Lucas 19:28 - O Novo Testamento na língua Kaingáng

²⁸ Kar tóg tá kãkutẽ kỹ ẽmã tỹ Jerusalém ra tĩ mũ.

Lucas 19:28 Iomraidhean Croise

Lucas 10:30

Kỹ tóg ti mỹ: “Judeu ũ tóg nĩgtĩ. Hã ra tóg Jerusalém tá kãtĩg kỹ ẽmã tỹ Jericó ra tĩ mũ. Ẽpry kri ũn jykre kórég ag tóg, ti jo vãjig mũ, bandido ag. Kỹ ag tóg, ti kãgmĩ kỹ, ti kur nũnh kãn kỹ ti mrãnmrãn mũ. Ti tén kren ag tóg mũ, kỹ ag tóg ẽpry fyr tá ti fón kar kỹ mũ mũ sir, ti tũ mãn kãn kỹ.

Lucas 12:50

Ti grug to hã sóg vẽsỹrénh ke mũ. Iser ke vẽ, kỹ tóg inh mỹ e tĩ. Sỹ ve jãvãnh tóg tĩ vẽ,” he tóg.

Lucas 18:31

Kỹ tóg ũ tỹ 12 (ke) ag jé prẽr mũ, vyrmỹ. “Ha vé, Jerusalém ra ẽg mũnh mũ, kỹ sóg tá ve kãn ke mũ, vãsỹ Topẽ vĩ tó tĩ ag tỹ iso nén rán ja ẽn ti,” he tóg.

Lucas 9:51

Kejẽn ti tỹ kanhkã ra tĩg ke kurã tóg kakó tĩ sir. Kỹ tóg to jykrén kỹ Jerusalém ra tĩg sór mũ, ag tỹ tá ti tén jé. Kỹ tóg vẽnh jo ũ ag jẽgnẽg mũ, ag tỹ ẽmã kãsir tá ti jun ke tó jé.

João 18:11

Kỹ Jesus tóg Pedro mỹ: “ã rógro fẽg han ra,” he mũ. “Inh panh tỹ inh mỹ: “vẽsỹrénh jé ã tóg ke mũ,” he ja vẽ, hã kỹ sóg ag mỹ vẽnh fẽg ke mũ ha. Vẽnh nenh ke tũ sóg nĩ,” he tóg.

Hebreu 12:2

Jesus hã mĩ ẽkrén nĩ. Ti hã vỹ ẽg tỹ Topẽ ki rã han. Kỹ tóg ẽg tỹ ti tovãnh ke tũ han ẽn ki kanhró nĩ gé. Krunh to sa kỹ tóg ter mỹr. Ag tỹ ti to é he mũ ra tóg ti mỹ tỹ nén ũ tũ tĩ. Ti tỹ kar kỹ nén venh ke ẽn mĩ tóg ẽkrén ja nĩ, nén tỹ ti mỹ sér nĩnh ke ẽn mĩ. Hã kỹ tóg ũri Topẽ pẽgja tá nĩ nĩ.

1 Pedro 4:1

Ha vé, Cristo vỹ jagtar nĩ ja nĩgtĩ, vẽsỹrénh kỹ. Kỹ tag to tar nỹtĩm nĩ gé, ãjag tỹ ti kóm jagtar nỹtĩn kỹ. Tag vỹ há nĩ, ha mẽ: ũ tỹ ẽprã jagtar kỹ tóg Topẽ vĩ mranh tũ nĩgtĩ.