Lucas 20:47 - O Novo Testamento na língua Kaingáng

⁴⁷ “Hã ra ag tóg ũn mén ter ja fag tũ mãn kãn tĩ. Kar kỹ ag tóg ón kỹ Topẽ mré vĩ mág han mũgtĩ, ẽg tỹ ag to: “ũn há vỹ tỹ ag nỹtĩ,” he jé. Hã to ag vẽsỹrénh mág tãvĩ han ke mũ,” he tóg, Jesus ti.

Lucas 20:47 Iomraidhean Croise

Mateus 23:13

“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.

Mateus 23:14

“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg ũn mén ter ja fag tũ mãn kãn tĩ'. Kar kỹ ãjag tóg ón kỹ Topẽ mré vĩ téj han mũgtĩ, ẽg tỹ ãjag to: “há ag nỹtĩ,” he jé. Hã kỹ Topẽ vỹ, ãjag vóg kónãn kãfór han ke mũ,” he tóg.

Marcos 12:40

“Hã ra ag tóg ũn mén ter ja fag tũ mãn kãn tĩ. Fag tũ mãn kãn kỹ ag tóg ón kỹ Topẽ mré vĩ mág han mũgtĩ, ẽg tỹ ag to: “ũn há vỹ tỹ ag nỹtĩ,” he jé. Hã to ag vẽsỹrénh mág tãvĩ han ke mũ,” he tóg, Jesus ti.

Lucas 12:1

Hã ra ũ tỹ hẽn ri ke mil (ke) ag vỹ, vẽnh mãn kỹ nỹtĩ. Kỹ ag tóg, jagnẽ sãnsãn mũ sir. Kỹ Jesus tóg ag kanhrãn mũ. Ti mré mũ tĩ ag kanhrãn vén tóg mũ, kỹ tóg ag mỹ: “Fariseu ag jykre han sór tũg nĩ,” he mũ. “Ẽmĩ jãgja jafã ri ke ti nĩ, ag jykre ti. Hã kỹ tóg Topẽ mỹ kórég tãvĩ nĩ,” he tóg.

Lucas 20:46

“ón kỹ Topẽ vĩ to ẽg kanhrãn tĩ ag kamẽg nĩ,” he mũ. “Kur téj rĩg ag tóg tĩ,” he tóg. Kỹ tóg vẽnh kar tỹ ag mỹ: “ã mỹ há?“ he kỹ ag mỹ sér tĩgtĩ, ag tỹ ẽmã kuju kã mĩ mũn kỹ. Vẽnh kanhrãn jafã krẽm ag tóg vẽnh kãpãm kỹ nỹtĩgtĩ. Fénhta ki ag tóg jẽn vén tĩ, ag tỹ tỹ pã'i nỹtĩn kỹ,” he tóg.

Lucas 21:1

Kỹ tóg Topẽ ĩn tá jẽ kỹ tã mĩ ẽvãnh kỹ ũn riko ag vigvég mũ. Jãnkamy vin jafã ki ag tóg ag tũ vin tĩ. Topẽ mỹ ag tóg vin mág tĩ.

1 Tessalônica 2:5

Hã kỹ sóg ãjag mỹ ón kỹ: “há ãjag tóg nỹtĩ,” he ja tũ nĩgtĩ. Ãjag tỹ nén ũ to én ja tũ sóg nĩgtĩ gé. Ãjag ki sóg gỹj ve sór ja tũ nĩ gé. Topẽ hã ne tag vé'.

Tito 1:16

“Topẽ ki kanhró ẽg tóg nỹtĩ,” he ag tóg tĩ, ón kỹ. Hã ra ag tóg ti jykre han tũ nĩgtĩ. Ag tỹ ti jykre han vãnh ki ẽg tóg vég tĩ, ag ón mũ ti. Ũ tỹ ge to ti kórég nĩ, Topẽ ti.

Tiago 3:1

Inh kanhkã', kãnhmar jagnẽ mỹ: “sỹ ã kanhrãn há tóg tĩ, ã tỹ kygnẽ to,” he tũg nĩ. Ẽg kar vỹ kygnẽg tĩ. Kỹ ẽg tóg, ẽg tỹ ũ jyvẽn ken kỹ vẽnh ki rĩr vén ke mũ, ẽg tỹ ti mré kygnẽg tũ nĩ jé. Jãvo Topẽ vỹ ẽg vóg kónãn ke mũ, ti mré.