Lucas 20:22 - O Novo Testamento na língua Kaingáng

²² “Kỹn mỹ há nỹ, ẽg tỹ fóg tỹ pã'i mág tỹ imperador mỹ jãnkamy nĩm ti, imposto kajãm jé? Ẽg mỹ hỹn nĩm mũ', nĩm ke tũ nĩ vó?“ he ag tóg.

Lucas 20:22 Iomraidhean Croise

Mateus 17:25

Kỹ tóg ag mỹ: “vó, kajãm ti tĩ,” he mũ. Kỹ tóg ti ĩn tá jun mũ sir. Ti tỹ ver nén ũ tó tũ ra Jesus tóg ti mỹ: “Simão', pã'i ag mỹ ã mỹ: “ha imposto kajãm,” he ja tũ nĩ?“ he mũ. “Tag to jykrén, ha mẽ. Ẽprã pã'i ag mỹ ag krẽ mỹ: “kajãm nĩ,” he tĩ', ag mré ke tũ ag mỹ, vó'?“ he tóg.

Lucas 20:21

Kỹ ag tóg ón kỹ Jesus mỹ: “Senhor',” he mũ. “Vẽjykre kuryj hã tó ã tóg tĩ, hã kãmén ã tóg tĩ. Hã kỹ ẽprã ke ag ve tóg ã mỹ tỹ nén ũ tũ nĩ. Hã kỹ ã tóg Topẽ japry to ẽg kanhrãn há han tĩ,” he ag tóg.

Lucas 20:23

Hã ra tóg ag jykre régre nỹtĩn ki kanhró nĩ. Hã kỹ tóg ag mỹ: “ãjag ne tóg ón kỹ inh ki jẽmẽ sór mũ',” he mũ.

Lucas 23:2

Tá ag tóg ti mỹ: “vẽnh kar krĩn kónãn tóg tĩ, ag tỹ vẽjykre há tovãnh jé,” he mũ. “Kỹ tóg ẽg mỹ: “pã'i mág tỹ imperador mỹ imposto nĩm tũg nĩ,” he tĩ gé. Kỹ tóg vẽso: “tỹ inh Cristo nĩ, pã'i mág ti,” he tĩ gé,” he ag tóg mũ.

Han Kãme 5:37

Kar kỹ ũ vỹ jẽ ja nĩ gé, ti jiji hã vỹ: Judas, he mũ. Galiléia tá ke ẽn vẽ. Ag tỹ vẽnh kar jigji ránrán mũ ra tóg tá jẽ ja nĩ, kỹ ũ tỹ hẽn ri ke ag tóg ti nón mũ kỹ ti tén ja nĩgtĩ gé, kỹ ũ tỹ ti vĩ han mũ ag tóg krig' ke kãn ja nĩ,” he tóg.

Roma 13:7

Kỹ ãjag név kajãm kãn nĩ, governo mỹ ke gé. Ãjag tỹ pã'i ũ mỹ imposto kajãm ken kỹ ti mỹ ven nĩ, jãnkamy ti. Ãjag pã'i ag kamẽg nĩ, ag mỹ komẽr hã vĩm nĩ.