Lucas 2:26 - O Novo Testamento na língua Kaingáng

²⁶ Kỹ Topẽ kuprĩg vỹ ti mỹ: “Cristo ve jé ã tóg ke mũ, ã ter ke to hã, Topẽ tỹ ti jẽnẽn kỹ,” he ja nĩgtĩ.

Lucas 2:26 Iomraidhean Croise

Mateus 2:12

Hã ra Topẽ tóg, ag vẽnh péti ki ag mỹ: “Herodes mỹ tó tũg nĩ,” he mũ sir. Hã kỹ ag tóg ẽpry ũ jagma mũ kỹ ag jamã ra vỹnvỹn ke mũ sir, rã jur ja ra.

Lucas 2:29

“Ẽg Jóg Mág,” he tóg. “Vãhã ã tóg inh jé prẽr ke mũ, kỹ sóg jatun mỹ tĩg ke mũ ha. Ã tỹ inh mỹ nén tó jan han ã tóg huri,” he tóg.

Lucas 9:27

“Ki hã sóg tó mũ, ha mẽ. Ãjag kã mĩ ũ ag vỹ Topẽ tỹ tỹ ẽg pã'i nĩ venh ke mũ, ag kãgter ke to hã, tag ki ẽg mré nỹtĩ ũ ag,” he tóg.

João 1:41

Kỹ tóg vẽsỹmér ti kãke venh tĩ kỹ ti mỹ: “Messias ve inh,” he mũ. Messias to ken hã vẽ, hã vỹ: Cristo, he mũ, hã vỹ: Topẽ tỹ ũn jẽnẽg mũ, he mũ.

João 20:31

Sỹ vẽnh rá tag han vẽ, ũ tỹ vég mũ kar ẽn tỹ Jesus ki ge sór jé, ti to: “Cristo vỹ tỹ ti nĩ, Topẽ kósin vỹ tỹ ti nĩ,” he jé. Kỹ ag tóg ti ki ge kỹ rĩr krỹg ja tũ ẽn venh ke mũ, ti tugrĩn, fag mré hã, mỹr, ha mẽ.

João 4:29

“mũ nỹ, ũ ve jé. Inh mỹ tóg sỹ nén han ja tó kãn. Ti mỹ tỹ Cristo tũ nĩ vỹ?“ he mũ.

João 8:51

Ki hã sóg tó mũ, ha mẽ. Ãjag tỹ inh vĩ kri fi kỹ ãjag kãgter ke tũ pẽ nĩ,” he tóg.

Han Kãme 10:38

Kỹ Topẽ tóg Jesus mỹ ti kuprĩg jẽnẽ ja nĩ. Kỹ tóg ti mỹ vẽjykre nĩm ja nĩ. Ga kar mĩ tóg tĩg ja nĩgtĩ. Nén há kar han ja tóg nĩgtĩ. Japo tỹ ũn vóg kónãn mũ ag tỹ tóg há' he ja nĩgtĩ gé. Topẽ hã ne ti mré han ja nĩgtĩ hã ra'.

Han Kãme 17:3

Ag mỹ tóg Cristo kãmén mũ, ti jagtar ja ti, ti ter kar rĩr mãn ja ẽn ti. “Jesus hã vẽ, hã vỹ: Cristo, he mũ. Vãsỹ tóg rán kỹ nĩ, Cristo jagtar ke ti, ti rĩr mãn ke ti ke gé,” he tóg.

Han Kãme 2:36

“Jesus tag, ãjag tỹ ka to ũn sãg mũ tag hã vỹ tỹ ẽg Senhor nĩ. Topẽ vỹ ti to: tỹ tóg Cristo nĩ, tỹ tóg vẽnh kar Senhor nĩ, he mũ. Ẽg povo tỹ Israel tỹ vẽnh vĩ tag kri finh ke vẽ,” he tóg, Pedro ti, ũ tỹ vẽnh mãn kỹ nỹtĩ ag mỹ.

Han Kãme 9:20

Kỹ tóg vẽsỹmér Jesus kãmén mũ, Judeu ag vẽnh kanhrãn jafã krẽm. “Tỹ tóg Topẽ kósin nĩ,” he tóg mũ vãhã, Jesus to.

Hebreu 11:5

Enoque vỹ, Topẽ ki rã kỹ nĩ ja nĩgtĩ gé. Hã kỹ Topẽ vỹ ti jé prẽr, ti tỹ kanhkã ra tĩg jé, ti rĩr ra, ti ter tũ ra. Ti ve mãn tũ ag tóg nĩ. Topẽ tỹ ti jé prẽr to hã tag vỹ ti to rán kỹ nĩ, Topẽ vĩ tỹ rán kỹ nĩ ki, ha mẽ: “Topẽ tỹ ti jykre ve kỹ ti fe tóg mrin ke mũ.“