Lucas 21:34 - O Novo Testamento na língua Kaingáng

³⁴ “Vẽnh ki ẽmẽ, ãjag tỹ fénhta tãvĩ to vẽnh kutãn tũ nĩ je, vẽnh kanhir e to ke gé. Kỹ vẽjẽn to krĩ kufy han tũg nĩ gé, kur to, tag ki nén ũ kar to. Ke tũ nĩ mũ ra inh kãtĩg mãn ke kurã ẽn vỹ ãjag vatánh tá jun ke mũ.

Lucas 21:34 Iomraidhean Croise

Mateus 13:22

Ti fy ũ tóg sónh kã ki krãn kỹ nĩ. Ũ vẽ gé. Topẽ vĩ mẽg tóg mũ gé. Hã ra tóg ti rãnhrãj hã mĩ ẽkrég mũ sir. Nén kar to én tóg mũ sir. Ón kỹ tóg riko nĩ sór mũ. Hã kỹ tóg Topẽ vĩ kã jatu' he mũ sir. Kỹ tóg kanẽn há han tũ nĩ sir.

Marcos 13:9

“Rẽngag nĩ. Ãjag jyvẽn tar han jé ag tóg ke mũ. Vẽnh kanhrãn jafã krẽm ag tóg ãjag mrãnmrãn ke mũ, isũgrĩn. Ãjag jé ag tóg prẽr ke mũ gé, pã'i mág tỹ ãjag ve jé, pã'i mág kar ti, ãjag tỹ ag mỹ inh vĩ tugtó jé.

Marcos 4:19

Hã ra ag tóg, ag rãnhrãj hã mĩ ẽkrég mũ, ón kỹ riko nĩ sór kỹ. Nén ũ kar to ag tóg én tĩ, hã kỹ Topẽ vĩ tóg, ag mỹ tũ' he mũ sir. Kỹ ag tóg kanẽn há han tũ nĩ.

Lucas 10:41

Hã ra tóg fi mỹ: “krĩ kufy ã tóg nĩ, nén ũ tũ to, hã ra fi tóg inh vĩ jẽmẽg nĩ nĩ,” he mũ. “Vẽjẽn to vẽnh kutãn tũg nĩ.

Lucas 12:40

Ge ti nĩ, inh kãtĩg mãn ke ti. Ha vẽnh ki rĩr. Ẽprã ke fi kósin vỹ kãtĩg ke mũ, ãjag tỹ ti kãtĩg ke to jykrén tũ hã ra,” he tóg.

Lucas 17:3

To jykrén, vẽnh ki rĩr kỹ. Kejẽn ã régre vỹ Topẽ vĩ mranh mũ. Kỹ ti mỹ tóm nĩ, ti tỹ kygnẽ ti. Ti tỹ tovãnh sór kỹ ti mỹ vẽnh pãte fón nĩ.

Lucas 21:35

Ãjag tỹ to vẽnh kãn kỹ nỹtĩ tũ nĩn kỹ tóg ãjag mỹ sẽsĩ tỹ ẽgje tỹ sa ri ke nĩ. Vẽnh vatánh tá tóg tỹ sa tĩ. Ge ti nĩnh mũ, inh kãtĩg mãn ke ti. Ga kri mũ ag kar vatánh tá sóg jun ke mũ.

Lucas 21:8

Kỹ tóg ag mỹ: “ker ũ vĩ jẽmẽ hẽ',” he mũ. “Ũ tỹ hẽn ri ke ag vỹ ón kỹ ijiji tónh kãmũnh mũ. “Cristo vỹ tỹ inh nĩ. Inh kurã vỹ hur jun,” he jé ag tóg ke mũ. Ag nón mũ tũg nĩ.

Lucas 8:14

Kỹ ti fy tỹ sónh kã ki krãn kỹ nỹtĩ vỹ, ge nỹtĩgtĩ gé. Topẽ vĩ mẽg ag tóg tĩ gé. Hã ra ag tóg, ag rãnhrãj hã tỹ vẽnh kutãn tĩ. Ón kỹ ag tóg riko nỹtĩ sór mũ, ag rãnhrãj to. Nén kar to ag tóg én tĩ, kỹ tag hã ne ag kókég tĩ'. Hã kỹ ag tóg, Topẽ vĩ mĩ ẽkrén mãn tũ nĩ sir. Kanẽn há han tũ ag tóg nĩ gé sir.

