Lucas 20:16 - O Novo Testamento na língua Kaingáng

¹⁶ “Kãtĩg jé tóg ke mũ, ẽkré ki rĩr tĩ ag kãgtén jé. Kỹ tóg camarada ũ ag mỹ finh mũ sir, ti jakré ti,” he tóg. Kỹ ag tóg mẽg mũ, ti vĩ ti. Kỹ tóg ag mỹ e tĩ. “Ẽg jé hã ra tag vég tũ nĩgtĩ,” he ag tóg mũ.

Lucas 20:16 Iomraidhean Croise

Mateus 21:34

Ti kanẽn kỹ tóg ti camarada ag jẽgnẽg mũ, ag tỹ ag mỹ ti tũ vin jé, uva kanẽ ti.

Mateus 21:41

Kỹ ag tóg ti mỹ: “vẽjykre pãno han ag tóg mũ mỹr,” he mũ. “Ag kãgtén jé tóg ke mũ, jũ kỹ, ag patrão ti, kỹ tóg uva kré ẽn tỹ ũ mỹ tovãnh ke mũ, ag tỹ ti mré vẽnh kãpãm jé, ti kanẽ ti,” he ag tóg, Jesus mỹ.

Mateus 22:7

Kỹ pã'i mág tóg ag to jũ mũ. Kỹ tóg ti porisa ag jẽgnẽ kỹ ag kãgtén mũ gé sir, ũ tỹ ti to é he mũ ẽn ag. Ag ĩn kugprũg ag tóg mũ sir.

Marcos 12:9

“Kỹ ẽkré tỹ tũn mũ ẽn hẽ ri kenh ke mũ? Jun jé tóg ke mũ, ti mỹ rãnhrãj tĩ ag kãgtén jé. Kỹ tóg ẽkré ki rĩr tĩ ũ ag mỹ finh ke mũ, ti tũ ti,” he tóg.

Lucas 19:27

“Kỹ inh kato tẽ mũ ag tatĩ kãmũm nĩ, ũ tỹ iso: “ti tỹ ẽg kri tỹ pã'i jẽn kỹ tóg ẽg mỹ kórég nĩ,” he mũ ẽn ag. Ag kãgtén ra, inh rĩnve,” he tóg, pã'i ti,” he tóg.

Lucas 20:15

Kỹ ag tóg ró mã ra ti pére mũ kỹ tá ti tén mũ sir. Kỹn hỹn hẽ ri kenh ke mũ', ẽkré tỹ tũn mũ ẽn ti'?“ he tóg,

Han Kãme 13:46

Hã ra Paulo ag tóg ag kamẽg tũ nĩ. Ag mỹ ag tóg: “ãjag hã mỹ ẽg tóg tó vén, Topẽ vĩ ti,” he mũ, “ti tỹ ẽg mỹ: Judeu ag mỹ tó vén, hen kỹ. Hã ra ãjag tóg mẽ jãvãnh nỹtĩ, kỹ ãjag tóg ẽg rĩr krỹg ja tũ venh ke tũ nĩ. Hã kỹ ẽg tóg sir fóg ag hã mỹ tónh ke mũ, Topẽ vĩ ti,” he ag tóg.

Roma 11:1

Kỹ ãjag hỹn: “kỹ Topẽ mỹ ti povo tỹ Israel tovãnh kãn kỹ nĩ?“ he sór mũ, ãjag tỹ inh carta tag ve kỹ. Vó, ag tovãnh kãn tũ ti nĩ. Ha vé, tỹ sóg Judeu nĩ gé, hã ra sóg ti ki rã. Abraão krẽ'krẽ ũ vỹ tỹ inh nĩ gé, ti kósin'kósin tỹ Benjamim krẽ'krẽ ũ mỹr.

Roma 11:11

Kỹ ãjag hỹn inh mỹ: “kỹ Topẽ mỹ Judeu ag tỹ nũgme ki vár ke tag ve sór mũ? Hã jén mỹ ag mỹ Jesus jẽnẽ ja nĩ, ag tỹ ti tỹ prãnh ke jé?“ he sór mũ. Vó. Hã ra ag tóg Topẽ kato tẽgtẽ tĩ. Ti vĩ mranh ja ag tóg nĩgtĩ, hã kỹ Topẽ tóg fóg ag mré kanhgág ag krenkren han sór mũ, Judeu ag tỹ ag ve kỹ ti ki ge to én jé, fag ke gé.

Roma 3:31

Kỹ ẽg mỹ ti ki ge kỹ Topẽ tỹ vãsỹ ẽg mỹ vẽjykre nĩm ja ẽn tỹ tũ' he tĩ, Topẽ tỹ Judeu ag jyvẽn ja ẽn ti? Vó. Vãhã ẽg ki króm há han ki kanhró nỹtĩ.

Roma 3:4

Ón vãnh ti nĩgtĩ. Ẽprã ke ag ne ónón tĩ'. Hã ra Topẽ tóg ón ke tũ pẽ nĩ. Hã kỹ tag tóg rán kỹ nĩ, hã vỹ: “vẽnh kar vỹ venh ke mũ, ã tỹ ã vĩ han tĩ ẽn ti,” he mũ. “Ũ tỹ ã jykre tugnỹm kỹ tóg venh ke mũ sir,” he ja tóg nĩ, Topẽ mỹ. Hã ra tóg ge nĩ.

