Lucas 22:29 - O Novo Testamento na língua Kaingáng

²⁹ Inh panh vỹ isỹ pã'i han ke mũ, kỹ sóg ãjag tỹ pã'i han ke mũ gé, ti kóm,

Lucas 22:29 Iomraidhean Croise

Mateus 24:47

Ti tỹ tóg pã'i han ke mũ, ti tỹ ti tũ ki rĩr kãn jé sir. Ki hã sóg tó mũ, ha mẽ.

Mateus 25:21

Kỹ tóg ti mỹ: “jykre há ã nĩ,” he mũ. “Ã tũ ki rĩr há han ja ã nĩ mỹr, nén sĩ ki. Kỹ sóg ã mỹ nén ũ e vin sór mũ,” he tóg.

Mateus 25:34

Tỹ sóg vẽnh kar kri pã'i mág nĩnh mũ, kurã ẽn kã. Kỹ sóg inh pẽgja tá nỹtĩnh ke mũ ag mỹ: inh panh vỹ ãjag mỹ vĩ há han ke mũ. Topẽ tỹ ga tãg mré kanhkã tãg venh kãmũ jẽg. Ti tỹ ga si han kurã ẽn kã tóg ãjag hã kuprẽg ja nĩ.

Mateus 28:18

Kỹ Jesus tóg, ag rã hã jẽ kỹ, ag mỹ: “nén kar vỹ tỹ, inh krẽm ke nĩ ha, kanhkã tá ke kar, ga tá ke kar ke gé,” he mũ.

Mateus 5:10

“Topẽ vỹ ãjag ve há han mũ, ag tỹ vẽjykre kuryj to ãjag vóg kónãn mũ ra. Kỹ ãjag tóg kanhkã tá jun ke mũ,” he tóg.

Mateus 5:3

“Topẽ vỹ ãjag ve há han mũ, ãjag tỹ: “kórég inh nĩ,” hen kỹ. “Sỹ Topẽ kuprĩg tỹ jagrẽn kỹ nĩ tũ nĩ ra sóg tỹ, ũn kórég nĩnh mũ vẽ,” hem nĩ. Kỹ ãjag tóg, ti tỹ tỹ ẽg pã'i nĩ venh ke mũ, kanhkã tá,” he tóg.

Lucas 12:32

“Kamẽg tũg nĩ, ãjag pipir nỹtĩ ra. Ẽg jóg tỹ Topẽ vỹ ãjag to há nĩ, hã kỹ tóg ãjag mỹ kanhkã ti ven sór mũ, ha mẽ.

Lucas 19:17

Kỹ tóg: “jykre há tãvĩ ã tóg nĩ,” he mũ. “Nén sĩ ki rĩr há han ã tóg, hã kỹ ã tóg ẽmã tỹ 10 (ke) ki rĩr ke mũ ha,” he tóg.

1 Corinto 9:25

Ha vé, ũ tỹ torneio han tĩ ag vỹ to jykrén mág tĩ. Kỹ ag vãkrég tĩ gé, ag tỹ gỹjỹ hen jé. Ẽprã vẽjykre ki ag tóg gỹjỹ he sór tĩ, ti tỹ kãnhmar tũ' henh ke mũ ra. Hã ra ẽg tóg kanhkã tá ẽg gỹj venh ke mũ, ũ tỹ tũ' he vãnh ẽn ti.

2 Corinto 1:7

Ãjag ki sóg ẽkrén mág tĩ, hã ra sóg ki kanhró nĩ, Topẽ tỹ ãjag tar han ẽn ki. Ũri ãjag tóg hã ra inh mré jagtar nỹtĩ, hã kỹ Topẽ tóg ãjag krĩ tỹ kãnhvy' he tĩ gé, ti tỹ inh krĩ tỹ kãnhvy' he tĩ ẽn ri ke.

2 Timóteo 2:12

Ẽg tỹ ti tugrĩn nén ũ jagy kar to tar nỹtĩn kỹ ẽg tóg ti mré tỹ ũn mág nỹtĩnh ke mũ gé. Ẽg tỹ ti tovãnh kỹ tóg ẽg tovãnh ke mũ gé.

Tiago 2:5

Inh kanhkã', jẽmẽ há han ra. Ãjag to sóg há nĩ mỹr, hã kỹ sóg ãjag jyvẽn mũ. Topẽ vỹ ũn jagtar ag kuprẽg, ag tỹ ti to rikon jé, ti ki ge kỹ. Ga kri mũn kỹ ag tóg jagtar nỹtĩ. Ẽg Senhor ki ge kỹ ag tóg há nỹtĩ hã ra. Topẽ tỹ tỹ ẽg pã'i nĩ ve jé ag tóg ke mũ, ag tỹ ti to há nỹtĩn kỹ.

1 Pedro 5:4

Kãnhmar ti kãtĩg mãn ke mũ, ẽg pã'i mág ti, ẽg ki rĩr tĩ ti. Kỹ tóg ãjag tỹ ũn mág han ke mũ. Ãjag mỹ tóg krĩ tógfĩ ri ke vin ke mũ, ãjag tỹ tỹ ũn mág nỹtĩn kỹ. Hã ra tóg kórég vãnh nĩ, kanhkã tá ẽg krĩ tógfĩ ẽn ti.

Nén Venh Ke 21:14

Pó tỹ 12 (ke) kri tóg hynhan kỹ nĩ nĩ, ẽmã ti. Pó ẽn ki vẽnh jygji tóg ránrán kỹ nỹtĩ gé, apóstolo tỹ 12 (ke) ẽn ag jygji ti, cordeiro tũ ẽn ag jygji ti.