Lucas 22:26 - O Novo Testamento na língua Kaingáng

²⁶ “Ag ri ke han tũg nĩ. Ãjag mỹ tỹ ũn mág nỹtĩ sór mũ'? Kỹ tỹ ũn kãsir ri ke nỹtĩm nĩ, jagnẽ mré,” he tóg. “Ũ tỹ inh jykre ki tỹ pã'i nĩn kỹ tóg tỹ ti krẽm ke ag camarada ri ke nĩnh ke mũ, ag ki rĩr kỹ.

Lucas 22:26 Iomraidhean Croise

Mateus 20:26

Ag ri ke han tũg nĩ. Ãjag mỹ tỹ ũn mág nỹtĩ sór mũ'? Kỹ tỹ jagnẽ camarada ri ke nỹtĩm nĩ, jagnẽ tũ ki rĩr kỹ.

Marcos 10:43

Ag ri ke han tũg nĩ. Ãjag mỹ tỹ ũn mág nỹtĩ sór mũ'? Kỹ tỹ jagnẽ mỹ rãnhrãj tĩ ri ke nỹtĩm nĩ.

Marcos 9:35

Kỹ Jesus tóg ag mỹ: “ãjag mỹ tỹ ũn mág nỹtĩ sór mũ'?,” he mũ. “Kỹ tỹ ũn sĩ ri ke nỹtĩm nĩ. Ũ tỹ ãjag mỹ nén tó mũ han nĩ, ti há nĩn kỹ,” he tóg.

Lucas 9:48

Kỹ tóg ag mỹ: “gĩr tỹ ge to há nỹtĩm nĩ, isugrĩn,” he mũ. “Ãjag tỹ isugrĩn ti to há nỹtĩn kỹ ãjag tóg iso há nỹtĩ gé sir. Ãjag tỹ iso há nỹtĩn kỹ ãjag tóg ũ tỹ inh jẽnẽg mũ to há nỹtĩ gé sir. Kỹ ãjag kã ũn sĩ ẽn vỹ tỹ ãjag kãfór kar nĩnh mũ, ha mẽ,” he tóg.

Roma 12:2

Ẽprã ke ag jykre han sór tũg nĩ. Topẽ vỹ ãjag krĩ tãg han sór mũ. Kỹ ãjag tóg nén há han ki kanhró nỹtĩnh mũ. Vẽjykre kuryj han jé ãjag tóg ke mũ. Kygnẽnh ke tũ ãjag tóg nĩ. Tag ve sór tóg mũ, Topẽ ti. Tag hã to tóg ẽg kanhrãn ke mũ.

1 Pedro 5:3

Kỹ ãjag krẽm ke ag ki rĩrm nĩ. Ag mỹ komẽr hã vĩm nĩ. Ag rĩnve vẽjykre há hã han kỹ nỹtĩm nĩ, ag tỹ ãjag jykre há ve kỹ ãjag kóm han sór jé.

1 Pedro 5:5

Kỹ sóg kyrũ ag jyvẽn kỹ: “ũn sanh tỹ ãjag mỹ nén tó mũ ẽn han nĩ,” he mũ. Kỹ sóg vẽnh kar jyvẽn kỹ: “jagnẽ to é he tũg nĩ. Jagnẽ ki rĩr há han nĩ,” he mũ. Tag vỹ rán kỹ nĩ, ha mẽ. “Topẽ vỹ ũ tỹ jagnẽ to é he mũ ag kato tẽ tĩ. Hã ra tóg ũ tỹ: “ũn sĩ vỹ tỹ inh nĩ,” he mũ ẽn to há nĩ,” he tóg. Hã kỹ vẽsỹ ũn mág han sór tũg nĩ.