Lucas 2:34 - O Novo Testamento na língua Kaingáng

³⁴ Kỹ Simeão vỹ fag mỹ vĩ há han mũ gé. “Topẽ vỹ ãjag ve há han mũ,” he tóg. Kỹ tóg fi mỹ: “ha vé, Israel tỹ hẽn ri ke ag vỹ ti tugrĩn mũ há han ke mũ, jãvo ũ tỹ hẽn ri ke ag vỹ ti tugrĩn mũ kónãn ke mũ gé. Kỹ ag tóg ti kato vĩnh ke mũ gé, Topẽ tỹ ti jẽnẽg mũ ra,” he mũ.

Lucas 2:34 Iomraidhean Croise

Mateus 11:19

Ti jãvo sóg vãkrég tũ nĩgtĩ. Jẽg sóg tĩ, kron sóg tĩ gé. Kỹ ãjag tóg iso: “ti hã ne jẽg tĩ', ti hã ne kron tĩ', ti hã ne governo mỹ jãnkamy mãg tĩ ag to há nĩgtĩ', ti hã ne Topẽ vĩ mranh tĩ ag hã to há nĩgtĩ',” he tĩ sir, ẽprã ke fi kósin to. Kỹ João jykre tóg, ãjag mỹ kórég nỹ, ti vãkre to. Jãvo inh jykre tóg ãjag mỹ kórég nỹ gé, inh vãkrég tũ to. Hã ra ẽg tóg ẽg tỹ ũ jykre tugnỹm kỹ ti jykre há ẽn ki kanhró nĩ sir,” he tóg, Jesus ti.

Mateus 12:46

Ti tỹ ver tỹ vẽmén jẽ ra ti mỹnh fi tóg, tá jun mũ sir, ti jãvy ag mré. Ti mỹ fag tóg vẽnh vĩ jẽnẽg mũ, fag tỹ ti mré vẽmén jé.

Mateus 21:44

“Ũ tỹ hẽn ri ke ag vỹ pó tag kri vár ke mũ, kỹ ag tóg tũ' henh ke mũ. Kỹ pó tag vỹ ũ tỹ hẽn ri ke ag kri kutẽnh ke mũ gé, kỹ tóg ag tỹ tũ' he kãn mũ,” he tóg, Jesus ti. Ti tỹ ẽg tỹ ti ki rã tũ tugrĩn nũgme ki vár ke tón hã vẽ.

Mateus 27:63

Ti mỹ ag tóg: “vẽnh kar krĩn kónãn tĩ ẽn tóg tag tó ja nĩ, ha mẽ: “kurã tãgtũ ki sóg rĩr mãn ke mũ,” he ja ti nĩ. Ẽg tỹ tag to jykrén kỹ ẽg tóg, ã mỹ nén ũ to vĩ sór mũ.

Lucas 2:35

“Kỹ ã tóg ti tugrĩn vẽsỹrénh ke mũ,” he tóg fi mỹ. “Kỹ tóg rógro tỹ ã fe tỹ gynh ke ri ke nĩnh mũ, ã vẽsỹrénh ke ti,” he tóg.

João 3:20

Ũ tỹ vẽjykre pãno han mũ kar vỹ kurã to kórég nỹtĩ, kỹ ag tóg kurã ki vẽnh ven sór tũ nĩ, vẽnh kar tỹ ag jykre pãno venh ha mẽ tĩn kỹ.

João 5:18

Kỹ ag tóg ti to jũ jagy han kỹ ti tén sór mũ sir. Vẽnhkán ke kurã ẽn ki tóg ti tỹ nén han ke tũ ẽn han ja nĩ, Judeu ag jykre tovãnh kỹ. Hã ra tóg Topẽ to: “inh panh“ he ja nĩ gé. Ti tỹ vẽso: “Topẽ ri ke inh nĩ,” he vẽ.

Han Kãme 13:45

Kỹ Judeu ag tóg ũn e ẽn ag vég mũ. Kỹ ag tóg jũgjũ mũ, vẽnh kar tỹ Paulo ag to há nỹtĩn kỹ. Hã kỹ ag tóg Paulo vĩ kafãn mũ sir, ti tỹ ag mỹ Topẽ vĩ tón kỹ. Ti to ag tóg vĩ vĩ he mũ gé.

