Lucas 22:41 - O Novo Testamento na língua Kaingáng

⁴¹ Kỹ tóg tĩg sĩ han mũ, kỹ tóg ti jakrĩ tỹ jẽ kỹ Topẽ mré vĩ mũ sir.

Lucas 22:41 Iomraidhean Croise

Mateus 26:39

Kỹ tóg tĩg sĩ han kỹ mũg ke mũ sir, ga kri tóg nỹ mũ. Topẽ mré tóg vĩ mũ. “Panh',” he tóg. “Mỹ ã tỹ inh jagtar ke tag tỹ tũ' he jãvãnh?“ he tóg. “Hã ra isỹ ã mỹ nén to vĩ mũ tag han tũg nĩ. Ã tỹ nén han ke mũ ẽn hã han nĩ,” he tóg.

Marcos 14:35

Kỹ tóg tĩg sĩ han mãn kỹ mũg ke mũ. Ga kri tóg nỹ mũ sir. Ti jóg mré tóg vĩ mũ sir, “isỹ hẽn ri ke mũn nén venh ke mũ ẽn vég tũ nĩ jé, óra ẽn ki,” he tóg.

Lucas 18:11

Kỹ Fariseu tóg: “Topẽ,” he mũ. “Inh mỹ tóg há tĩ, isỹ jykre kórég tũ nĩn kỹ. Ũ ag tóg nén ũ péju tĩ, ũ ag tóg nén ũ vẽnh mỹ han tĩ inhhã, jãvo inh pijé han tĩ'. Ag prũ tũ fag mré ag tóg nỹgnỹ tĩ. Kỹ governo mỹ jãnkamy mãg tĩ tag ti vỹ kórég nĩ gé, inhhã.

Lucas 18:13

Hã ra governo mỹ jãnkamy mãg tĩ ẽn tóg kuvar há tá jẽ nĩ, mỹ'ãg kỹ. Kỹ tóg kanhkã ki ẽvãnh tũ nĩ gé. Ti fe kri tóg kãgmĩg mũ, kỹ tóg: “Topẽ,” he mũ gé. “Ã vĩ mranh inh mỹr. Ã mỹ inh jagãgtãn ke tũ hã ra?“ he tóg.

Han Kãme 20:36

Ti tỹ tó kãn kỹ tóg ti jakrĩ tỹ jẽ mũ, kỹ tóg Topẽ mré vĩ mũ, vẽnh kar to.

Han Kãme 21:5

Ge ra ẽg tóg kurã tỹ 7 (ke) tũg kỹ mũ mãn mũ. Hã ra ag tóg ẽg mré mũ sĩ han mũ, ag prũ fag mré hã ke gé. Ẽmã tá ag tóg pa mũ, ẽg mré, kỹ ẽg tóg goj fyr tá ẽg jakrĩ tỹ nỹtĩ kỹ Topẽ mré vĩ mũ.

Han Kãme 7:60

Kỹ tóg ti jakrĩ tỹ jẽ kỹ prẽr mũ: “!..inh Senhor'..! !..Ag tỹ inh pin tỹ ag mỹ vẽnh pãte fón ne..!“ he tóg mũ. Kar kỹ tóg hun ke kỹ ter mũ sir.

Han Kãme 9:40

Kỹ Pedro tóg vẽnh kar mỹ: “ha pa jẽg,” he mũ. Kỹ tóg ti jakrĩ tỹ jẽg kỹ Topẽ mré vĩ mũ. Kỹ tóg vẽser fi mỹ: “Tabita', nĩ ra,” he mũ. Kỹ fi tóg mrin ke mũ. Kỹ fi tóg nĩ mũ, fi tỹ Pedro ven kỹ.

Hebreu 5:7

Jesus vỹ, ti tỹ ga mĩ tĩg kỹ jagtar nĩn kỹ Topẽ mỹ to vĩ', to vĩ' he ja nĩgtĩ, ti tỹ ti kren han jé, ti ter tũ nĩ jé. Kỹ tóg fỹ gé, Topẽ mré vẽmén kỹ. Vẽsỹrénh jagy han tóg. Kỹ Topẽ vỹ ti vĩ jẽmẽ ja nĩ, ti tỹ ti mỹ to vĩn kỹ.