Lucas 20:35 - O Novo Testamento na língua Kaingáng

³⁵ “Ag kã ũ ag tóg ag kãgter ja tá rĩnrĩr mãn ke mũ, ti kurã tá krỹg kỹ. Ẽn ag vỹ prũg mãn ke tũ nĩ sir, mén mãn ke tũ fag tóg nĩ gé sir, rĩnrĩr mãn kỹ.

Lucas 20:35 Iomraidhean Croise

Mateus 12:32

Ãjag tỹ iso vĩ kónãn mũ ra tóg, ãjag mỹ vẽnh pãte fón sór mũ gé, ãjag tỹ ẽprã ke fi kósin to vĩ kónãn mũ ra. Ãjag tỹ Topẽ kuprĩg to vĩ kónãn kỹ tóg, ãjag mỹ vẽnh pãte fón mãn ke tũ nĩ. Ãjag tỹ ga kri mũn kỹ tóg, tag tỹ vẽnh pãte fón ke tũ nĩ, Topẽ ti, ãjag ter kar kỹ ke gé,” he tóg, Jesus ti, pã'i ag mỹ.

Mateus 22:29

Hã ra Jesus tóg: “kygnẽ ãjag huri,” he mũ. “Ãjag pijé Topẽ vĩ tỹ rán kỹ nĩ ki kanhró nỹtĩ', ãjag pijé Topẽ jykre ki kanhró nỹtĩ'.

Marcos 10:42

Kỹ tóg ag jé prẽr kãn kỹ ag mỹ: “fóg tỹ pã'i ag jykre ki kanhró ãjag tóg nỹtĩ,” he mũ. “Vẽnh kar jẽgnẽg ag tóg tĩ, kỹ ag mág ag tóg vẽnh kar mỹ: gem nĩ, ge tũg nĩ, he tĩ, vĩ tar han kỹ.

Marcos 12:24

Hã ra tóg ag mỹ: “ãjag pijé Topẽ vĩ tỹ rán kỹ nĩ ki kanhró nỹtĩ',” he mũ, “Topẽ jykre ki kagtĩg ãjag nỹtĩ. Hã kỹ ãjag tóg kygnẽ ja nĩ.

Lucas 16:8

Kỹ ti patrão tóg mẽg mũ. Kỹ tóg ti mỹ: “jykre mẽ ã tóg nĩ, kỹ ã tóg ũ tỹ hẽn ri ke tỹ ã to há nĩ han, ã tỹ ag mỹ ag néve rem kỹ,” he mũ,” he tóg. “Kỹ hã vẽ. Ũ tỹ inh ki ge tũ ag vỹ ag tũ to jykrén há han tĩ, inhhã, ha mẽ. Tỹ ag ẽprã ke nỹtĩ, hã kỹ ag tóg tag ki nén to jykrén há han tĩ, ũ tỹ inh ki ge kỹ nỹtĩ ag kãfór,” he tóg.

Lucas 21:36

Hã kỹ ãjag kanẽ nĩm nĩ, nũr sór tũg nĩ. Inh kãtĩg ke kã jatu to ken hã vẽ, hã vỹ: nũr, he mũ. Topẽ mré vĩ to krónh ke tũg nĩ, ãjag tỹ nén ũ jagy ẽn vég mũ ra tar nỹtĩ jé. Kỹ ãjag tóg ẽprã ke fi kósin rĩnja tá nỹtĩnh ke mũ sir. Mỹ'ãg ke tũ ãjag nĩn sir, isỹ vẽnh kar jykre tugnỹm ke kurã ẽn kã,” he tóg, Jesus ti.

João 5:29

Kỹ ũn tỹ vẽjykre há han mũ ag vỹ, rĩnrĩr mãn kỹ, rĩr krỹg ja tũ ẽn venh ke mũ. Jãvo ũn tỹ vẽjykre pãno han mũ ag vỹ, rĩnrĩr mãn sĩ han kỹ, nũgme ki vár kãn ke mũ,” he tóg.

Han Kãme 24:15

“Hã ra sóg ag ri kén Topẽ tỹ nén han ke mũ ẽn ve sór mũ. Ti tỹ ẽg ter kar kỹ ẽg rĩn mãn ke ẽn ve sór isóg mũ. Ũn jykre kuryj ag rĩn mãn jé tóg ke mũ, ũn jykre pãno ag ke gé,” he tóg.

Han Kãme 5:41

Kỹ ag tóg mũ mũ, Jesus tỹ ũn vin mũ ag. Ag mỹ tóg sér tĩ, ha mẽ. Ag tỹ Jesus ri kén jagtar mũ ra tóg ag mỹ sér tĩ.

2 Tessalônica 1:5

Hã tugrĩn ẽg tóg Topẽ jykre kuryj ki kanhró nỹtĩ, ãjag tỹ ti tovãnh tũ nĩn kỹ. Jagtar ãjag tóg mũ, hã ra ãjag tóg ti tovãnh tũ nĩgtĩ. Ti tỹ tỹ ẽg pã'i nĩ ve jé ãjag tóg ke mũ, ha vem nĩ.

Hebreu 11:35

Ũn tỹtá ũ fag vỹ, fag krẽ ter kar kỹ ag ve mãn, ag rĩr mãn kỹ. Hã ra ag kato vãsãnsãn mũ ag vỹ ag to jũ mág. Kỹ ag tóg ag kã mĩ ũ ag vóg kónãn gé, ag tỹ Topẽ to jũ kỹ. Ag mỹ ag tóg: “ãjag tugvãnh jé ẽg tóg ke mũ, ãjag tỹ Topẽ tovãnh kỹ,” he ja nĩgtĩ, hã ra ag tóg ke tũg. Ag tỹ kanhkã tá rĩnrĩr nỹtĩ sór ja vẽ, hã kỹ ag tóg Topẽ tovãnh ja tũ nĩ.

Nén Venh Ke 3:4

Ãjag kã mĩ ũ ag tóg hã ra vẽnh kavénh ja tũ nĩ, Sardes tá. Tag ag vỹ kur kupri ẽn rĩnh ke mũ. Inh mré ag nỹtĩnh ke mũ.