Lucas 23:16 - O Novo Testamento na língua Kaingáng

¹⁶ Hã kỹ sóg ti mrãnmrãn kar ti tovãnh ke mũ,” he tóg.

Lucas 23:16 Iomraidhean Croise

Mateus 27:26

Kỹ Pilatos tóg Barrabás kavãg mũ sir. Jesus to tóg porisa ag mỹ: “ha ti mrãnmrãn,” he mũ sir. Ag tỹ ti mrãnmrãn kar kỹ tóg ag mỹ ti fẽg mũ, ag tỹ ka to ti sa jé.

Marcos 15:15

Kỹ tóg ag mỹ Barrabás kavãg mũ sir. Jesus mrãnmrãn tóg mũ sir, mrãn ke jafã tỹ, kỹ tóg ag mỹ ti fẽg mũ sir, ag tỹ ka to ti sa jé.

Lucas 23:17

Fénhta tỹ Páscoa ki tóg ag mỹ vẽse pir tovãnh tĩ, prỹg kar ki. Ti jykre vẽ. Hã kỹ tóg: “Jesus tovãnh jé sóg ke mũ,” he mũ.

Lucas 23:22

Kỹ tóg ag mỹ vĩ tãgtũ han mũ gé. “Ti kórég tỹ ne han ti? Sỹ vég tũ tóg tĩ. Ti tỹ ne to ter ke nẽ? Sỹ ki kagtĩg tóg tĩ. Hã kỹ sóg ti mrãnmrãn kar kỹ ti tovãnh ke mũ,” he tóg.

Lucas 6:37

“Kãnhmar ũ to vĩ kónãn tũg nĩ, kỹ Topẽ vỹ ãjag to vĩ kónãn ke tũ nĩ gé. Kãnhmar ũ to: “kórég ti nĩ,” he tũg nĩ, kỹ Topẽ vỹ ãjag to: “kórég ti nĩ,” henh ke tũ nĩ gé. Vẽnh kar mỹ vẽnh pãte fón nĩ, ke tũ nĩ mũ ra Topẽ vỹ ãjag mỹ vẽnh pãte fón ke tũ nĩ gé.

Han Kãme 16:37

Kỹ Paulo tóg ti mỹ: “tỹ ẽg Romano nỹtĩ, ag mré, hã ra ag tóg vẽnh ó to ẽg mrãnmrãn ja nĩ,” he mũ. “Kỹ vẽnh kar vỹ ve kãn. Ẽg ki jẽmẽg mẽ kã ag tóg vẽse ja kã ki ẽg vãm. Jó ag tóg vẽnh kar vatánh tá ẽg mỹ: hã mũ jẽg, he sór mũ. Mũnh ke tũ ẽg nĩ. Ag hã tóg kãmũ kỹ ẽg tatĩ mũnh mũ, pã'i ag,” he tóg.