Lucas 20:21 - O Novo Testamento na língua Kaingáng

²¹ Kỹ ag tóg ón kỹ Jesus mỹ: “Senhor',” he mũ. “Vẽjykre kuryj hã tó ã tóg tĩ, hã kãmén ã tóg tĩ. Hã kỹ ẽprã ke ag ve tóg ã mỹ tỹ nén ũ tũ nĩ. Hã kỹ ã tóg Topẽ japry to ẽg kanhrãn há han tĩ,” he ag tóg.

Lucas 20:21 Iomraidhean Croise

Mateus 22:16

Kỹ ag tóg Jesus to ũ ag jẽgnẽg mũ, pã'i mág tỹ Herodes mré ke ũ ag mré hã, ag tỹ ón kỹ ti ki jẽmẽ jé. “Senhor,” he ag tóg mũ. “Ã jykre kuryj nĩn kỹ ã tóg, Topẽ to ẽpry ki ẽg kanhrãn há han tĩ. Ũ tỹ vẽjykre há hã han ve ra ã tóg, ti jykre ki kanhró kar nĩ.

Marcos 12:14

Ag tỹ ti tá junjun kỹ ag tóg ón kỹ ti mỹ: “Senhor, ã jykre kuryj nĩ ki kanhró ẽg nỹtĩ,” he mũ. “Vẽjykre pir hã han ã tóg tĩ, vẽnh kar mỹ. Hã kỹ ã tóg Topẽ japry to ẽg kanhrãn há han tĩ. Mỹ há nỹ', ẽg tỹ governo mỹ jãnkamy nĩm ke ti', imposto kajãm ke ti'?

Lucas 20:20

Kỹ ag tóg hã ra ti tỹ rĩr mũ. Ti to ag tóg vãjig mũ, ag tỹ ti vĩ to fóg tỹ pã'i mỹ: “ha ti vóg kónãn,” he jé. Hã jé ag tóg ũn jykre kuryj nỹtĩ ve ag jẽgnẽg mũ, ag tỹ Jesus ki jẽmẽ jé.

Lucas 20:22

“Kỹn mỹ há nỹ, ẽg tỹ fóg tỹ pã'i mág tỹ imperador mỹ jãnkamy nĩm ti, imposto kajãm jé? Ẽg mỹ hỹn nĩm mũ', nĩm ke tũ nĩ vó?“ he ag tóg.

João 3:2

Ẽn vỹ Jesus ve sór mũ, kỹ tóg kuty ra ti venh tĩ mũ, ti mré vẽmén jé. Kỹ tóg ti mỹ: “Topẽ vỹ ã jẽnẽ. Hã kỹ ã tóg ẽg tỹ nén han vãnh ẽn hynhan tĩ. Topẽ tỹ ã mré han tũ nĩ ra ã tóg han ki kagtĩg nĩnh mũ vẽ,” he mũ.

2 Corinto 2:17

Ha vé, ũ ag tóg Topẽ vĩ kãmén to jãnkamy ve sór tĩ, ke tũ nĩ kỹ ag tóg vẽsỹ ũn mág han tĩ. Ag jãvo inh pijé ti kaja ve sór tĩ'. Inh pijé vẽsỹ ũn mág han mũ'. Cristo ki rã kỹ sóg Topẽ rĩnve ti kãmén tĩ. Jykre pir han sóg tĩ mỹr. Ũ tỹ inh jẽnẽg mũ vỹ tỹ Topẽ ti nĩ.

Galácia 1:10

Vĩ tar han sóg tĩ, ẽprã ke kórég ag mỹ. Inh pijé ón kỹ ag mỹ vĩ há han sór mũ', ag tỹ iso há nỹtĩ jé'. Ag tỹ iso kórég nĩ tag tóg inh mỹ tỹ nén ũ tũ nĩ. Isỹ ẽprã ke ag jykre to jykrén ra inh hỹn Cristo tũ ki rĩr ke tũ nĩ vẽ. Hã ra sóg ti hã to jykrén tĩ. “Isỹ nén tó mũn mỹ há nĩ', mỹ kórég nĩ vó?“ he sóg tĩ, ti hã tỹ inh mỹ vĩ há han jé, Topẽ ti.

Galácia 2:6

Kỹ kófa ag tóg inh mỹ: “tó kãn ja tũ ã nĩ,” he ja tũ nĩ gé. Vãsỹ ag tóg tỹ kófa tũ ja nỹtĩgtĩ, ge ra sóg ag vĩ jẽmẽ sór tĩ, ha mẽ. Topẽ mỹ ti tỹ nén ũ tũ nĩ, ẽg tỹ ẽprã ke ag mỹ tỹ ũn mág nỹtĩ ti, tỹ ũn kãsir nỹtĩ ti ke gé.