Han Kãme 17:6

Hã ra ag tóg ag vég tũ nĩ. Kỹ ag tóg Jasão pére mũ mũ, Jesus mré ke ũ ag mré. Pã'i ag mỹ ag tóg ag vin mũ. Kỹ ag tóg jamã hára prẽnprẽr mũ. “Ũ tỹ ẽmã kar mĩ vẽnh kar jũgjũ han mũ ag tóg tag ki junjun mũ mỹr,” he ag tóg mũ.

Han Kãme 24:5

“Tag ti vỹ vĩ kónãn tĩ. Judeu kar ag krĩn kónãn tóg tĩ, kỹ ag tóg tĩ tugrĩn vẽnh kãpugpóv kỹ nỹtĩ. Ga kar mĩ tóg ke tĩ. Kỹ tóg tỹ Nazaré tá ke ẽn mré ke ag pã'i mág nĩ gé,” he tóg, Paulo to.

Han Kãme 28:22

Hã ra tóg ẽg tỹ ã ki jẽmẽnh há tĩ, ã tỹ nén to jykrén mũ ti. Vẽjykre tãg tag kato ag tóg vĩ tĩ, vẽnh kar ag. Hã kỹ tóg ẽg tỹ ã ki jẽmẽnh há tĩ,” he ag tóg ti mỹ.

Han Kãme 4:26

Nação kar ag pã'i ag vỹ vẽnh génh kỹ nỹtĩ, ẽg pã'i ag ke gé, Topẽ kato tẽgtẽ jé, Topẽ tỹ ũn kuprẽg mũ ẽn ag kato, he ja tóg nĩgtĩ.

Han Kãme 6:7

Kỹ Topẽ vĩ tóg vẽnh kar kri rũm ke mũ sir. Ũ tỹ Jesus mré mũ ag vỹ tóg hẽn ri ke nỹtĩ, Jerusalém tá. Kỹ Topẽ tũ ki rĩr tĩ ũ ag tóg Jesus vĩ kri fi kỹ ti ki ge mũ gé sir.

Roma 9:32

Hẽ ri ken kỹ hỹn'? Ag tỹ ti ki ge ja tũ tugrĩn ke vẽ. Hã kỹ tóg ag mỹ vẽnh pãte fón ja tũ nĩ gé. Hã kỹ ag tóg Cristo kato tẽ nỹtĩ. Pó ri ke ti nĩ, Cristo ti, ẽg tỹ tỹ krĩm ke jafã. Ag tỹ ti tỹ krĩm ke jan hã vẽ, hã vỹ: ti ki rã tũ, he mũ.

1 Corinto 1:23

Ag jãvo ẽg tóg nén pir hã tó tĩ, hã vỹ: Cristo tỹ krunh to sa kỹ ter ja ti, he mũ. Judeu ũ ag tóg jẽgryg tĩ, ti krunh ti, jãvo ẽg tóg fóg ũ ag mỹ krĩ tũ nĩ ve nĩ, kanhgág ũ ag mỹ ke gé.

Hebreu 7:1

Melquisedeque ẽn vỹ tỹ pã'i mág nĩ ja nĩgtĩ, ẽmã tỹ Salém kri. Kỹ tóg Topẽ tũ ki rĩr nĩ ja nĩgtĩ gé, ũ tỹ vẽnh kar kri ke nĩ ẽn tũ ki. Abraão vỹ pã'i tỹ 4 (ke) ẽn mré vẽnh génh han ja nĩ. Ti tỹ ag kãgtén kar kỹ Melquisedeque ẽn vỹ, ti kato tẽ, kỹ tóg ti mỹ: “Topẽ vỹ ã ve há han. Kỹ tóg ã ve há han mãn ke mũ gé,” he mũ.

Hebreu 7:7

Kỹ tóg Abraão kãfór nĩ, Melquisedeque ti, ti tỹ ti mỹ: “Topẽ jé ã ve há han,” hen kỹ. Ti kri ke vỹ tỹ ti jẽ.

1 Pedro 4:14

Hỹ, tá tóg ãjag mỹ sér tãvĩ tĩnh mũ, ag tỹ ũri ãjag mỹ vĩ kónãn mũ ra, ãjag tỹ Cristo ki ge kỹ nỹtĩ tugrĩn. Kỹ ãjag tóg ki kanhró nỹtĩnh ke mũ, Topẽ kuprĩg tỹ tỹ ãjag jagrẽ nĩ ti. Ti kuprĩg vỹ ãjag tỹ ũn mág han ke mũ, Topẽ tỹ tỹ ũn mág nĩ ẽn ri ke.