Lucas 19:43 - O Novo Testamento na língua Kaingáng

⁴³ Hã kỹ ãjag tóg vãhã kurã kórég pẽ venh ke mũ. Ãjag kato tẽ ag vỹ ãjag to ráránh ke mũ. Komẽr hã ag tóg ãjag to grẽngrẽn kenh ke mũ. Kỹ ag tóg ãjag ẽmã jy ró pénĩn vỹrỹn kenh ke mũ sir.

Lucas 19:43 Iomraidhean Croise

Mateus 22:7

Kỹ pã'i mág tóg ag to jũ mũ. Kỹ tóg ti porisa ag jẽgnẽ kỹ ag kãgtén mũ gé sir, ũ tỹ ti to é he mũ ẽn ag. Ag ĩn kugprũg ag tóg mũ sir.

Lucas 19:42

“Jerusalém tá ke',” he tóg. “Ki kanhrãn sór tũ ãjag tóg nĩ,” he tóg. “Ãjag tỹ ũri ki kanhrãn há tóg tĩ vẽ, hã ra ãjag tóg ke jãvãnh nỹtĩ. Ãjag tỹ ki kanhrãn ra ãjag tóg krĩ kuprã nỹtĩnh mũ vẽ, mỹr, ha mẽ. Hã ra ãjag tóg jẽmẽ sór tũ nĩ. Kutu ãjag tóg nỹtĩ.