũ kórég han ja tũ tóg nĩ.

Lucas 23:5

Hã ra ag tóg ti tovãnh jãvãnh pẽ nỹtĩ. Kỹ ag tóg ti mỹ: “hã ra tóg vẽnh kar krĩ rỹ han tĩgtĩ,” he mũ. “Ga tỹ Judéia kar mĩ tóg tĩg ja nĩ, ga tỹ Galiléia mĩ ke gé, tag mĩ ke gé. Tĩg kỹ tóg vẽnh kar krĩn kónãn tĩgtĩ,” he ag tóg.

João 18:29

Kỹ Pilatos tóg re mĩ kãkutẽ mũ, ag mré vẽmén jé. Kỹ tóg ag mỹ: “ti hẽ ri ké? Ti vẽjykre kórég tỹ ne han'?“ he mũ.

João 18:30

Kỹ ag tóg: “vẽjykre kórég han ti tĩ. Ti há nĩ ra ẽg tóg ã mỹ ti ven ke tũ nĩ vẽ,” he mũ.

João 19:12

Kỹ tóg Pilatos mỹ e pẽ tãvĩ tĩ, kỹ tóg ti kavãn sór mũ sir. Hã ra Judeu ag tóg ti mỹ: “ã tỹ tag kavãn kỹ ã pijé tỹ ẽg pã'i mág tỹ Imperador ẽn mré ke nĩ'. Ũ tỹ vẽsỹ pã'i mág han mũ ẽn vỹ Imperador kato tẽ mũ,” he mũ.

Han Kãme 24:13

Ag tỹ inh kato vĩ mũ pijé tỹ ki hã ke nĩ'. Ã tỹ ve há han kỹ ã tóg ki kanhrãn nĩnh mũ.

Han Kãme 24:5

“Tag ti vỹ vĩ kónãn tĩ. Judeu kar ag krĩn kónãn tóg tĩ, kỹ ag tóg tĩ tugrĩn vẽnh kãpugpóv kỹ nỹtĩ. Ga kar mĩ tóg ke tĩ. Kỹ tóg tỹ Nazaré tá ke ẽn mré ke ag pã'i mág nĩ gé,” he tóg, Paulo to.

Roma 13:7

Kỹ ãjag név kajãm kãn nĩ, governo mỹ ke gé. Ãjag tỹ pã'i ũ mỹ imposto kajãm ken kỹ ti mỹ ven nĩ, jãnkamy ti. Ãjag pã'i ag kamẽg nĩ, ag mỹ komẽr hã vĩm nĩ.