1 Corinto 5:11

Hã ra sóg ãjag mỹ ũ tỹ ón kỹ tỹ ẽg régre nĩ ẽn rán mũ. Ũ tỹ ã mré Jesus ki rã kỹ nĩ ra nén ũ vẽnh mỹ han tovãnh sór tũ nĩn kỹ ti mré tĩg mãn tũg nĩ, ti tỹ nén kar to én (ka)mẽ nĩn kỹ, ti tỹ vyrmỹ topẽ han kỹ, ti tỹ ũ to vĩ kónãn mẽ nĩn kỹ, ti tỹ kron mẽ nĩn kỹ, ti tỹ nén ũ pigju(g) tĩ nĩn kỹ. Ũ tỹ ge mré nĩ sór tũg nĩ, ti mré jẽn tũg nĩ gé.

1 Corinto 6:10

Ũn tũ péju(g) tĩ ẽn pijé venh ke mũ'. Ũ tỹ nén kar to én mẽ pijé venh ke mũ'. Ũn kron mẽ pijé venh ke mũ'. Ũ tỹ ẽg to vĩ kónãn tĩ pijé venh ke mũ'. Ũ tỹ ẽg vatánh tá ẽg tũ mãg tĩ pijé venh ke mũ'. Topẽ tỹ tỹ ẽg pã'i nĩ venh ke tũ ag tóg nĩ, vẽjykre tỹ ge han tĩ ag.

Galácia 5:20

ẽg tỹ vẽnh kãgrá to: Topẽ vẽ, he tĩ, kujá jykre han tĩ, jagnẽ kato vãsãn tĩ, jagnẽ to ẽg fe tỹ gỹm ke (ka)mẽ, jagnẽ tũ to jykrén kónãn tĩ, vẽsỹ ũn mág han sór mũ, vẽnh kãpãm kỹ nỹtĩ sór mũ,

Filipos 4:6

Krĩ kufy nỹtĩ tũg nĩ. Nén kar tóm nĩ, Topẽ mỹ, ti mré vĩn kỹ. Kỹ ti mỹ nén kar to vĩm nĩ gé, ãjag tỹ nén ve sór mũ kar to. Kỹ ti mỹ nén kar to: “há ti nĩ,” hem nĩ gé, ãjag tỹ ti mỹ agradecer hen kỹ.

Hebreu 12:15

Vẽnh ki rĩr há han nĩ, ãjag kã mĩ ũ tỹ Topẽ tỹ ẽg jagãgtãn mũ tag to é he tũ nĩ jé. Ãjag kã mĩ ũn pir tỹ vẽjykre kórég to tar nĩn kỹ tóg ẽg mỹ, ti tỹ ũn e ag krĩn kónãn ha mẽ tĩ, ag tỹ ti jykre kórég ẽn ri ke nỹtĩ jé. Kỹ tóg ẽg jakré kã mĩ vãnh jagy ri ke nĩ. Ẽg jakré kókég ti tĩ, vẽjykre kórég tỹ ẽg kókén ri ke.

2 Pedro 3:10

Hã ra tóg kãtĩg mãn ke mũ, ha vem nĩ. Vãhã tóg kãtĩg ke mũ, kỹ tóg ũ tỹ ẽg tũ péju tĩ tỹ ẽg vatánh tá kãtĩg ri ke nĩnh ke mũ. Ẽn kã kanhkã tóg tov kỹ kréj ke kỹ vár ke mũ. Kanhkã tá nén kar vỹ jonh ke kãn ke mũ gé, krĩg kar ag, pĩ ẽn tỹ ag tỹ kréj ken kỹ. Kỹ vãhã ga vỹ tũ' henh ke mũ, ga kri ke kar ag ke gé.

2 Pedro 3:14

Inh kanhkã', ãjag to sóg há tãvĩ nĩ. Topẽ kurã tag jãvãnh ãjag tóg nỹtĩ. Kỹ vãsãnsãn nĩ, ãjag tỹ kygnẽg tũ nĩ jé. Vãsãnsãn nĩ, ãjag tỹ Topẽ mỹ jãnhkri nỹtĩ jé, ãjag tỹ ti há ri ke nỹtĩ jé. Kỹ ãjag tóg ti kato vãsãnsãn ke tũ nĩ.

Nén Venh Ke 3:3

Vẽnh vĩ sér mẽ ãjag mỹr. Kỹ to jykrén há han nĩ. To tar nỹtĩm nĩ. To vãsãn nĩ. Ãjag nũgnũr kỹ sóg ãjag krĩg mỹ jun ke mũ. Ũ tỹ ẽg tỹ nén péju tĩ tỹ ẽg nũr krĩg mỹ jun ẽn ri ke han jé sóg ke mũ. Inh jun ke kurã ki kagtĩg ãjag tóg nỹtĩ mỹr.