Lucas 2:25 - O Novo Testamento na língua Kaingáng

²⁵ Hã ra Jerusalém tá ũ tóg nĩ nĩ, ti jiji hã vỹ: Simeão, he mũ. Ũn jykre kuryj vẽ. Topẽ kamẽg tóg tĩ, ti kuprĩg tỹ tóg jagrẽ nĩ. Ti tỹ Israel ag krenkren han ke mũ ẽn jãvãnh tóg tĩgtĩ.

Lucas 2:25 Iomraidhean Croise

Marcos 15:43

Hã kỹ Arimatéia tá José tóg Pilatos mỹ Jesus fár to vĩ mũ. Tỹ tóg vẽnh jyvẽn tĩ ag kã ũ nĩ. Jykre kuryj tóg nĩ. Topẽ tỹ tỹ ẽg pã'i nĩ ve sór tóg tĩ gé. Ẽn hã vỹ mũmẽg vãnh nĩ kỹ ti fár to vĩ mũ.

Lucas 1:41

Fi tỹ fi vĩ mẽ kỹ fi kósin tóg fi kã ki vo mũ. Kỹ Topẽ kuprĩg vỹ fi krĩn mũ.

Lucas 1:6

Ẽn fag vỹ Topẽ jykre hã han tĩ. Kygnẽ sór tũ fag nĩgtĩ. Hã kỹ fag tóg Topẽ mỹ há nỹtĩ.

Lucas 1:67

Kỹ Topẽ kuprĩg vỹ ti panh tỹ Zacarias krĩn mũ, kỹ tóg:

Lucas 2:38

Ẽn fi vỹ Simeão tỹ Topẽ ĩn krẽm Jesus va jẽ ra: “inh mỹ tóg há tĩ, sỹ ti ven kỹ,” he mũ gé, Topẽ mỹ. Kar kỹ fi tóg vẽnh kar mỹ gĩr sĩ ẽn kãmén mũ, ũn krenkren sór mũ ag mỹ, Jerusalém tá.

Lucas 23:51

Ti pijé ag tỹ Jesus tén ke to jykrén mũ ẽn kã: “he,” he ja nĩgtĩ'. Topẽ tỹ tỹ ẽg pã'i nĩnh ke ve sór tóg mũ gé.

Han Kãme 10:2

Ẽn vỹ Topẽ to há nĩ, ti mré ke kar ke gé. Kỹ tóg Topẽ kamẽg tĩ. Povo tỹ Israel ag kã mĩ tóg ũn jagãgtar ag jagãgtãn tĩgtĩ, ti tỹ tỹ Judeu ag mré ke tũ hã ra. Topẽ mré tóg vĩ tĩ gé.

Han Kãme 10:22

Kỹ ag tóg ti mỹ: “Capitão tỹ Cornélio tỹ ẽg jẽgnẽ vẽ,” he mũ. “Ũn jykre kuryj vẽ, kỹ tóg Topẽ kamẽg tĩ. Judeu kar ag tóg ti to há nỹtĩ, ti to ag tóg vĩ há han tĩ. Topẽ tỹ jẽnẽ jafã vỹ ti mỹ tó ja nĩ, ti tỹ ã jé prẽr jé, ã tỹ ti ĩn ra tĩg jé, ti mỹ Topẽ kãmén jé,” he ag tóg.

Han Kãme 2:5

Hã ra Jerusalém tá ke ũ ag tóg Topẽ to há nỹtĩ gé. Judeu ag vẽ gé, hã ra ag tóg povo tỹ hẽn ri ke mĩ mogmog ja nĩ. Hã kỹ ag vĩ tóg tó tỹ hẽn ri ke nĩ.

Han Kãme 24:16

“Kỹ sóg tĩg há han sór mũ, ũ tỹ iso: nén ũ kórég han ti huri, he tũ nĩn jé. Topẽ rĩnve sóg tĩg há han sór mũ,” he tóg.

2 Pedro 1:21

Kỹ Topẽ vĩ tó tĩ ag pijé vẽsóg ki ag krĩ ki to jykrén kỹ rán ja nĩgtĩ gé'. Topẽ kuprĩg tỹ ag krĩn mũ ẽn hã rán ja ag tóg nĩgtĩ. Hã kỹ tóg tỹ Topẽ vĩ nĩ, vẽnh rán ki.