Lucas 2:39 - O Novo Testamento na língua Kaingáng

³⁹ Kỹ fag tóg Moisés tỹ vẽnh kykũnh to nén rán ja ẽn han kãn mũ sir. Kar kỹ fag tóg sir fag jamã ra vỹnvỹn ke mũ, Nazaré ra.

Lucas 2:39 Iomraidhean Croise

Mateus 3:15

Hã ra Jesus tóg ti mỹ: “hỹ,” he mũ. “Hã ra tóg isỹ Topẽ tỹ nén tó mũ han kãn há tĩ,” he tóg. Kỹ tóg vãhã ti kypég mũ sir.

Lucas 1:26

Isabel fi kufy nĩ ki kysã tỹ 6 (ke) vẽ sir. Kỹ Topẽ vỹ ti tỹ jẽnẽ jafã tỹ Gabriel jẽnẽ mãn mũ, ti tỹ Jesus mur ke tónh tĩg jé. Kỹ tóg ga tỹ Galiléia ra tĩ mũ, ẽmã tỹ Nazaré ra.

Lucas 1:6

Ẽn fag vỹ Topẽ jykre hã han tĩ. Kygnẽ sór tũ fag nĩgtĩ. Hã kỹ fag tóg Topẽ mỹ há nỹtĩ.

Lucas 2:4

Kỹ José tóg tĩ mũ gé, ti prũnh ke fi mré, Maria fi. Ẽmã tỹ Nazaré tá fag tóg pa mũ. Kỹ fag tóg ga tỹ Judéia ra mũ mũ, ẽmã tỹ Belém ra, Davi jamã ja ra. Davi krẽ'krẽ vẽ, José ti. Kỹ ti prũnh ke fi vỹ ti mré tĩ mũ, hã ra fi tóg kufy jagy nĩ.

Lucas 2:51

Kỹ tóg fag mré Nazaré ra tĩ mũ. Tá tóg jatun mỹ fag mré nĩ nĩ sir. Fag tỹ ti mỹ nén tó mũ han tóg mũ. Hã ra ti mỹnh fi pijé nén kar ẽn kã jatun mũ'.

Lucas 4:16

Kỹ tóg Nazaré tá jun mũ gé, ti tỹ hẽ tá mog ja ẽn tá. Kỹ tóg ti tỹ nén han tĩ ẽn han mũ. Vẽnh kán ke kurã ki tóg culto venh tĩ mũ. Tá tóg sir jẽgnẽ mũ, Topẽ vĩ rá to ke jé.

Lucas 4:23

Kỹ Jesus tóg ag mỹ: “ãjag hỹn iso jykrén kónãn sór mũ,” he mũ. “Médico mỹ ẽg tóg: kur vẽsỹ há' hé,” he tũ nĩgtĩ. Ãjag hỹn inh mỹ: ẽmã tỹ Cafarnaum tá ã tóg ũn kagyga ag tỹ há' hé, kỹ kur tag ki ẽg tỹ há' he gé, ã tỹ vẽnh kar tỹ há' he sór nĩn kỹ, he sór mũ,” he tóg.