Lucas 21:20 - O Novo Testamento na língua Kaingáng

²⁰ “Kejẽn soldado ag tóg Jerusalém jy nỹtĩnh mũ, ag tỹ ẽmã ẽn kókén jé. Ãjag tỹ tag ve kỹ ãjag tóg ki kanhró nỹtĩnh mũ. Ag tỹ ti kókén kãn ke kurã vỹ jun ke mũ, kurã ẽn kã.

Lucas 21:20 Iomraidhean Croise

Mateus 24:15

“Kejẽn ãjag tóg, ãjag tỹ nén kamẽg tĩ ẽn venh ke mũ sir, ẽg kavénh tĩ ẽn ti,” he tóg. “Topẽ vĩ tó tĩ tỹ Daniel vỹ ti tó ja nĩgtĩ. Topẽ ĩn tá tóg jẽnh mũ, ẽg kavénh tĩ ẽn ti. Ũ tỹ vẽnh rá tag to ke mũ jé ki kanhró nĩ.

Marcos 13:14

Kỹ tóg ag mỹ: “kejẽn ãjag tóg vãhã ãjag tỹ nén kamẽg tĩ ẽn venh ke mũ, ẽg kavénh mũ ẽn ti,” he mũ. “Topẽ vĩ tó tĩ tỹ Daniel vỹ ti tó ja nĩgtĩ. Ti jẽnh ke tũ tá tóg jẽnh mũ. Ũ tỹ to ke mũ ẽn jé ki kanhró nĩ. Kỹ Judéia ki ke kar ag jé vẽnh pigjunh mũjẽg, pãnónh ra, fag mré hã.

Lucas 19:43

Hã kỹ ãjag tóg vãhã kurã kórég pẽ venh ke mũ. Ãjag kato tẽ ag vỹ ãjag to ráránh ke mũ. Komẽr hã ag tóg ãjag to grẽngrẽn kenh ke mũ. Kỹ ag tóg ãjag ẽmã jy ró pénĩn vỹrỹn kenh ke mũ sir.

Lucas 21:7

Kỹ ag tóg ti mỹ: “kurã tỹ ne kã ke nẽ hỹn'?“ he mũ. “Ẽg hỹn hẽn ri ken kỹ ti kurã ki kanhró nỹtĩnh mũ? Topẽ hỹn ne han vén ke mũ, ẽg tỹ kurã ẽn ki kanhró nỹtĩ jé?“ he ag tóg.

Hebreu 11:30

Israel ag vỹ Topẽ ki ge kỹ nỹtĩ ja nĩgtĩ gé. Hã kỹ ẽmã tỹ Jericó jy ró ẽn vỹ vẽsóg ki kórég kãn ja nĩgtĩ, ag tỹ pénĩn mũ tỹ 7 (ke) han kar kỹ, ag tỹ kurã tỹ 7 (ke) ki pénĩn mũ kar kỹ.

Hebreu 12:1

Ha vé, ũ tỹ ẽg jo Topẽ tovãnh tũ ag vỹ e tãvĩ nỹtĩ. Ẽg pénĩn ag e nỹtĩ, ẽg ve kỹ. Kỹ tóg há tĩ, ẽg tỹ Topẽ japry jagma mũ há han ke ti. Ẽg tỹ corrida han ri ke ti nĩ. Ẽg tỹ tỹ vaj kỹ corrida han ken kỹ ẽg tóg ũri vẽnhkán há han ke mũ. “Ne nỹ isar han mũ, corrida to?“ he ẽg tóg tĩ. Ẽg tỹ nén han ke mũ ẽn tovãnh ẽg tóg tĩ, Topẽ jykre ri ke ti nĩ, tag ti. “Tag mỹ Topẽ to isar han mũ vỹ?“ hem nĩ, ãjag tỹ nén han ke mũ ẽn kar to.