Lucas 2:4 - O Novo Testamento na língua Kaingáng

^4-5 Kỹ José tóg tĩ mũ gé, ti prũnh ke fi mré, Maria fi. Ẽmã tỹ Nazaré tá fag tóg pa mũ. Kỹ fag tóg ga tỹ Judéia ra mũ mũ, ẽmã tỹ Belém ra, Davi jamã ja ra. Davi krẽ'krẽ vẽ, José ti. Kỹ ti prũnh ke fi vỹ ti mré tĩ mũ, hã ra fi tóg kufy jagy nĩ.

Lucas 2:4 Iomraidhean Croise

Mateus 1:20

Ti tỹ ver fi tovãnh to jykrén kỹ Topẽ tỹ jẽnẽ jafã tóg ti mỹ vẽnh ven mũ sir, ti vẽnh péti kỹ. Kỹ tóg ti mỹ: “José,” he mũ. “Tỹ ã Davi krẽ'krẽ ag kã ũ nĩ,” he tóg. “Maria fi to jykrén kónãn tũg nĩ. Fi tovãnh sór tũg nĩ. Ũ tũ pijé', Topẽ kuprĩg tỹ fi mỹ gĩr han ja vẽ.

Mateus 2:23

Kỹ tóg ẽmã tỹ Nazaré tá ẽmãn mũ. Hã ra tóg rán kỹ nĩ gé: “ti to ag tóg: Nazaré tá ke vẽ, henh ke mũ,” he ja tóg nĩ, Jesus to.

Lucas 2:3

Kỹ ag tóg mũ kãn mũ, ag jógjóg ve ag jamã ja ẽn ra, ag tỹ tá ag jiji ránrán jé.

Lucas 4:16

Kỹ tóg Nazaré tá jun mũ gé, ti tỹ hẽ tá mog ja ẽn tá. Kỹ tóg ti tỹ nén han tĩ ẽn han mũ. Vẽnh kán ke kurã ki tóg culto venh tĩ mũ. Tá tóg sir jẽgnẽ mũ, Topẽ vĩ rá to ke jé.

João 1:46

Kỹ tóg: “hã ra sóg Nazaré tá ũn há ve ja tũ nĩ ver,” he mũ. Hã ra tóg ti mỹ: “ge ra ti venh kãtĩg,” he mũ. Kỹ tóg ti mré tĩ mũ.

João 7:42

“Topẽ vĩ rá ki tóg: “Davi krẽ'krẽ vỹ tỹ ti nĩ, Cristo ti,” he mũ, “ẽmã tỹ Belém tá ke vỹ tỹ ti nĩ, Davi jamã ja ẽn tá,” he tóg, Topẽ vĩ tỹ rán kỹ nĩ ki. Hã kỹ tóg ẽg mỹ tỹ Cristo tũ nĩ,” he ag tóg.