Lucas 21:8 - O Novo Testamento na língua Kaingáng

⁸ Kỹ tóg ag mỹ: “ker ũ vĩ jẽmẽ hẽ',” he mũ. “Ũ tỹ hẽn ri ke ag vỹ ón kỹ ijiji tónh kãmũnh mũ. “Cristo vỹ tỹ inh nĩ. Inh kurã vỹ hur jun,” he jé ag tóg ke mũ. Ag nón mũ tũg nĩ.

Lucas 21:8 Iomraidhean Croise

Mateus 24:11

Ón kỹ inh vĩ tó tĩ ag vỹ junjun ke mũ gé, ag tỹ ũn e krĩn jé sir, ag tỹ isogvãnh jé.

Mateus 3:2

“Ãjag jykre pãno tovãnh nĩ, Topẽ tỹ tỹ ãjag pã'i nĩ jé,” he tóg.

Mateus 4:17

Ga ẽn tá nĩ kỹ tóg, ag mỹ Topẽ vĩ tó mũ, kỹ tóg ag mỹ: “ãjag jykre pãno tovãnh ra,” he mũ, “ãjag tỹ ũri ũ tỹ kanhkã tá nĩ ẽn tỹ tỹ ẽg pã'i nĩ ve jé,” he tóg, Jesus ti.

Lucas 17:23

“Kejẽn ag tóg ãjag mỹ: “tag ki ti jun,” henh ke mũ. “Ẽn tá tóg jẽ,” he jé ag tóg ke mũ gé. Kỹ venh mũ tũg nĩ hã ra.

Lucas 21:7

Kỹ ag tóg ti mỹ: “kurã tỹ ne kã ke nẽ hỹn'?“ he mũ. “Ẽg hỹn hẽn ri ken kỹ ti kurã ki kanhró nỹtĩnh mũ? Topẽ hỹn ne han vén ke mũ, ẽg tỹ kurã ẽn ki kanhró nỹtĩ jé?“ he ag tóg.

Lucas 21:9

Jagnẽ kato vãsãnsãn mũ ag tỹ vẽnh génh mẽgmẽ jé ãjag tóg ke mũ. Kamẽg tũg nĩ hã ra. Vẽnh génh tỹ hẽn ri ke han jé ag tóg ke mũ, kurã tỹ ẽgno to hã. Ti kurã kã ke pijé',” he tóg.

João 5:43

Ãjag mỹ sóg: “ẽg jóg mág vỹ inh jẽnẽ,” henh kãtĩg ja nĩ. Hã ra ãjag tóg inh vĩ mẽ sór tũ nỹtĩ. Ũ tóg kejẽn ãjag mré vẽmén kãtĩg ke mũ, Topẽ tỹ ti jẽnẽg tũ (hã) ra. Ẽn vĩ jẽmẽ jé ãjag ke mũ, ha vem nĩ.

João 8:24

“Hã kỹ sóg ãjag mỹ: kãgter jé ãjag tóg ke mũ, kỹ ãjag tỹ Topẽ vĩ mranh ja ẽn vỹ ãjag kã kã nĩnh mũ, he ja nĩ. Ha vé, ãjag tỹ inh ki ge sór tũ nĩn kỹ tóg ãjag kã kã nĩnh mũ, ãjag tỹ Topẽ vĩ mranh ja ẽn ti. Ũ ẽn vỹ tỹ inh nĩ, he ja inh nĩ ãjag mỹ. Kỹ: hỹ, hem nĩ,” he tóg, Jesus ti.

João 8:28

Kỹ tóg ag mỹ tó mãn mũ. “Ãjag tỹ ka to isa kỹ, ẽn kã ãjag tóg inh ki kanhrãn ke mũ,” he tóg. “Tỹ sóg ẽprã ke fi kósin nĩ. Kurã ẽn kã ãjag tóg inh ki kanhró nỹtĩnh ke mũ, isỹ tỹ ũ ẽn nĩ ti. Inh pijé vẽsóg ki nén ũ to jykrén tĩ'. Inh panh tỹ inh mỹ nén tó mũ ẽn hã tó sóg tĩ.

