Lucas 21:28 - O Novo Testamento na língua Kaingáng

²⁸ “Ãjag tỹ isỹ ãjag mỹ nén tó mũ ẽn ve sĩ han kỹ ãjag kanẽ nĩm nĩ, ti tỹ ãjag mỹ sér pẽ tĩn kỹ. Isỹ vãhã ãjag krenkren han ke vẽ sir, isỹ kurã ẽn kã jun kỹ,” he tóg.

Lucas 21:28 Iomraidhean Croise

Lucas 13:11

Hã ra ũ fi tóg tá jẽ nĩ. Jagrẽ kórég fi nĩ, hã kỹ fi tóg pãnh ke kỹ jẽ nĩ. Vẽnh ra hã fi tóg jẽ kórég nĩ, fi jagrẽ tugrĩn. Prỹg tỹ 18 (ke) han fi tóg, fi jagrẽ tỹ fi kagãg tĩ ki.

Lucas 18:7

“Hã kỹ Topẽ vỹ ãjag krenkren han ke mũ gé. Ãjag kuprẽg ja tóg nĩ mỹr, kỹ ti mré vẽmén nĩ. Kurã ki ti mré vĩm nĩ, kuty tá ke gé. Ãjag kren han tũ nĩ ve ti nĩ, kejẽn.

Lucas 21:29

Kỹ tóg ag mỹ: “inh kãtĩg mãn ke vỹ ge nỹnh mũ, ha mẽ,” he mũ. “Ka tỹ figueira to ki kanhrãn nĩ, ka ũ to ke gé,” he tóg.

Roma 8:19

Topẽ vỹ ti krẽ tỹ ũn mág han ke mũ. Kỹ Topẽ tỹ ũn han mũ kar ag tóg tag hã ve sór mũ gé, misu kar, ka kar, ẽkré kar ke gé, nén kar ti.

Roma 8:23

Nén ũ kar tag vẽnhkrẽr ri ke han ẽg tóg tĩ gé, ẽg tỹ ti jagy ven kỹ, ẽg tỹ ti kuprĩg tỹ jagrẽ nỹtĩ ra. Ẽg jagrẽ to ẽg tóg ki kanhró nỹtĩ, ẽg tỹ tá tỹ ũn mág nỹtĩnh ke ti. Ge ra tóg ver ẽg mỹ jagy tĩ, tag ti ki. Kỹ ẽg tóg ti mré nỹtĩ sór mũ. Kỹ ẽg tóg venh ke mũ sir, ti tỹ ti krẽ pẽ mỹ nén nĩm ke mũ ti. Hã jãvãnh ẽg tóg mũ.

Éfeso 1:14

Ẽg jagrẽ tag tugrĩn ẽg tóg ti ki kanhró nỹtĩ. Kejẽn ẽg tóg ti venh ke mũ, ha vem nĩ, kỹ tóg ẽg mỹ sér tĩnh mũ. Kỹ ẽg tóg ti mỹ vĩ há han ke mũ, ti tỹ tỹ ũn mág jẽn kỹ.

Éfeso 4:30

Topẽ kuprĩg fe kaj han sór tũg nĩ gé. Topẽ vỹ ẽg mỹ ti kuprĩg jẽnẽ, ti tỹ hã tugrĩn ẽg nĩgjẽg jé, ẽg krenkren ke to. Ti tỹ tỹ ẽg jagrẽ nĩn kỹ ẽg tóg ki kanhró nỹtĩ, Topẽ tỹ ẽg krenkren han ke mũn ki.