Lucas 22:19 - O Novo Testamento na língua Kaingáng

¹⁹ Kỹ tóg ẽmĩ mãg mũ sir. To tóg Topẽ mré vĩ mũ. Kupãn kỹ tóg ag mỹ kãnhkrég mũ. Kỹ tóg ag mỹ: “inh hã vẽ,” he mũ. “Ãjag jagfy sóg vẽnh fẽg ke mũ. Kỹ inh mĩ ẽkrén nĩ, ãjag tỹ ẽmĩ tag konh ken kỹ,” he tóg.

Lucas 22:19 Iomraidhean Croise

Mateus 14:19

Kỹ tóg ũn e ẽn ag mỹ tó mũ, ag tỹ re tá nĩgnĩ kỹ nỹtĩ jé. Kỹ tóg ẽmĩ tỹ 5 (ke) ẽn mãg mũ, pirã régre ẽn ke gé. Kỹ tóg kanhkã ki ẽvãnh mũ sir. Vẽjẽn ẽn to tóg Topẽ mré vĩ mũ sir. Kỹ tóg vãhã ẽmĩ kénh kỹ ti mré mũ tĩ ag mỹ vin mũ sir, ag tỹ kãnhkrén jé, ũn e ẽn ag mỹ.

Mateus 15:36

Kỹ tóg ẽmĩ tỹ 7 (ke) mãg mũ, pirã mré, kỹ tóg to Topẽ mré vĩ mũ. Kỹ tóg vẽnh kãkugpãg mũ, ẽmĩ ti. Kỹ tóg ti mré mũ tĩ ag mỹ vin mũ, ag tỹ vẽnh e ẽn ag mỹ kãnhkrén jé.

Lucas 22:17

Kỹ tóg kópa vãg mũ sir. To tóg Topẽ mré vĩ mũ, kỹ tóg ag mỹ: “ha kron,” he mũ. “Ha vẽnh kãpãm,” he tóg.

Lucas 22:20

Ag tỹ ko kar kỹ tóg kópa vãg mũ gé. Kỹ tóg ag mỹ: “kópa ki jẽ tag vỹ tỹ inh kyvénh ri ke nĩ,” he mũ. “Ãjag jagfy tóg inh ki kãkutẽnh mũ. Inh jykre tãg to ken hã vẽ, isỹ inh kyvénh tugrĩn ãjag mỹ vẽnh pãte fón jé,” he tóg.

Lucas 24:30

Ag mré jẽn ke jo tóg ẽmĩ mãg mũ. Kỹ tóg Topẽ mré vĩ mũ, kar tóg kupãn kỹ tỹ vẽnh ken mũ.

João 6:23

Kỹ canoa ũ tóg ag ki junjun mũ, ẽmã tỹ Tiberíades tá kãmũ ũ. Jesus tỹ tá ẽmĩ to Topẽ mré vĩ ja ẽn tá ag tóg junjun mũ, vẽnh e tỹ ko tá ja ẽn tá.

João 6:51

Ẽmĩ ẽn hã vỹ tỹ inh nĩ, inh hã vỹ kanhkã tá kãtére, inh hã vỹ ãjag rĩnrĩr han ke mũ. Ãjag tỹ ẽmĩ tag ko kỹ ãjag ter ke tũ pẽ nĩ. Isỹ vẽnh kar mỹ vẽjẽn nĩm ke mũn hã vẽ, hã vỹ: inh nĩ, he mũ. Ãjag tỹ inh nĩ ko' hen kỹ ãjag rĩnrĩr nỹtĩnh mũ,” he tóg.

1 Corinto 10:16

Ẽg tỹ Cristo ter ja mĩ ẽkrén kỹ ẽg tóg kron tĩ, ti kyvénh ri ke ẽn ti. Ẽg tỹ kron kỹ ẽg tóg tỹ ti mré ke nỹtĩ sir, ẽg tỹ ti kyvénh ri ke ẽn kron kỹ. Kỹ ti jamĩ vỹ ge nĩgtĩ gé. Kupãn kỹ ẽg tóg ko tĩ, Cristo tỹ ẽg mỹ tón kỹ. Ẽg tỹ kon kỹ ẽg tóg tỹ ti mré ke nỹtĩ gé sir, ẽg tỹ ti nĩ ri ke ẽn kon kỹ.

1 Corinto 10:4

Kanhkã tá goj tỹ ẽganẽ ki ag tóg kronkron kãn ja nĩgtĩ gé. Pãró tá ag tóg goj ve ja nĩgtĩ. Hã ra tóg tỹ kanhkã tá ke nĩ ja nĩgtĩ. Cristo to ken hã vẽ. Ti hã vỹ ag mré tĩ ja nĩgtĩ. Kỹ tóg ag mỹ goj ẽn ven ja nĩgtĩ.

Galácia 1:4

Ti hã ne ũ tỹ ti tén mũ ag mỹ vẽnh fẽg', ti tỹ ẽg tỹ Topẽ vĩ mranh tỹ tũ' he jé. Kỹ tóg ẽg kren han, ẽprã ke jykre pãno to. Ẽg jykre pãno nĩn kỹ tóg ẽg mỹ ũn tãg nĩm, ẽg tỹ ti ki ge kỹ. Ẽg jóg tỹ Topẽ tỹ nén ve sór mũn hã vẽ. Ti hã ne Jesus mỹ tag tó ja nĩ'.

Galácia 4:25

Kỹ Agar fi vỹ krĩ tỹ Sinai ri ke nĩ, ga tỹ Arábia tá, hã vỹ Jerusalém he mũ, ũri. Ũ tỹ Judeu jykre han mũ to ken hã vẽ. Tag pijé ag tỹ Topẽ mré ke han mũ'.

Éfeso 5:2

Jagnẽ to há kar nỹtĩm nĩ, Cristo tỹ ẽg to há nĩ ri ke. Ẽg jagfy tóg vẽnh fẽg. Ẽg tỹ Topẽ mỹ nén ũ pũn ri ke ti nĩ, ti tỹ ẽg jagfy vẽnh fẽg mũ ẽn ti. Kỹ tóg Topẽ mỹ há tĩ sir.

1 Tessalônica 5:18

Nén ũ kar to ti mỹ: “inh mỹ tóg há tĩ,” hem nĩ gé. Topẽ jykren hã vẽ. Jesus Cristo nón ẽg tóg ti jykre han ke mũ. Ẽg tỹ nén ũ vég mũ kar to ẽg tóg: “inh mỹ tóg há nĩ,” henh ke mũ.

Tito 2:14

Ẽg jagfy tóg ter ja nĩ, ti tỹ ẽg jykre kórég ẽn tỹ tũ' he jé. Kỹ tóg ẽg kykũg mũ, ẽg jãnhkri nỹtĩ jé. Kỹ ẽg tóg tỹ ti tũ nỹtĩ sir, vyr mỹ. Ẽg pijé tỹ ũ tũ nỹtĩ ha'.

1 Pedro 2:24

Ha vé, Cristo vỹ ẽg tỹ Topẽ vĩ mranh ja ẽn kajãm ja nĩgtĩ. Krunh to sa kỹ tóg ter ja nĩgtĩ. Hã tugrĩn ẽg jykre pãno tóg tũ tĩ ha, ti tỹ tỹ tũ' hen kỹ. Vẽjykre há hã han jé ẽg tóg ti ki ge kỹ nỹtĩ. Ti vẽsỹrénh tugrĩn ẽg tóg tỹ ũn há nỹtĩ.