Lucas 19:5 - O Novo Testamento na língua Kaingáng

⁵ Kỹ tóg ka ẽn tá jun mũ. Kỹ tóg kri ẽvãnh kỹ ti vég mũ. Kỹ tóg ti mỹ: “Zaqueu',” he mũ. “Kur kãtére to fũrũn. Isỹ ã ĩn krẽm nũr ke vẽ,” he tóg.

Lucas 19:5 Iomraidhean Croise

Lucas 19:10

“Tỹ sóg ẽprã ke fi kósin nĩ. Ũn vãfor mũ ẽn jãvãnh jé sóg kãtĩg, sỹ ag krenkren han jé, ũn jykre pãno ẽn,” he tóg.

Lucas 19:2

Hã ra ũ tóg tá nĩ nĩ, ti jiji hã vỹ: Zaqueu, he mũ. Governo mỹ jãnkamy mãg tĩ ag pã'i vẽ. Kỹ tóg riko tãvĩ nĩ.

Lucas 19:4

Hã kỹ tóg ti jy vẽnhvãg tĩ mũ, kỹ tóg ka tỹ krén to tãpry mũ, ti tỹ kri nĩg kỹ ti ve jé.

Lucas 19:6

Kỹ tóg tére tỹ mrãnh ke mũ sir. Jesus mỹ tóg: “mũ jé ha,” he mũ. Ti mỹ tóg sér tĩ, Jesus tỹ ti ĩn krẽm nũr sór kỹ.

João 1:48

Hã ra Natanael tóg ti vĩ tag mẽg mũ. Kỹ tóg ti mỹ: “kỹ ã mỹ inh ki kanhró nĩ'?“ he mũ. Kỹ tóg: “Filipe tỹ ã jé prẽr to hã sóg ã vé, ã tỹ ka tỹ figueira krẽm jẽ ẽn kã,” he mũ.

João 14:23

Kỹ Jesus tóg: “ũ tỹ iso há nỹtĩ ag vỹ inh vĩ ki króm ke mũ,” he mũ. “Ũ tỹ inh vĩ ki króm mũ to inh panh tóg há nĩ, kỹ tóg ti mré ẽmãn ke mũ. Kỹ sóg ti mré ẽmãn ke mũ gé.

2 Corinto 6:1

Topẽ mré sóg rãnhrãj tĩgtĩ. Hã kỹ sóg ãjag jyvẽn mũ, ãjag tỹ Topẽ vĩ ki króm jé. Ãjag tỹ ti vĩ ki króm tũ nĩn kỹ tóg fagrĩnh mỹ ãjag jagãgtãn mũ.

Éfeso 3:17

ti tỹ Cristo tỹ ãjag ki ẽmã han jé, ãjag tỹ ti ki ge kỹ nỹtĩn kỹ. Ti tỹ ẽg to há nĩ vỹ tỹ ga ri ke nĩ, ẽg tỹ ti ki jãrén jé, ka jãrén ri ke. Kỹ ẽg tóg ti to tar nỹtĩ sir. Hã jé sóg ti mỹ ãjag tó tĩ gé.

Hebreu 13:2

Ũ tỹ kuvar há tá ãjag to pasa kỹ ti mỹ: “inh mré jẽg,” hem nĩ. Ẽg jo ke ũ ag tóg, ag tỹ ũ ag mỹ: “inh mré jẽg,” hen kỹ Topẽ tỹ jẽnẽ jafã ag hã mỹ ke ja nĩgtĩ, ag tỹ ag ki kagtĩg hã ra.

Nén Venh Ke 3:20

Mẽ há han nĩ, sỹ ãjag mỹ nén tó mũ tag. Re tá inh jẽ nĩ, jãnkã tá, kỹ sóg tỹ tórón' tórón' ke mũ. Ũ tỹ inh vĩ mẽg mũ mỹ tóg há tĩ. Kỹ tóg inh mỹ nón ke mũ, jãnkã ti. Kỹ sóg ti ĩn kã ra rãnh ke mũ. Kỹ sóg ti mré jẽn ke mũ. Kỹ tóg inh mré jẽn ke mũ gé, ha mẽ.