Lucas 20:26 - O Novo Testamento na língua Kaingáng

²⁶ Hã kỹ ag tỹ ne to ti senh ke tóg tũ tĩ, ti vĩ há han tĩn kỹ. Kỹ tóg ag mỹ e tĩ. Vẽnh kar vỹ ti vĩ mẽg nỹtĩ nĩ. Kỹ ag tóg ti mỹ vĩ mãn tũ nĩ sir.

Lucas 20:26 Iomraidhean Croise

Mateus 22:12

Kỹ tóg ti mỹ: “isỹ ã mỹ fénhta to kur nĩm mũ ra ã tóg tu tũ nĩ, vỹ,” he mũ. “Ã hã ne tóg ã kur pẽ tu sór mũ', inh fénhta ki',” he tóg. Hã ra tóg vĩ tũ nĩ sir.

Mateus 22:22

Ag tỹ ti vĩ mẽ kỹ ti jykre tóg ag mỹ e tĩ sir. Kỹ ag tóg ti tovãnh kỹ mũ mũ sir.

Mateus 22:34

Kỹ Fariseu ag tóg mẽg mũ, Jesus tỹ Saduceu ag mỹ vĩ há han ja ti, kỹ ag tỹ ti mỹ kafãn ke tóg tũ tĩ sir.

Mateus 8:10

Kỹ tóg ti mỹ e tĩ. Kỹ tóg ti mré mũ ag mỹ: “ha mẽ, Israel ag vỹ ti ri ke tũ nỹtĩ,” he mũ. “Ki kanhró tóg nĩ mỹr, kỹ tóg inh ki rã kỹ jẽ. Ge ve ja tũ sóg nĩ,” he tóg.

Lucas 11:54

Ón kỹ ag tóg ti ki jẽmẽg tĩ gé sir. Hã ra ag tóg ti vĩ mẽ há han tũ nĩ sir. Nén ũ pir hã to ag tóg jykrén mũ, hã vỹ: ti kãgmĩnh ke, he mũ.

Lucas 13:17

Ti vĩ tag to ag tóg mỹ'ãg'ãg mũ sir, ti kato tẽ mũ ag. Hã ra tóg vẽnh e ẽn mỹ sér tĩ sir. Ag mỹ tóg nén ũ há kar han tĩ, hã kỹ tóg ag mỹ sér tĩ sir.

Lucas 20:20

Kỹ ag tóg hã ra ti tỹ rĩr mũ. Ti to ag tóg vãjig mũ, ag tỹ ti vĩ to fóg tỹ pã'i mỹ: “ha ti vóg kónãn,” he jé. Hã jé ag tóg ũn jykre kuryj nỹtĩ ve ag jẽgnẽg mũ, ag tỹ Jesus ki jẽmẽ jé.

Roma 3:19

Hã ra ẽg kar vỹ tag ki kanhró nỹtĩ, ha mẽ. Ẽg hã mỹ ti rán kỹ nĩ, Topẽ vĩ ti, ẽg tỹ ki króm jé. Hã ra ẽg tóg mranh kãn. Kỹ Topẽ tỹ ẽg mỹ: “ti kórég han ã,” he mũ ra, ẽg tỹ ti mỹ ne tónh ke tóg tũ tĩ. Hã jé tóg ẽg mỹ ti vĩ jẽnẽ ja nĩgtĩ, ẽg tỹ to ẽg kórég nĩ tag ki kanhrãn jé.

Tito 1:10

Ha vé, ũ tỹ hẽn ri ke ag tóg mẽ jãvãnh nỹtĩ. Véké ag tóg ón kỹ vẽmén tĩ. Ag tỹ ũ lograr he sór vẽ. Judeu ag vỹ tag to tar nỹtĩ, ha mẽ.