Roma 3:6

Hã ra tóg kygnẽ kỹ nĩ. Topẽ jykre hã ne há nĩ', inhhã. Ti jykre há nĩn kỹ tóg ẽprã ke jykre to: “há tũ ti nĩ,” henh ke mũ.

Roma 6:15

Kỹ Judeu ag hỹn inh mỹ: “kỹ Topẽ vỹ ẽg tỹ ti vĩ mranh mũ ra ẽg vóg kónãn mãn ke tũ nĩ. Kỹ ẽg hỹn jatun mỹ mranh mũ,” he sór mũ. “Ẽg jagãgtãn ti tĩ. Hã kỹ tóg tỹ nén ũ tũ nĩ, ti vĩ mranh mũ ti,” he sór ag hỹn mũ. Hã tũ vẽ hã ra. Kórég ti nĩ, ẽg tỹ ti vĩ mranh kỹ.

Roma 6:2

Vó, há tũ ti nĩ. Kórég ti nĩ. Ti ki ge kỹ ẽg tóg vẽjykre tãg han ke mũ. Kỹ ẽg jykre pãno tóg tũ tĩ ha, ti tỹ tỹ tũ' hen kỹ.

Roma 7:13

Kỹ Judeu ag hỹn inh mỹ: “ẽg mỹ vẽjykre há tugnĩn nũgme ki vár ke mũ'?“ he sór mũ. Vó, ke tũ vẽ. Topẽ vĩ mranh tugrĩn ẽg nũgme ki vár ke mũ. Ẽg tỹ hã ra Topẽ tỹ ẽg jyvẽn mẽ kỹ ẽg tóg ẽg jykre kórég to: “ti vĩ mranh ja inh nĩgtĩ,” he tĩ.

Roma 7:7

Kỹ Judeu ag hỹn inh mỹ: “kỹ Topẽ tỹ vãsỹ ẽg jyvẽn mũ ẽn mỹ kórég nĩ?“ he sór mũ. Vó, kórég tũ ti nĩ. Ẽg jyvẽn ja tóg nĩgtĩ, kỹ ẽg tóg ti vĩ mẽ kỹ: “vẽjykre kórég han kỹ inh hỹn tóg ti vĩ mranh tĩ,” he tĩ. Topẽ vỹ ẽg mỹ: “nén ũ to én tũg nĩ,” he ja nĩ. Hã kỹ ẽg tóg ũ tũ to én tag tỹ tỹ Topẽ vĩ mranh nĩ ki kanhró nỹtĩ.

Roma 9:14

Kỹ Judeu ag hỹn inh mỹ: “Topẽ jykre vỹ há tũ nĩ,” he sór mũ. “Kuryj tũ ti nĩ, ti tỹ vẽsóg ki nén ũ to jykrén sór kỹ, ti tỹ ũn kuprẽg mũ ẽn to,” he ag hỹn tĩ. Hã tũ vẽ hã ra.

1 Corinto 6:15

Kỹ ẽg hã vỹ tỹ Cristo tũ nỹtĩ. Ti mré ẽg tóg tỹ ũn pir ri ke nỹtĩ. Ãjag mỹ tag mẽ ja tũ'? Kỹ ẽg tỹ Cristo tũ tỹ ũn mén tũ fi mré tỹ ũn pir ri ke han kỹ tóg vẽnh mỹ pẽ nĩgtĩ, fi mré nỹn kỹ. Ke tũg nĩ.

Galácia 2:17

Kỹ tóg ge nĩ. Ẽg tỹ Cristo ki ge tugrĩn ẽg tóg Topẽ mỹ tỹ ũn há nỹtĩ. Hã kỹ tóg ẽg tỹ ti vĩ mranh kỹ ẽg mỹ vẽnh pãte fón mũ, ẽg tỹ tỹ Judeu nỹtĩn kỹ. Kỹ tóg fóg ag mỹ vẽnh pãte fón mũ gé, kanhgág ag mỹ ke gé.

Galácia 3:21

“Topẽ tỹ ẽg jyvẽn mũ ra ẽg tóg ti vĩ mranh tĩ. Kỹ tóg ẽg kren han ke tũ nĩ,” he ãjag hỹn tĩ. Hỹ, ti tỹ ẽg jyvẽn mũ ra ẽg tóg mranh tĩ. Ti tỹ ẽg jyvẽn tỹ ẽg kren han ra ẽg tóg vẽsóg ki jykre kuryj nỹtĩnh mũ vẽ.

Galácia 6:14

Ag jãvo sóg tỹ ũn mág nĩ sór tũ nĩ. Nén pir tóg inh mỹ sér tĩ, hã vỹ: ẽg pã'i tỹ Jesus Cristo tỹ krunh to sa ja ẽn, he mũ. Kỹ sóg ẽprã ke jykre han sór tũ nĩ ha.