Lucas 22:66 - O Novo Testamento na língua Kaingáng

⁶⁶ Tỹ vaj kỹ kófa kar ag tóg vẽnh mãn mũ, Topẽ tũ to pã'i ag mré hã, Topẽ vĩ to ẽg kanhrãn tĩ ag mré hã. Ag vẽnh mãn kỹ ag tóg ti jé prẽr kỹ ag rĩnja tá ti fẽg mũ, ag tỹ ón kỹ ti jykre ve jé. Ag tỹ ti tén sór vẽ.

Lucas 22:66 Iomraidhean Croise

Mateus 27:1

Tỹ vaj kỹ kusãg ki ag tóg Jesus tén ke to jykrén mũ sir, Topẽ tũ to pã'i kar ag.

Mateus 5:22

Sỹ ũri ãjag jyvẽn hã vẽ, ha mẽ. Ã tỹ ã régre to ã fe tỹ gỹm ke kỹ tóg ã tỹ ti tén ri ke nĩ, fi ke gé. Ag tỹ tag to ã se kỹ tóg inh mỹ há tĩnh mũ. Kỹ ã régre mỹ féfén tũg nĩ gé. Jãvo ã tóg, nũgme ki kutẽnh ke mũ, pĩ ẽn ki,” he tóg.

Marcos 15:1

Tỹ vaj kỹ vẽnh jyvẽn tĩ kar ẽn ag tóg kusãg ki Jesus to jykrén mũ jagnẽ mré, Topẽ tũ to pã'i ag, kófa ag mré hã, Topẽ vĩ to ẽg kanhrãn tĩ ag mré hã ke gé. Kỹ ag tóg ti mrĩnh kỹ ti pére mũ mũ, Pilatos mỹ ti fẽg jé.

João 18:28

Kusã pẽ ki ag tóg, Caifás ĩn tá Jesus pére kã mũ kỹ, pã'i tỹ governador ĩn ra ti pére mũ mũ, ti vẽmén jafã ra, palácio ẽn ra. Hã ra ag tóg kã ra ge sór tũ nĩ. Ag tỹ fénhta tỹ Páscoa han ke vỹ kakó tĩ ha, hã ra ũ tỹ pã'i tỹ governador ĩn kã ra ge mũ vỹ fénhta tỹ Páscoa ẽn ko tũ nĩgtĩ. Ag jykre vẽ. Hã ra ag tóg ko sór mũ, hã kỹ ag tóg kã ra ge sór tũ nĩ sir.

Han Kãme 22:5

Topẽ tũ to pã'i mág vỹ ki kanhró nĩ, kófa ag kar ke gé. Ag hã tóg inh mỹ vẽnh rá han ja nĩgtĩ, sỹ Damasco ra tĩg jé, tá ẽg mré ke ag mỹ ven jé. Tá sóg Jesus mré ke ag sigse sór ja nĩ gé, Jerusalém mĩ ag tatĩ kãtĩg jé, tag ki ag vóg kónãn jé,” he tóg, Paulo ti.