Lucas 20:8 - O Novo Testamento na língua Kaingáng

⁸ Kỹ Jesus tóg ag mỹ: “kỹ sóg ãjag mỹ ũ tỹ ijẽnẽg mũ tónh ke tũ nĩ gé,” he mũ.

Lucas 20:8 Iomraidhean Croise

Mateus 15:14

“Hã kỹ ag to jykrén tũg nĩ. Ũn kyvó ag mỹ ag tóg: “sỹ ã jãmĩ tĩg ke vẽ,” he tĩ, hã ra ag tóg ag kóm kyvó nỹtĩ gé, kỹ ũn kyvó tỹ ũn kyvó jãmĩ tĩg kỹ ag tóg kãgnó ki vár kãn ke mũ, ha vem nĩ,” he tóg. Ag tỹ nũgme ki vár ke to ken hã vẽ, hã vỹ: kãgnó ki vár, he mũ.

Mateus 16:4

Kórég ãjag nỹtĩ, ãjag tỹ Topẽ ki ge jãvãnh nỹtĩn kỹ. Ũri ke kar vỹ kórég nỹtĩ gé, ãjag ri ke. Milagre venh ke tũ ãjag tóg nĩ. Vãsỹ Topẽ vĩ tó tĩ ũ tóg nĩgtĩ, hã vỹ: Jonas, he mũ. Jonas tỹ nén ve ja ẽn ri ke hã ve jé ãjag tóg ke mũ, ũri,” he tóg, Jesus ti. Kỹ tóg ag ré kỹ tĩ mũ sir.

Mateus 21:27

To jykrén kỹ ag tóg Jesus mỹ: “ẽg pijé João jykre ki kanhró nỹtĩ',” he mũ. Ón kỹ ag tóg ke mũ. Kỹ tóg ag mỹ: “kỹ sóg ãjag mỹ tónh ke tũ nĩ gé, ũ tỹ inh jẽnẽg mũ ti,” he mũ.

Marcos 11:33

Hã kỹ ag tóg ti mỹ: “ẽg pijé ki kanhró nỹtĩ',” he mũ. Ón kỹ ag tóg ke mũ. Kỹ tóg ag mỹ: “kỹ sóg ãjag mỹ ũ tỹ inh jẽnẽg mũ tónh ke tũ nĩ gé,” he mũ.

Lucas 20:7

“Topẽ jykre han ja ti nĩ,” he sór tũ ag nĩ, kỹ ag tóg: “ẽprã vẽjykre han ja ti nĩ,” he sór tũ nĩ gé. Hã kỹ ag tóg ti mỹ: “ẽg pijé ki kanhró nỹtĩ',” he mũ.

Lucas 20:9

Kỹ tóg vẽnh kar mỹ: “ẽg tỹ Topẽ kato tẽ kỹ tóg ge nỹnh mũ, ha mẽ,” he mũ. “Kejẽn ũ tóg uva krãn ja nĩ, tỹ vinho han jafã ẽn. Kỹ tóg ũ tỹ ki rĩr tĩ ag mré to jykrén kỹ ag mỹ tovãnh mũ sir. Kar tóg ga ũ ra tĩ mũ. Hã ra tóg kãtĩg vãnh han mũ.

Lucas 22:68

“Isỹ ãjag ki jẽmẽ sór mũ ra ãjag tóg inh mỹ tó tũ nĩgtĩ gé. Kỹ ãjag tóg isovãnh tũ nĩ gé,” he tóg.