Lucas 21:16 - O Novo Testamento na língua Kaingáng

¹⁶ Ẽn kã ãjag han mũ ẽn vỹ ãjag senh ke mũ, ãjag mré pafa mũ ag ke gé, ãjag mré ke ag ke gé, ãjag to há kar ag mỹr. Ãjag kã mĩ ũ ag kãgtén jé ag tóg ke mũ gé, ha vem nĩ.

Lucas 21:16 Iomraidhean Croise

Mateus 10:21

“Ũ ag tóg, ag mré pafa mũ fag kãmén ke mũ, pã'i ag mỹ, ag tỹ fag kãgtén jé. Kỹ ũ ag tóg ag krẽ kãmén ke mũ gé. Kỹ ũ ag tóg ag han mũ fag kãmén ke mũ gé, pã'i ag mỹ, ag tỹ fag kãgtén jé, mỹr, ha mẽ.

Marcos 13:12

“Ũ vỹ tóg ti régre senh ke mũ, ti ter jé, ẽn kã. Kỹ ũ panh tóg ti kósin senh ke mũ gé. Kỹ ũ krẽ tóg ti han mũ fag sigsenh ke mũ gé, fag kãgtén jé.

Lucas 12:53

Jagnẽ kato fag tóg jagnẽ to jũgjũnh ke mũ. Ũ tóg ti kósin kato tẽnh ke mũ, kỹ ũ tóg kejẽn ti panh kato tẽnh ke mũ gé. Ũ fi vỹ fi kósin fi kato tẽnh ke mũ, kỹ ũ fi vỹ fi mỹnh fi kato tẽnh ke mũ gé. Kỹ ũ tóg ti má fi kato tẽnh ke mũ, kỹ fi tóg fi jamré kato tẽnh ke mũ gé sir. Ge ti nĩgtĩ,” he tóg.

Lucas 21:15

Inh hã vỹ ãjag vĩ han ke mũ. Inh jykre nĩm jé sóg ke mũ ãjag mỹ, ãjag tỹ ag mỹ tó há han jé. Kỹ tóg ag tỹ ãjag vĩ kafãn sór mũ ra ag mỹ vẽnh mỹ tĩnh mũ, ãjag kato tẽ ag tỹ ne tónh ke tóg tũ tĩnh mũ, ha vem nĩ.

Lucas 21:17

Vẽnh kar vỹ ãjag to kórég tãvĩ nỹtĩnh mũ, ijiji tugrĩn.

Han Kãme 12:2

Kỹ tóg soldado jẽnẽg mũ, ti tỹ Tiago tén jé, João kãke ẽn. Kyfé téj tỹ tóg ti tén mũ, rógro téj tỹ.

Han Kãme 7:59

Kỹ ag tóg Estêvão pin mũ sir, pó tỹ. Hã ra Estêvão tóg jamã há ra : “!..inh Senhor'..!“ he mũ. “!..Jesus'..!“ he tóg. “!..Inh kuprĩg jãvãnh ra..!“ he tóg mũ.

Nén Venh Ke 12:11

Ẽg mré ke ag vỹ ti tỹ hẽn ri ke ja nĩgtĩ, cordeiro kyvénh ẽn tugrĩn, vẽnh vĩ há ẽn tugrĩn, ag tỹ vẽnh kar mỹ Topẽ vĩ tó tĩ ẽn tugrĩn. Ag kã ũ kãgtén ja ag tóg nĩgtĩ. Hã ra tóg ag mỹ tỹ nén ũ tũ nĩ ja nĩgtĩ, ag tỹ Jesus tugrĩn ag kãgtén mũ ra. Hã kỹ ag tóg Japo tỹ hẽn ri ke ja nĩ.

Nén Venh Ke 2:13

“Satanás nĩgja tá ãjag tóg ẽmã nỹtĩ, ki kanhró sóg nĩ. Iso tar ãjag tóg nỹtĩ. Ãjag régre tỹ Antipas tén ja ag tóg nĩ, ti tỹ ijiji tó tugrĩn. Ge ra ãjag tóg iso: “ti ki kagtĩg sóg nĩ,” he ja tũ nĩ, ãjag tỹ Satanás jamã tá nỹtĩ ra.

Nén Venh Ke 6:9

Kỹ cordeiro vỹ ti tógfĩ ũ kavãg mũ gé. Ti tógfĩ tỹ 5 (ke) tá krỹg vẽ sir. Kỹ sóg nĩgja sĩnvĩ ẽn krẽm ẽvãnh kỹ, ag tỹ Topẽ vĩ tugrĩn ũn kãgtén mũ ag kar kuprĩg vigvég mũ. Topẽ vĩ tó to krónh ke ja tũ ag tóg nĩ. Hã kỹ ag tóg ag kãgtén ja nĩgtĩ, ũ tỹ ag vĩ jẽmẽ sór ja tũ ẽn ag.