Lucas 2:35 - O Novo Testamento na língua Kaingáng

³⁵ “Kỹ ã tóg ti tugrĩn vẽsỹrénh ke mũ,” he tóg fi mỹ. “Kỹ tóg rógro tỹ ã fe tỹ gynh ke ri ke nĩnh mũ, ã vẽsỹrénh ke ti,” he tóg.

Lucas 2:35 Iomraidhean Croise

Lucas 2:34

Kỹ Simeão vỹ fag mỹ vĩ há han mũ gé. “Topẽ vỹ ãjag ve há han mũ,” he tóg. Kỹ tóg fi mỹ: “ha vé, Israel tỹ hẽn ri ke ag vỹ ti tugrĩn mũ há han ke mũ, jãvo ũ tỹ hẽn ri ke ag vỹ ti tugrĩn mũ kónãn ke mũ gé. Kỹ ag tóg ti kato vĩnh ke mũ gé, Topẽ tỹ ti jẽnẽg mũ ra,” he mũ.

Lucas 2:36

Kỹ ũ fi tóg tá nĩ gé, fi jiji hã vỹ: Ana, he mũ. Topẽ vĩ tó tĩ ũ fi vẽ. Fanuel kósin fi vẽ. Kỹ fi jógjóg ve vỹ tỹ Aser nĩ. Kófa pẽ fi nĩ ha. Fi tỹ fi mén mré prỹg tỹ 7 (ke) han kar kỹ tóg ter ja nĩ.

João 19:25

Hã ra Jesus mỹnh fi vỹ tá jẽ nĩ, krunh rã hã, fi jãvy fi mré. Kar kỹ Maria Madalena fi vỹ tá jẽ nĩ gé, kar kỹ Maria ũ fi ke gé, Clopas prũ fi.

1 Corinto 11:19

Hỹ, há ti nĩ vẽ, ãjag tỹ vẽnh kãpãm kỹ nỹtĩn kỹ. Kỹ ũn jykre há ag vỹ vẽnh ven ke mũ, ãjag kã mĩ.

1 João 2:19

Ẽg mré ke ag vẽ vẽ, hã ra ag tóg ón kỹ tỹ ẽg mré ke ja nỹtĩgtĩ. Ag tỹ tỹ ẽg mré ke pẽ nỹtĩ ra ag tóg ver ẽg mré mũnh ke mũ vẽ. Hã ra ag tóg ti tovãnh kỹ ti kato tẽ mũ ha. Hã ki tóg ve há tĩ, ag tỹ tỹ ẽg mré ke tũ nỹtĩ ti.