Lucas 22:52 - O Novo Testamento na língua Kaingáng

⁵² Pã'i tỹ hẽn ri ke ag vỹ tá junjun ja nĩ, Topẽ tũ to pã'i ag, kófa ag ke gé. Ag kar tỹ ti senh kãmũ ja vẽ. Kỹ Jesus tóg ag mỹ: “ãjag ne tóg rógro génh kỹ iso kãmũ mũ', ka kyv génh kỹ ke gé',” he mũ. “Inh pijé tỹ bandido nĩ',” he tóg.

Lucas 22:52 Iomraidhean Croise

Mateus 26:47

Ti tỹ ver vẽmén jẽ ra Judas tóg jun mũ sir, ũ tỹ 12 (ke) ag kã ũ ẽn ti. Hã ra porisa ag tóg ti mré kãmũ mũ, rógro génh kỹ, ka kykyv génh kỹ ke gé. Topẽ tũ to pã'i ag tỹ ag jẽgnẽ vẽ, kófa ag ke gé.

Mateus 26:55

Ẽn kã tóg porisa ag mỹ: “ãjag ne tóg, rógro génh kỹ kãmũ mũ', ka kykyv mré', ise jé',” he mũ. “Inh pijé tỹ bandido nĩ'. Kurã kar ki sóg ãjag mré jẽ ja nĩgtĩ, Topẽ ĩn krẽm. Vẽnh kar kanhrãn sóg jẽ ja nĩgtĩ, hã ra ãjag tóg tá ise ja tũ nĩ vẽ mỹr.

Lucas 22:37

Nén ũ tóg iso rán kỹ nĩ, hã vỹ: ag mỹ tóg tỹ ũn jykre pãno nĩ, he mũ. Sỹ vãhã tag venh ke vẽ ha. Sỹ iso nén rán kỹ nĩ ẽn ve kãn ke vẽ ha, vãhã,” he tóg.

Lucas 22:4

Kỹ tóg Topẽ tũ to pã'i ag venh tĩ mũ sir. Ti tỹ ag mỹ Jesus ven sór vẽ, ag tỹ ti se jé.

Lucas 22:51

Hã ra tóg: “ag vóg tũg ra, há ti nĩ,” he mũ. Kỹ tóg ti nĩgrẽg mãn kỹ to tỹ grẽn ke mũ sir.

Lucas 22:53

“Kurã kar ki sóg Topẽ ĩn krẽm ãjag mré nĩ ja nĩgtĩ, hã ra ãjag tóg tá ise sór ja tũ nĩ, ãjag tỹ ag kamẽg kỹ. Hã ra tóg ũri jun, ãjag kurã ti, Japo tỹ ti tỹ nén han sór mũ ẽn han jé, ãjag tỹ. Jykre ki kuty ti nĩ,” he tóg.

João 17:12

Isỹ ag mré nĩn kỹ sóg ag jy nĩgãn tĩ, ã jykre ki, ã tỹ inh mỹ ũn vin mũ ẽn ag kar jy, fag jy ke gé. Ag ki rĩr há han inh, kỹ ag kã ũ tóg vãfor ja tũ nĩ. Ũn pir tóg hã ra vãfor kỹ nĩ inhhã, hã ra tóg ti to rán kỹ nĩ, hã kỹ tóg ke mũ.

Han Kãme 5:26

Kỹ porisa ag pã'i tóg ag mré tĩ mũ, ag tatĩ kãmũ jé. Komẽr hã ag tóg ag mré vĩ mũ. “Ẽg tỹ ag mỹ vĩ tar han kỹ ũ tỹ ag vĩ mẽg nỹtĩ ag tóg hẽn ri ke mũn ẽg pin ke mũ, pó tỹ,” he ag tóg.