Lucas 19:9 - O Novo Testamento na língua Kaingáng

⁹ Kỹ tóg ti mỹ: “ũri ã tóg kren ke mũ, ã mré ke fag mré hã. Abraão krẽ'krẽ vỹ tỹ ã nĩ gé,” he mũ.

Lucas 19:9 Iomraidhean Croise

Lucas 13:16

Kỹ tag fi vỹ se kỹ jẽ ẽn ri ke ja nĩ gé, ha mẽ. Satanás hã vỹ fi sé', prỹg tỹ 18 (ke) ki. Ẽg jógjóg ve tỹ Abraão krẽ'krẽ ũ fi vẽ. Ẽg mẽg kãfór fi tóg jẽ. Hã ra ã tóg jũ sór mũ, isỹ vẽnh kán ke kurã ki fi tỹ há' hen kỹ. Isỹ fi kavãn ri ke vẽ,” he tóg.

Lucas 13:30

Ẽn kã tag ki ũn kãsir ũ ag tóg tỹ ũn mág nỹtĩnh mũ, tá. Kỹ tag ki ũn mág ũ ag tóg tỹ ũn kãsir nỹtĩnh mũ gé, tére kỹ,” he tóg, Jesus ti.

Lucas 16:24

Kỹ tóg ag mỹ prẽr mũ. “!..Ijóg'..! !..Abraão'..!” he tóg. “!..Ijagãgtãn ra..!” he tóg. “Lázaro jẽnẽ ra, ti tỹ ti nĩjuja junun mrãn kỹ inh nũnẽ mrãn sĩ han jé. Inh mỹ tóg rỹjgy tãvĩ tĩ, pĩ kã ki,” he tóg.

Lucas 16:30

Hã ra tóg: “vó, vẽser tỹ ag tá jun kỹ ag tóg jẽmẽ há han ke mũ vẽ, kỹ ag tóg ag jykre pãno ẽn tovãnh ke mũ vẽ,” he mũ.

Lucas 2:30

“Ũ tỹ ẽg krenkren han ke mũ tag ti ve inh huri, Cristo ti.

Lucas 3:8

Ãjag jykre pãno tugvãnh ra, ãjag tỹ ti jũ ve jãvãnh tĩn kỹ. Vẽjykre há han ra, ẽg tỹ ãjag jykre tãg ve jé. Hã ra ãjag tóg jagnẽ mỹ: “Abraão krẽ vỹ tỹ ẽg nỹtĩ, kỹ Topẽ hỹn ẽg to jũnh ke tũ nĩ,” he tĩ. Hã tũ vẽ hã ra. Ãjag jykre pãno ẽn to ãjag tóg jagtar ke mũ, ha vem nĩ. Topẽ vỹ pó tag tỹ Abraão krẽ'krẽ hynhan ki kanhró nĩ, ãjag jẽgja kã.

Roma 4:16

Hã ra tóg ẽg mỹ: “ha inh ki rã, sỹ ãjag mỹ nén ũ há ẽn han jé, ãjag tỹ inh ki ge tugrĩn,” he ja nĩgtĩ. Ti tỹ ẽg jagãgtãn hã vẽ. Ti pijé Judeu jykre han mũ ag tãvĩ mỹ vin sór mũ'. Ũ tỹ Abraão ri ke Topẽ ki ge mũ ag mỹ tóg vin sór mũ gé, fag mỹ ke gé. Ẽg kar jógjóg ve vỹ tỹ ti nĩ.

Galácia 3:14

Topẽ tỹ Cristo hã mỹ vĩ kónãn kỹ tóg ẽg hã mỹ vĩ há han mũ sir, ti tỹ Abraão mỹ vĩ há han ja ẽn ri ke. Fóg ag mỹ tóg vĩ há han mũ, kanhgág ag mỹ ke gé, Jesus Cristo tugrĩn. Kỹ tóg ẽg mỹ ti kuprĩg jẽnẽg mũ sir, ẽg tỹ ti ki ge tugrĩn.

Galácia 3:29

Kỹ, ẽg tỹ tỹ Cristo mré ke nỹtĩn kỹ ẽg tóg tỹ Abraão krẽ'krẽ nỹtĩ gé sir, ẽg kar. Kỹ ẽg venh ke mũ sir, Topẽ tỹ Abraão mỹ nén to ja ẽn ti.

Galácia 3:7

Ẽg tỹ Abraão nón Topẽ ki ge kỹ nỹtĩn kỹ ẽg tóg ti krẽ'krẽ ri ke nỹtĩ.

1 Pedro 2:10

Ãjag pijé vãsỹ tỹ ũ tũ ja nỹtĩgtĩ'. Ũri ãjag tóg tỹ Topẽ povo nỹtĩ, ti tũ. Ãjag pijé vãsỹ Topẽ tỹ ãjag jagãgtãn sór mũ tag mẽ ja nĩgtĩ'. Ũri tóg hã ra ãjag jagãgtãn, Topẽ ti.