Lucas 22:32 - O Novo Testamento na língua Kaingáng

³² Hã ra sóg hur ã jagfy vĩ, ã tỹ inh ki rã tovãnh pẽ han tũ nĩ jé. Kỹ ã tóg kejẽn ã jykre si to jykrén mãn ke mũ, ã tỹ inh jykre hã han jé. Ẽn kã ã tóg ã mré ke ag jyvẽn kỹ ag tỹ tar' henh ke mũ,” he tóg.

Lucas 22:32 Iomraidhean Croise

Mateus 18:3

Kỹ tóg: “gĩr tag ri ke han nĩ, ãjag tỹ Topẽ tỹ tỹ ẽg pã'i nĩ ve sór kỹ. Ke tũ nĩ mũ ra ãjag tóg venh ke tũ nĩ. Hã kỹ ãjag jykre tovãnh nĩ, gĩr jykre han jé,” he mũ.

Mateus 26:75

Kỹ Pedro tóg Jesus vĩ ja ẽn to jykrén mũ, ti tỹ ti mỹ: “iso ã tóg: ti ki kagtĩg sóg nĩ, he tãgtũ han ke mũ, galo kyr ke to hã,” he ja ẽn mĩ. Kỹ Pedro tóg mĩ ẽkrén kỹ tá kãkutẽ mũ sir. Fỹ jagy han tóg mũ sir.

Marcos 14:72

Hã ra vẽsỹmér galo tóg kyr mãn mũ. Kỹ Pedro tóg Jesus vĩ ja to jykrén mũ sir, ti tỹ ti mỹ: “iso ã tóg: ti ki kagtĩg sóg nĩ, he tãgtũ han ke mũ, galo kyr régre han ke to hã,” he ja ẽn mĩ. Vãhã tóg ti mỹ e tĩ. Kỹ tóg vẽnh péju kỹ nĩ kỹ fỹ jagy han mũ sir.

Marcos 16:7

“Kur Pedro ag mỹ tónh mũ jẽg, ti mré mũ tĩ kar ag mỹ ke gé. Ag mỹ: ãjag jãmĩ tóg tĩg mũ nẽji, Galiléia ra, hem nĩ. Tá ãjag ti venh mũ, hã kỹ tóg ãjag mỹ tó ja nĩ, hem nĩ,” he tóg.

Lucas 8:13

Kar ũ ag tóg tỹ pãró kri krãn kỹ nỹtĩ ẽn ri ke nỹtĩ gé. Mẽg ag tóg tĩ vẽ. Kỹ ag tóg: he, he tĩ. Ag mỹ tóg sér tĩ sir. Hã ra ag tóg tỹ, ẽkré jãre tũ ri ke nỹtĩ mỹr, ha mẽ. Mũ sĩ han ag tóg mũ, Topẽ mré. Nén ũ jagy kutẽ kỹ ag tóg, vãhã tovãnh mũ sir.

João 14:19

Kãnhmar ũ tỹ inh ki ge jãvãnh ẽn ag tóg inh ve mãn ke tũ nĩ. Ag jãvo ãjag tóg inh ve mãn ke mũ. Rĩr inh nĩ nĩ, kỹ ãjag tóg inh ri kén rĩnrĩr mãn ke mũ gé.

Han Kãme 3:19

Kỹ ãjag jykre pãno tovãnh nĩ. Topẽ jykre ki gem nĩ, Topẽ tỹ ãjag tỹ ti vĩ mranh tỹ tũ' he jé.

Roma 8:32

Topẽ vỹ ti kósin pir fẽg, ti tỹ ẽg jagfy ter jé. Ti kósin pir nenh ja tũ tóg nĩ. Hã kỹ tóg ẽg mỹ nén ũ há nenh ke tũ pẽ nĩ, ti tỹ ti kósin pir nenh ja tũ nĩn kỹ.

Roma 8:34

Kỹ ẽg tóg ũ ag tỹ ẽg to: “kórég ag nỹtĩ,” he mũ ra Topẽ mỹ há nỹtĩ. Jesus Cristo hã tóg ter ja nĩ, ẽg jagfy. Kỹ tóg rĩr mãn ja nĩ gé. Topẽ pẽgja tá tóg nĩ nĩ, ti rã hã. Kỹ tóg ẽg jagfy vĩ tĩ.

2 Timóteo 2:18

Tag ag vỹ ónón tĩ, Topẽ vĩ to. “Rĩr mãn ri ke han ẽg huri, ẽg tỹ Cristo ki gen kỹ. Hã kỹ ẽg rĩnrĩr mãn ke tũ nĩ ha, ẽg ter kar kỹ, Jesus kãtĩg mãn kỹ,” he ag tóg tĩ. Ag tỹ tag tó kỹ ag tóg ũ ag tỹ Jesus to krónh ke han tĩ. Kỹ ag tóg Cristo tovãnh mũ, ag tugrĩn.

