Lucas 22:27 - O Novo Testamento na língua Kaingáng

²⁷ Kejẽn ẽg tóg mesa to nỹtĩ, kỹ ũ tóg mesa ki rĩr tĩgtĩ. Ũ tỹ hẽ nỹ hỹn mesa ki rĩr tĩ'? Ag patrão mỹ', ti camarada mỹ vó'? Ti camarada vỹ ki rĩr tĩgtĩ. Jo sóg ãjag ki rĩr tĩgtĩ, ãjag camarada ri ke.

Lucas 22:27 Iomraidhean Croise

Mateus 20:28

Hã kỹ sóg camarada tũ nĩ gé. Sỹ tỹ camarada nĩ jé sóg kãtĩg, sỹ ãjag mré rãnhrãj jé. Hã kỹ sóg vẽnh kar jagfy ter ke mũ, sỹ ag krenkren han jé. Tỹ sóg ẽprã ke fi kósin nĩ,” he tóg, Jesus ti.

Lucas 12:37

Hã ra tóg kejẽn jun mũ sir. Kỹ tóg sér tĩ, ti camarada ag tỹ ti jãvãnh nỹtĩn kỹ. Kỹ tóg ag mỹ vĩ há han ke mũ sir. Kỹ tóg vẽsóg fĩn kỹ ag mỹ: “nĩgnĩ ra ver, mesa to,” henh ke mũ sir. Kỹ tóg ti camarada ag mỹ vẽjẽn ven ke mũ, ag patrão ti. Ki hã sóg tó mũ,” he tóg.

2 Corinto 8:9

Ha vé, ẽg Senhor tỹ Jesus Cristo vỹ ẽg jagãgtãn ja nĩ gé. Kanhkã tá ti riko nĩ ja nĩgtĩ, hã ra tóg ti tỹ nén ũ ẽn tovãnh kãn. Ti tỹ ẽg jagfy jagtar tĩ jé tóg kãtĩg. Kỹ ẽg tóg ti jagtar tugrĩn riko nỹtĩ sir.