Lucas 23:11 - O Novo Testamento na língua Kaingáng

¹¹ Kỹ Herodes vỹ ti to é he mũ gé, ti mré ke kar ag ke gé, kỹ ag tóg ti nyg mũ. Kur kupri pẽ tỹ tóg ti kri fón mũ, ón kỹ. Kỹ tóg Pilatos mỹ ti jẽnẽ mãn mũ sir.

Lucas 23:11 Iomraidhean Croise

Mateus 14:1

Kỹ kejẽn pã'i mág tỹ Herodes vỹ mẽg mũ, Jesus kãme ti.

Mateus 14:3

Herodes vỹ João se ja nĩ, Herodias fi tugnĩn. Ti jãvy tỹ Filipe prũ ja fi vẽ, hã ra tóg fi tỹ prũg mũ, Herodes ti. Hã kỹ João tóg ti mỹ:

Mateus 14:6

Hã ra tóg kejẽn Herodes mur ja kurã tá krỹg mũ. Kỹ fénhta ẽn kã Herodias fi kósin fi vỹ ag jo vẽnh grén mũ sir, ti mré jẽg mũ ag jo. Kỹ tóg Herodes mỹ sĩnvĩ nĩ.

Marcos 9:12

Kỹ tóg: “hỹ, kãtĩg jé tóg ke mũ, Elias ti, nén kar han mãn jé,” he mũ. “Hã ra sóg rán kỹ nĩ gé. Tỹ sóg ẽprã ke fi kósin nĩ mỹr. Jagtar jagy han jé sóg ke mũ. Ag tỹ iso é henh ke vẽ.

Lucas 23:10

Hã ra pã'i ag vỹ tá nỹtĩ nĩ, kỹ ag tóg ti kato vĩ mág han mũ sir, Topẽ vĩ to ẽg kanhrãn tĩ ag ke gé. Hã ra Jesus tóg ag mỹ vĩ tũg mũ gé.

João 19:5

Kỹ Jesus tóg kãkutẽ mũ, hã ra tóg sónh tỹ ti krĩ tógfĩn kỹ kãkutẽ mũ, kur kusũg ẽn tu kỹ ke gé. Kỹ Pilatos tóg vẽnh kar mỹ: “ti ve ra,” he mũ, ag tỹ hẽn ri ke mũn ti tovãnh jé, ag tỹ ti jagtar ẽn ve kỹ.

Tiago 2:2

Hẽn ri ke mũn ũn riko vỹ Topẽ vĩ jẽmẽnh kãtĩg mũ, ãjag vẽnhmãn kỹ. Ti kur vỹ há tãvĩ nĩ, kỹ ti nĩgé kãnĩm ja vỹ tỹ ouro nĩ. Kỹ ũn jagtar vỹ kãtĩg ke mũ gé, kur kórég tu kỹ.

Tiago 2:3

Kỹ ãjag hỹn ũn riko mỹ: “ha tag kã nĩ, nĩg ja há kri,” he tĩ. Jó ãjag hỹn ũn jagtar mỹ: “ha inh mré nĩ, hã ra ẽprã nĩ, gan kri,” he tĩ.