Lucas 21:3 - O Novo Testamento na língua Kaingáng

³ Kỹ tóg fi to: “ve ra ha,” he mũ. “Ũn riko tỹ vin kãfór han fi tóg, fi tũ sĩ hã ra. Tỹ nén ũ tũ fi tóg nĩ. Fi mén vỹ hur ter.

Lucas 21:3 Iomraidhean Croise

Lucas 12:44

Ti tỹ tóg pã'i han ke mũ, ti tỹ ti tũ ki rĩr kãn jé sir. Ki hã sóg tó mũ mỹr, ha mẽ.

Lucas 21:2

Kỹ ũn mén ter ja fi vỹ tá jun mũ gé sir. Tỹ nén ũ tũ fi tóg nĩ, hã ra fi tóg jãnkamy kãsir régre vin mũ, Topẽ mỹ.

Lucas 21:4

Kỹ fi tóg fi tũ vin kãn ja nĩ, fi jẽn mré hã. Jãvo ũn riko ag vỹ ag tũ ke hã tỹ Topẽ mỹ vin mág tĩ. Hã ki fi tóg ag tỹ nĩm kãfór han, fi tỹ nĩm sĩ pẽ han mũ ra. Ki hã sóg tó mũ mỹr,” he tóg.

Lucas 4:25

Ha mẽ. Elias to jykrén nĩ. Ti tỹ ga kri tĩ mũn kã Topẽ tóg ti mỹ ta kutẽ vãnh han ke tó ja nĩgtĩ. Kỹ ta tóg kutẽ vãnh han mũ, prỹg tãgtũ kri kysã tỹ 6 (ke) ki. Kỹ tóg prỹg tĩ sir, ga ẽn mĩ, vẽjẽn tóg tũ' he mũ sir.

Lucas 9:27

“Ki hã sóg tó mũ, ha mẽ. Ãjag kã mĩ ũ ag vỹ Topẽ tỹ tỹ ẽg pã'i nĩ venh ke mũ, ag kãgter ke to hã, tag ki ẽg mré nỹtĩ ũ ag,” he tóg.

Han Kãme 10:34

Kỹ Pedro tóg ag mỹ kãmén mũ, kỹ tóg: “vãhã sóg to jykrén mũ, Topẽ mỹ nén ũ tũ vẽ, Judeu he mũ ẽn ag, fóg he mũ ẽn ag ke gé, kanhgág ag ke gé, Judeu jykre han tũ kar ag.

Han Kãme 4:27

Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé.

2 Corinto 8:12

Kỹ tóg Topẽ mỹ há tĩnh mũ. Ũ tỹ nén ũ mág vỹ nĩm mág han ke mũ. Ũ tỹ nén ũ sĩ vỹ sĩn kỹ nĩm ke mũ. Topẽ pijé ũ tỹ nén ũ sĩ nĩm mág han mũ ve sór mũ'.