Lucas 19:27 - O Novo Testamento na língua Kaingáng

²⁷ “Kỹ inh kato tẽ mũ ag tatĩ kãmũm nĩ, ũ tỹ iso: “ti tỹ ẽg kri tỹ pã'i jẽn kỹ tóg ẽg mỹ kórég nĩ,” he mũ ẽn ag. Ag kãgtén ra, inh rĩnve,” he tóg, pã'i ti,” he tóg.

Lucas 19:27 Iomraidhean Croise

Mateus 22:7

Kỹ pã'i mág tóg ag to jũ mũ. Kỹ tóg ti porisa ag jẽgnẽ kỹ ag kãgtén mũ gé sir, ũ tỹ ti to é he mũ ẽn ag. Ag ĩn kugprũg ag tóg mũ sir.

Lucas 19:14

Hã ra ti krẽm ke ũ ag vỹ ti to há tũ nỹtĩ. Kỹ ag tóg ti nón vẽnh vĩ jẽnẽg mũ. “Ã tỹ ẽg kri tỹ pã'i nĩn kỹ tóg vẽnh mỹ nĩ. Ẽg tỹ tag ve jãvãnh tóg tĩ,” he ja ag tóg nĩgtĩ.

Lucas 20:16

“Kãtĩg jé tóg ke mũ, ẽkré ki rĩr tĩ ag kãgtén jé. Kỹ tóg camarada ũ ag mỹ finh mũ sir, ti jakré ti,” he tóg. Kỹ ag tóg mẽg mũ, ti vĩ ti. Kỹ tóg ag mỹ e tĩ. “Ẽg jé hã ra tag vég tũ nĩgtĩ,” he ag tóg mũ.

Lucas 21:22

Topẽ tỹ ag vóg kónãn ke kurã vẽ sir, ag jykre kórég to, hã kỹ tóg vãsỹ rán kỹ nĩ. Vẽnh rá ẽn ve jé ãjag tóg ke mũ, kurã ẽn kã.

Lucas 21:24

Ãjag kã mĩ ũn e tãvĩ kãgter ke vẽ, rógro tỹ. Kỹ ãjag kã mĩ ũ ag vỹ sigse kỹ mũnh mũ, povo kar kãmĩ. Kỹ Jerusalém vỹ kókén kãn kỹ nĩnh ke mũ. Fóg ag vỹ sãnsãn ke mũ, ãjag jamã ti. Kejẽn fóg ag tỹ tũ' henh ke kurã vỹ jun ke mũ gé hã ra,” he tóg, Jesus ti.

Hebreu 10:13

Tá tóg nĩ nĩ. Topẽ vỹ, ti kato vãsãnsãn mũ ag tỹ ti pẽn krẽm vin ke mũ. Ag sigse kỹ nỹtĩ to ken hã vẽ. Tag hã jãvãnh tóg nĩ nĩ, Jesus ti.