Lucas 19:6 - O Novo Testamento na língua Kaingáng

⁶ Kỹ tóg tére tỹ mrãnh ke mũ sir. Jesus mỹ tóg: “mũ jé ha,” he mũ. Ti mỹ tóg sér tĩ, Jesus tỹ ti ĩn krẽm nũr sór kỹ.

Lucas 19:6 Iomraidhean Croise

Lucas 19:5

Kỹ tóg ka ẽn tá jun mũ. Kỹ tóg kri ẽvãnh kỹ ti vég mũ. Kỹ tóg ti mỹ: “Zaqueu',” he mũ. “Kur kãtére to fũrũn. Isỹ ã ĩn krẽm nũr ke vẽ,” he tóg.

Lucas 19:7

Hã ra vẽnh e ẽn tóg Jesus to jũ kỹ ti mỹ: “Topẽ vĩ mranh tĩ vẽ, hã ra tóg ti ĩn krẽm nũr sór mũ,” he mũ.

Lucas 2:16

Kỹ ag tóg fũrũnrũn mũ mũ sir. Ag tỹ tá junjun kỹ ag tóg Maria fi vég mũ, José ti ke gé, gĩr sĩ ti ke gé. Koso kã kã tóg pãg kỹ nỹ nĩ.

Lucas 5:29

Kỹ Levi tóg ti mỹ fénhta mág han mũ. Kỹ ũ tỹ governo mỹ jãnkamỹ mãg tĩ ũ ag vỹ tá nỹtĩ gé, ag mré ke ũ ag ke gé.

Han Kãme 16:15

Kỹ ẽg tóg fi kypég mũ, fi mré ke kar fag mré hã. Kỹ fi tóg ẽg mỹ: “inh mré inh ĩn ki nỹtĩm nĩ, sỹ ãjag ki rĩr jé,” he mũ. Vĩ ki fi tóg ẽg kutãn mũ. Kỹ ẽg tóg fi mỹ: “he,” he mũ.

Han Kãme 16:34

Kỹ tóg ti ĩn ra ag tatĩn tĩ mũ. Ag jẽn tóg mũ. Ti mỹ tóg sér tĩ, ti tỹ Jesus ki rã kỹ. Ti mré nỹtĩ kar ag mỹ tóg sér tĩ gé sir, fag ke gé.

Han Kãme 2:41

Ũ tỹ ti vĩ han mũ ag kygpég ag tóg mũ sir. Kurã ẽn kã ũn kygpe kỹ nỹtĩ ag vỹ tỹ ũ tỹ 3 mil (ke) nỹtĩ hỹn, hẽn ri ke mũn.