1 Corinto 6:9

Ũn jykre pãno ag pijé Topẽ tỹ tỹ ẽg pã'i nĩ venh ke mũ'. Ãjag mỹ tag mẽ ja tũ? Ha mẽ. ker kygnẽ hẽ'. Ũ tỹ ũn mén tũ fag mré nỹ mũ ag pijé venh ke mũ', Topẽ tỹ tỹ ẽg pã'i nĩ ti. Ũ tỹ vyrmỹ topẽ han mũ ag pijé venh ke mũ'. Ũ tỹ ti prũ ra ũ fi mré nỹ mũ ẽn pijé venh ke mũ'. Ũ fi tỹ fi mén ra ũ mré nỹ kỹ fi pijé venh ke mũ'. Ũn gré tỹ ũn gré ũ tỹ prũg mũ ẽn pijé venh ke mũ'.

Éfeso 5:6

Ũ tóg ón kỹ ãjag mỹ vẽnh vĩ há tó sór tĩ. Ũ tỹ ge vĩ jẽmẽ tũg nĩ, ke tũ nĩ mũ ra Topẽ tóg ãjag to jũnh ke mũ. Ti vĩ mranh vẽ mỹr, kỹ tóg ũ tỹ ge to jũnh ke mũ.

2 Tessalônica 2:3

Ag jykre tugnỹm ra, ũ tỹ ãjag krĩn kónãn sór mũ ag. Ũri ke tũ vẽ ver. Ti kãtĩg ke to hã ũ tỹ hẽn ri ke ag vỹ ti tovãnh ke mũ ver. Ti kato tẽgtẽ jé ag tóg ke mũ ver. Kỹ ũ tóg ver vẽnh ven ke mũ gé, hã vỹ: “ũ tỹ Topẽ vĩ mranh tĩ ẽn,” he mũ, “ũ tỹ nũgme ki kutẽnh ke mũ ẽn ti,” he mũ.

2 Timóteo 3:13

Ẽg jãvo ũn jykre pãno ag vỹ komẽr hã vẽjykre pãno han kãn kỹ nỹtĩ, ũn ónón mũ ag ke gé. Ũ ag lograr (ke) he ag tóg tĩ, hã ra ag tóg ag lograr (ke) he tĩ gé, vẽnh kato.

1 João 4:1

Ãjag to sóg há tãvĩ nĩ, ha mẽ. Kãnhmar ũ vĩ jẽmẽ sór tũg nĩ, ti tỹ: “Topẽ kuprĩg vỹ tỹ inh jagrẽ nĩ,” he mũ ra. Komẽr hã ti vĩ tugnỹm nĩ, ãjag tỹ ti jagrẽ ve jé. Ón kỹ Topẽ vĩ tó tĩ ag vỹ mĩ mũgtĩ, ũ tỹ hẽn ri ke ag, ha mẽ.

2 João 1:7

Ũ tỹ hẽn ri ke ag vỹ mĩ mũgtĩ. Hã ra ag tóg Jesus Cristo to ón tĩ. Ti to ag tóg: “ti pijé ẽg ri ke mur ja nĩ'. Ẽprã ke fi kósin pijé',” he tĩ. Ag ón vẽ. Cristo kato tẽ ag vẽ.

Nén Venh Ke 1:3

Ũ tỹ vẽnh rá tag to ke mũ ag mỹ tóg vĩ há han ke mũ, ũ tỹ vẽnh vĩ tag mẽg mũ ag mỹ ke gé. Topẽ tỹ tó mũn hã vẽ, ẽg tỹ ti vĩ ki króm jé. Kãnhmar ẽg tóg rán kỹ nĩ tag ve kãn ke mũ. Kakó tãvĩ tóg tĩ ha.

Nén Venh Ke 12:9

Mĩg fẽr ẽn kutẽm ag tóg mũ sir. Pỹn ve tỹ ũn ve fag krĩn kónãn mũ ẽn hã vẽ. Japon hã vẽ. Satanás hã vẽ. Ẽprã ke ag tỹ Topẽ kato vãsãnsãn han mũ ẽn hã vẽ, hã vỹ: mĩg fẽr, he mũ. Ag tỹ kanhkã tá ti kutẽm kỹ ag tóg ga kri ti fón mũ sir, ti krẽm ke kar ag mré hã.