Lucas 2:14 - O Novo Testamento na língua Kaingáng

¹⁴ “Topẽ vỹ tỹ ũn mág pẽ nĩ,” he ag tóg mũ. “Kynhmỹ ti nĩ, vẽnh kar kãfór ti nĩ. Kỹ ẽprã ke ag vỹ jatun mỹ nỹtĩ, ag krĩ kusa tĩn kỹ, Topẽ tỹ ũ to há ag, fag mré hã,” he ag tóg mũ.

Lucas 2:14 Iomraidhean Croise

Mateus 21:9

Kỹ ũ ag tóg ti jãmĩ mũ mũ, jo ũ ag tóg ti nón mũ mũ. Ẽn ag tóg prẽnprẽr mũ sir. “!..Viva, Davi krẽ'krẽ..!“ he ag tóg mũ. “!..Sér tóg tĩ, pã'i vỹ ẽg tá jun, ẽg Pã'i mág tỹ ti jẽnẽn kỹ..! !..Topẽ tá tóg kãtĩg, ũ tỹ kynhmỹ nĩ ẽn tá, viva..!“ he ag tóg, prẽnprẽr kỹ.

Lucas 1:79

Ẽg tỹ ti ki kagtĩg nỹtĩn kỹ tóg ẽg mỹ kuty ri ke nĩ. Hã ra tóg ti kãtĩg kỹ ẽg mỹ kurã han mũ. Kỹ tóg ẽg mỹ ti japry ven ke mũ. Jagma mũn kỹ ẽg tóg ti jykre kusa venh ke mũ,” he tóg, ti kósin mỹ.

Lucas 19:38

“!..Sér tóg tĩ, ẽg mỹ..!“ he fag tóg mũ.“!..Ẽg Senhor vỹ ẽg ki jun..! !..ẽg jóg mág tỹ ti jẽnẽn kỹ..!“ he ag tóg. “!..Kanhkã tá ke ag mỹ tóg sér te..! !..Topẽ mỹ ẽg tóg vĩ há han sór mũ, kynhmỹ nĩ ẽn mỹ..!“ he ag tóg, prẽnprẽr kỹ.

Lucas 2:13

Kỹ ũ tỹ hẽn ri ke ag vỹ vãhã vẽnh ven mũ sir, kanhkã tá. Ẽn ag vỹ Topẽ mỹ vĩ há han mũ.

Lucas 2:15

Kar ag tóg tũ' he mũ sir, ag tỹ kanhkã ra mũn kỹ. Ag tỹ tũ' he kar kỹ ag tóg jagnẽ mỹ: “mũ nỹ, ẽg tỹ ti ve jé. Ẽg Senhor hã ne tóg ẽg mỹ vẽnh vĩ jẽnẽ,” he mũ.

Lucas 3:22

Kỹ Topẽ kuprĩg vỹ kanhkã tá kãtére mũ, ti kri. Tỹ tóg sórãg ve nĩ. Kỹ kanhkã tá vẽnh vĩ tóg mẽ há tĩ. Kỹ tóg: “tỹ ã inh kósin pir jẽ, tỹ ã tóg inh fe pẽ jẽgtĩ,” he mũ.

João 14:27

“Ãjag krĩ kãnhvy han jé sóg ke mũ. Sỹ ãjag mỹ nén nĩm ke mũn hã vẽ. Hã ra tóg ũ tỹ inh ki ge jãvãnh ag krĩ kãnhvy sĩ ẽn ri ke tũ nĩ. Krĩ kãnhvy pẽ ãjag nỹtĩnh ha. Hã kỹ krĩ kufy han tũg nĩ. Kanẽ jur han tũg nĩ gé.

João 17:4

Ag hã mỹ sóg ã tỹ tỹ ũn mág nĩ tag ven, ẽprã ke ag mỹ, fag mỹ ke gé. Ã tỹ inh mỹ nén tó mũ ẽn han kãn inh.

João 3:16

Topẽ vỹ ga kri mũ ag to há nĩ. Hã kỹ tóg ti kósin pir fẽg, vẽnh kar tỹ ti ki ge jé, ãjag tỹ tũ' he tũ nĩ jé, ãjag tỹ ẽg rĩr krỹg ja tũ ẽn ve jé.