Tito 1:1

Paulo tỹ rá vẽ. Sỹ Tito mỹ rán hã vẽ. Topẽ mỹ sóg rãnhrãj tĩgtĩ, kỹ Jesus Cristo vỹ inh fẽg, sỹ tỹ ti apóstolo jẽ jé. Topẽ tóg ẽprã ke ũ ag kuprẽg, ag tỹ ti ki ge jé. Kỹ tóg inh mỹ: “ha isỹ ũn kuprẽg ja ag mỹ inh vĩ tónh tĩg, ag tỹ ã vĩ jẽmẽ kỹ inh ki ge há han jé,” he ja nĩ.

Hebreu 12:15

Vẽnh ki rĩr há han nĩ, ãjag kã mĩ ũ tỹ Topẽ tỹ ẽg jagãgtãn mũ tag to é he tũ nĩ jé. Ãjag kã mĩ ũn pir tỹ vẽjykre kórég to tar nĩn kỹ tóg ẽg mỹ, ti tỹ ũn e ag krĩn kónãn ha mẽ tĩ, ag tỹ ti jykre kórég ẽn ri ke nỹtĩ jé. Kỹ tóg ẽg jakré kã mĩ vãnh jagy ri ke nĩ. Ẽg jakré kókég ti tĩ, vẽjykre kórég tỹ ẽg kókén ri ke.

Hebreu 7:25

Hã kỹ tóg, ti tỹ ũn ki rĩr nĩ ẽn ag krenkren han tĩ, ũ tỹ ti tugrĩn Topẽ jamã tá junjun ke mũ ẽn ag kar. Rĩr tóg nĩ nĩ, kỹ tóg ẽg jagfy Topẽ mré vẽmén tĩ. Kurã krỹg ja tũ ti nĩ.

1 Pedro 1:1

Pedro tỹ ãjag mỹ carta rán hã vẽ. Jesus Cristo vỹ inh fẽg, sỹ tỹ ti apóstolo jẽ jé. Sỹ Topẽ tỹ ũn kuprẽg mũ ag mỹ rán hã vẽ. Ẽg mré ke tũ ag kã mĩ ãjag tóg mũgtĩ, ũ tỹ Jesus ki ge tũ ag kã mĩ, Ponto tá, Galácia tá, Capadócia tá, Ásia tá, Bitínia tá ke gé.

1 Pedro 1:13

Hã kỹ Topẽ tỹ ẽg mỹ nén tó mũ hã han sórm nĩ. Vẽnh ki ẽmẽm nĩ. Ti tỹ ẽg mỹ nén nĩm ke mũ ẽn hã mĩ ẽkrén nĩ. Jesus tỹ vẽnh ven ke kurã ẽn kã ẽg tóg venh ke mũ sir, ti tỹ ẽg mỹ nén nĩm ke mũ ẽn ti.

1 Pedro 1:5

Topẽ ki ãjag tóg ge kỹ nỹtĩ. Kỹ tóg ãjag ki rĩr há han nĩ nĩ. Nén ũ kar han há tóg nĩ. Kỹ tóg ẽg ki rĩr há han tĩ gé. Ãjag krenkren han jé tóg ke mũ, ãjag tỹ ti tỹ ẽg mỹ nén nĩm ke mũ ẽn ve jé. Nĩm han kỹ tóg nĩ nĩ. Kurã tỹ ẽgno kã ẽg tóg ẽn venh ke mũ.

2 Pedro 3:14

Inh kanhkã', ãjag to sóg há tãvĩ nĩ. Topẽ kurã tag jãvãnh ãjag tóg nỹtĩ. Kỹ vãsãnsãn nĩ, ãjag tỹ kygnẽg tũ nĩ jé. Vãsãnsãn nĩ, ãjag tỹ Topẽ mỹ jãnhkri nỹtĩ jé, ãjag tỹ ti há ri ke nỹtĩ jé. Kỹ ãjag tóg ti kato vãsãnsãn ke tũ nĩ.

1 João 2:19

Ẽg mré ke ag vẽ vẽ, hã ra ag tóg ón kỹ tỹ ẽg mré ke ja nỹtĩgtĩ. Ag tỹ tỹ ẽg mré ke pẽ nỹtĩ ra ag tóg ver ẽg mré mũnh ke mũ vẽ. Hã ra ag tóg ti tovãnh kỹ ti kato tẽ mũ ha. Hã ki tóg ve há tĩ, ag tỹ tỹ ẽg mré ke tũ nỹtĩ ti.