Lucas 20:36 - O Novo Testamento na língua Kaingáng

³⁶ Ter mãn ke tũ ag tóg nĩ gé, mỹr, ha mẽ. Hã kỹ ag prũg mãn ke tũ nĩ. Kỹ fag mén mãn ke tũ nĩ gé. Topẽ tỹ jẽgnẽ jafã ag ri ke fag nỹtĩnh mũ. Topẽ krẽ vỹ tỹ fag nỹtĩ sir, fag tỹ fag kãgter ja tá rĩnrĩr mãn kỹ.

Lucas 20:36 Iomraidhean Croise

Mateus 22:30

Ẽg rĩnrĩr mãn kỹ ẽg tóg, prũg mãn ke tũ nĩ sir, kỹ fag mén mãn ke tũ nĩ gé. Topẽ tỹ jẽgnẽ jafã ri ke ẽg nỹtĩnh mũ, kanhkã tá.

Marcos 12:25

Ẽg tỹ ẽg ter ja tá vỹn ke kỹ ẽg tóg tỹ Topẽ tỹ jẽgnẽ jafã ag ri ke nỹtĩnh mũ, kanhkã tá. Kỹ ẽg prũg ke tũ nĩ. Mén ke tũ fag nĩ gé,” he tóg.

Roma 8:16

Topẽ kuprĩg hã ne ẽg mỹ tó tĩ', ẽg tỹ tỹ Topẽ krẽ nỹtĩ ti, Jesus jãvy, ti ve. Hã kỹ ẽg ki kanhró nỹtĩ.

1 Corinto 15:26

Ẽg tỹ Topẽ vĩ mranh tugrĩn ẽg kãgter kãn mũ. Hã ra tóg tỹ tũ' henh ke mũ gé, ẽg ter mũ tỹ. Kỹ ẽg ter mãn ke tũ nĩ ha, kurã tỹ ẽgno ẽn kã.

1 Corinto 15:42

Ge ti nĩ, ẽg ter kar kỹ ẽg rĩr mãn ke ti. Ter jé ẽg tóg ke mũ. Kỹ tóg ẽg tỹ nén ũ fy krãn ri ke nĩ sir, ẽg fár tỹ ga ki rã mũ ti. Ẽg rĩr mãn kỹ ẽg pijé ter mãn ke mũ'. Kejẽn tóg ẽg mỹ'a tĩ, ẽg ter ke to hã. Hã ra ẽg tóg sĩnvĩ nỹtĩnh mũ, ẽg rĩr mãn kỹ. Kỹ ẽg mỹ'a tóg tũ tĩnh mũ ha.

1 Corinto 15:49

Ẽprã ke ẽn ve ri ke ẽg nỹtĩ, ẽg kar tỹ Adão ve kỹ. Kỹ ẽg tóg kanhkã tá ke ẽn ve ri ke nỹtĩnh ke mũ gé, ẽg tỹ Cristo ve kỹ, ẽg rĩnrĩr mãn kỹ.

Filipos 3:21

Ti hã ne tóg ẽg han mãn ke mũ', ti kãtĩg kỹ'. Ẽg tỹ ga kri mũn kỹ ẽg tóg ver krój nỹtĩ, ẽg tỹ tỹ ẽprã ke nỹtĩn kỹ. Ti tỹ ẽg mỹ ẽg fár tãg han mãn kỹ ẽg tóg ti ri ke nỹtĩnh mũ, ti mág ri ke, ti tar ri ke, ti sĩnvĩ ẽn ri ke. Ti tar tugnĩn tóg nén kar tỹ ti krẽm ke han mãn ke mũ gé.

Nén Venh Ke 20:6

Ũ tỹ rĩnrĩr vén mũ mỹ tóg vĩ há han ke mũ, Topẽ ti. Topẽ tũ vỹ tỹ ag nỹtĩ. Kãgter mãn ke tũ ag tóg nĩ ha. Topẽ tũ ki rĩr jé ag tóg ke mũ, Cristo tũ ki ke gé. Prỹg tỹ mil (ke) ki ag tóg tỹ pã'i nỹtĩnh mũ, Cristo mré.

Nén Venh Ke 21:4

Ag kanẽ var tỹ tũ' he kãn jé tóg ke mũ ha. Ũ tóg ter mãn ke tũ pẽ nĩ ha. Hã kỹ ũ tóg fe kaj nĩ mãn ke tũ nĩ gé, jagtar ke tũ, kaganh ke tũ. Vẽnh ven mãn ke tũ ti nĩ ha, ẽprã vẽjykre ti,” he tóg, vẽnh vĩ ẽn ti.

Nén Venh Ke 22:9

Hã ra tóg: “ke tũg nĩ,” he mũ. “Ã ri ke sóg nĩ, isỹ Topẽ rãnhrãj han kỹ. Ã régre ag ri ke sóg nĩ. Ũ tỹ Topẽ vĩ tó tĩ ag ri ke sóg nĩ. Ũ tỹ livro tag ki nén rán kỹ nĩ mẽg mũ ag ri ke sóg nĩ gé. Topẽ hã mỹ: “Topẽ vỹ tỹ ã nĩ,” hem nĩ,” he tóg, inh mỹ, Topẽ tỹ jẽnẽ jafã ti.