Han Kãme 10:36

Povo tỹ Israel ag mỹ tóg ti vĩ ẽn jẽnẽ ja nĩ. Ẽg mỹ tóg tó, ẽg tỹ jatu nỹtĩ jé, ti tỹ Jesus Cristo tugrĩn ẽg to há nĩn kỹ. Jesus ẽn vỹ tỹ vẽnh kar Senhor nĩ.

Roma 5:1

Kỹ tóg ẽg mỹ vẽnh pãte fón mũ sir, ẽg tỹ Jesus Cristo ki ge kỹ nỹtĩn kỹ. Kỹ ẽg tóg jatun mỹ nỹtĩ, Topẽ tỹ ẽg to jũ mãn tũ nĩn kỹ, ẽg Senhor tỹ Jesus Cristo tugrĩn.

Éfeso 1:6

ẽg tỹ ti mỹ vĩ há han jé. Ũn mág vỹ tỹ ti nĩ, ẽg jagãgtãn tóg tĩ. Hã kỹ tóg há tĩnh mũ, ẽg tỹ ti mỹ vĩ há han kỹ.

Éfeso 1:9

Vãsỹ tóg to jykrén ja nĩgtĩ, kỹ tóg ũri ẽg mỹ tó mũ sir, ti tỹ Cristo tugrĩn nén han sór mũ ti.

Éfeso 2:4

Hã ra Topẽ tóg ẽg jagãgtãn pẽ han. Ẽg to tóg há tãvĩ nĩ, kỹ ẽg tóg tỹ ti fe nỹtĩ.

Éfeso 2:7

Tag ve kỹ vẽnh kar vỹ ki kanhró nỹtĩnh mũ, Topẽ tỹ Jesus Cristo tugrĩn ẽg to há tãvĩ nĩn ki. Hã jé tóg ẽg mỹ nén ũ há ẽn ven ke mũ. Tũ' he jãvãnh ti nĩ, ti tỹ ẽg mỹ nén ven ke ti.

Filipos 2:11

Kỹ vẽnh kar tóg: “Jesus Cristo vỹ tỹ pã'i mág nĩ,” henh ke mũ sir. Tag hã tugrĩn ag tóg sir Topẽ to: “tỹ tóg ẽg kãfór kar nĩ,” he mũ. Tag to jykrén nĩ, ãjag tỹ ti kóm han jé, Jesus Cristo kóm.

Filipos 2:13

Ti hã ne tóg ãjag krĩn há han tĩ', ti jykre tỹ ãjag mỹ sér tĩn jé, ãjag tỹ hã mĩ hã mũn jé.

Colossos 1:20

Kỹ tóg ti ter tugrĩn vẽnh kar to há nĩ ha, Jesus tỹ krunh to sa tugrĩn. Ti kyvénh jamẽn kỹ tóg ẽg to jũ tũ nĩ ha, ũ tỹ ga kri mũ ag to, kanhkã tãn ag to ke gé, Topẽ ti.

2 Tessalônica 2:16

Ẽg Senhor tỹ Jesus Cristo hã vỹ ẽg to há tãvĩ nĩ, ẽg jóg tỹ Topẽ ke gé. Kỹ tóg ẽg krĩ kuprãg mũ sir, ẽg tỹ to krónh ke tũ nĩn jé. Ti hã ne tóg ẽg mỹ ti tỹ nén ũ há ẽn ven ke mũ. Hã ve sór ẽg tóg mũ.

Nén Venh Ke 5:13

Kỹ vãhã kanhkã tãn kar ag vỹ jãnjãn mũ, jamã há ra, ẽprã ke kar ag ke gé, vẽnh kuprĩg kar ag ke gé, goj ki ke kar ag ke gé. Kỹ ag tóg: “ũ tỹ nĩgja sĩnvĩ kri nĩ ẽn mỹ ẽg tóg vĩ há han ke mũ ha, cordeiro ẽn mỹ ke gé,” he mũ. “Ag pir mỹ ag tóg tỹ ũn mág nỹtĩ. Vẽnh kar kri ke vỹ tỹ ag nỹtĩ. Kỹ ag tóg tũ' henh ke tũ pẽ nĩ,” he ag tóg mũ sir, vẽnh kar pẽ ẽn ag.