Lucas 22:2 - O Novo Testamento na língua Kaingáng

² Kỹ Topẽ tũ to pã'i ag vỹ ẽg kanhrãn tĩ ag mré Jesus to jykrén mũ. Ag tỹ ti tén sór vẽ. Hã ra ag tóg povo kamẽg mũ.

Lucas 22:2 Iomraidhean Croise

Mateus 12:14

Kỹ pã'i ag tóg, jũgjũ kỹ pa mũ sir. “Ẽg hỹn hẽ ri kenh mũ, ẽg tỹ ti tén jé?“ he ag tóg mũ, Jesus to.

Mateus 21:38

Kỹ ag tóg ti kósin ti ve kỹ jagnẽ mỹ: “kejẽn ẽkré tag vỹ tỹ ti tũ nỹnh ke mũ,” he mũ. “Mũ nỹ, ti tén jé, ti tũ tag tỹ tỹ ẽg tũ nỹn jé,” he ag tóg mũ, patrão kósin to.

Mateus 26:2

“kurã régre tũg kỹ tóg tỹ, ẽg fénhta mág tỹ Páscoa nĩ,” he mũ. “Ẽn kã ag tóg, ẽprã ke fi kósin ti senh ke mũ, kỹ ag tóg, ka to ti sanh ke mũ. Inh hã vẽ,” he tóg, Jesus ti.

Marcos 14:1

Hã ra fénhta tỹ Páscoa kã tákurã tãgtũ vẽ sir, ẽmĩ jãgja tũ konh ke kã tá. Kỹ Topẽ tũ ki rĩr tĩ ag tóg, Jesus vatánh tá ti se sór mũ, ti tén jé.

Lucas 20:19

Kỹ Topẽ tũ to pã'i ag vỹ ti vĩ mẽg mũ. Kỹ ag tóg: “ẽg hã to tóg kãmén ja nĩ, ẽg tỹ Topẽ kato vãsãn tag vỹ ge nỹnh mũ, he mũ ẽn ti,” he mũ. Hã kỹ ag tóg ti se sór mũ. Hã ra ag tóg vẽnh e ẽn kamẽg mũ.

João 11:57

Hã ra Topẽ tũ to pã'i ag vỹ vẽnh kar mỹ vẽnh vĩ jẽnẽ ja nĩgtĩ. “Ãjag tỹ ti ve kỹ ẽg mỹ tónh kãmũm nĩ,” he ja ag tóg nĩ. Ag tỹ ti se sór vẽ.

Han Kãme 4:27

Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé.