Lucas 21:24 - O Novo Testamento na língua Kaingáng

²⁴ Ãjag kã mĩ ũn e tãvĩ kãgter ke vẽ, rógro tỹ. Kỹ ãjag kã mĩ ũ ag vỹ sigse kỹ mũnh mũ, povo kar kãmĩ. Kỹ Jerusalém vỹ kókén kãn kỹ nĩnh ke mũ. Fóg ag vỹ sãnsãn ke mũ, ãjag jamã ti. Kejẽn fóg ag tỹ tũ' henh ke kurã vỹ jun ke mũ gé hã ra,” he tóg, Jesus ti.

Lucas 21:24 Iomraidhean Croise

Lucas 21:25

“Kurã ẽn kã rã vẽnh mỹn ke vẽ, kysã ti ke gé, krĩg ti ke gé. Kỹ ga kri mũ ag vỹ kamẽgmẽg kãn ke mũ. Kanẽ junjur mág jé ag tóg ke mũ, povo kar ẽn ag. Kỹ goj vỹ krém kenh mũ, goj kafã tũ vỹ jũnh ke mũ, ti kurã jun kỹ.

Roma 11:25

Isỹ ãjag mỹ nén ũ kãmén sór vẽ, ãjag tỹ mẽ ja tũ ũ, ha mẽ, ãjag tỹ Judeu ag to é he tũ nĩ jé. Ha vé, Judeu ũ ag vỹ ver mẽ sór tũ nĩgtĩ. Ũ ag tóg mẽ sór mũ. Kejẽn vẽnh kar tóg hã ra mẽ kãn ke mũ, fóg ag kar, kanhgág ag kar ke gé, Judeu ag kar ke gé.

Hebreu 11:34

Pĩ gru jagy ẽn vỹ, ag tỹ hẽ ri ke ja tũ nĩgtĩ gé, ũ tỹ Topẽ ki ge kỹ nỹtĩ ẽn ag. Ũ tỹ rógro tỹ ag tén sór mũ ra tóg, ag tỹ hẽ ri ke ja tũ nĩgtĩ gé. Ag krój nỹtĩ ra ag tóg, tỹ ũn tar nỹtĩ ja nĩgtĩ. Vẽnh génh han kỹ ag tóg ag kato vãsãnsãn mũ ag pétẽ han gé.

Nén Venh Ke 11:2

Topẽ ĩn vãso ẽn kãmun tũg nĩ hã ra. Fóg ag tũ vẽ, kỹ kãmun tũg nĩ. Kysã tỹ 42 (ke) ki fóg ag tóg ẽmã ẽn kókén ke mũ, Topẽ tỹ ẽmã to: “isũ vẽ,” he mũ ẽn ti.