Lucas 19:26 - O Novo Testamento na língua Kaingáng

²⁶ Kỹ tóg: “hỹ,” he mũ. “Hã kỹ sóg tó mũ. Ũn tũ mág vỹ mãn mãn ke mũ. Ũ tũ sĩ nĩ ẽn tũ mãn kãn jé ag tóg ke mũ gé,” he tóg.

Lucas 19:26 Iomraidhean Croise

Mateus 13:12

Hã kỹ tóg ge nĩ. Ũ tỹ nén ũ to jykrén há han kỹ tóg ũ to jykrén mãn', ũ to jykrén mãn' he tĩ. Komẽr hã tóg to jykrén kãn ke mũ. Ũ tỹ nén ũ to jykrén tũ nĩn kỹ tóg ti mỹ tũ tĩ, ti tỹ to jykrén sĩ han mũ ra.

Mateus 21:43

“Hã kỹ sóg ãjag mỹ: ãjag tỹ Topẽ tỹ tỹ ẽg pã'i nĩ venh ke vẽ vẽ, hã ra ãjag tóg venh ke tũ nĩ,” he mũ. “Ũ ag hã vỹ venh ke mũ, povo ũ ag, ag tỹ inh vĩ kri fi kỹ,” he tóg.

Marcos 4:25

“Ũ tỹ ti vĩ to jykrén há han mũ ẽn tar han jé tóg ke mũ. Jãvo tóg ũ tỹ nén ũ to jykrén há han tũ nĩn kỹ tóg ti mỹ tũ' he mũ sir, ti tỹ nén ũ to jykrén sĩ han mũ ra,” he tóg.

Lucas 16:3

Kỹ tóg to jykrén kỹ: “inh hỹn hẽ ri kenh mũ ha?” he mũ. “Inh patrão tỹ inh kutẽm kỹ inh hỹn ne konh ke mũ ha? Inh ẽpỹ jé sóg krój nĩ. Kỹ sóg vẽnh kar mỹ: “inh mỹ nén ũ nĩm, inh mỹ jãnkamy nĩm,” he sór tũ nĩ gé. Inh mỹ'a tóg tĩ,” he tóg.

Lucas 19:25

Kỹ ag tóg ti mỹ: “mẽ'. Hã ra tóg tũ mág nĩ ha,” he mũ.

Lucas 8:18

“Hã kỹ jẽmẽ há han nĩ. Ũ tỹ to jykrén há han kỹ tóg, ũ to jykrén mãn', ũ to jykrén mãn', henh ke mũ. Ũ tỹ inh vĩ to jykrén há han tũ nĩn kỹ tóg ti mỹ tũ' he kãn ke mũ, ti tỹ nén ũ to jykrén mũ kar ẽn mré hã,” he tóg.

Han Kãme 1:20

“Ẽg tỹ Topẽ mỹ jãnjãn jafã ki tag tóg rán kỹ nĩ, hã mẽ: ẽn jamã vỹ vag ke mũ, ũ pijé ki ẽmãn mãn mũ', he tóg, vẽnh rán ki, Judas to. Kỹ ũ vỹ ge nĩ gé, hã mẽ: ũ tỹ ti jẽg ja kã jẽ kỹ ti rãnhrãj han ke vẽ, he tóg mũ gé.

2 João 1:8

Vẽnh ki rĩrm nĩ, ãjag tỹ ag vĩ kri fig tũ nĩ jé, ãjag rãnhrãj tỹ ãjag mỹ tũ' he tũ nĩ jé. Vãsãn nĩ, ãjag tỹ tá ti kaja ve jé, Topẽ tỹ ẽg mỹ nén nĩm sór mũ ti.

Nén Venh Ke 2:3

Iso tar ãjag tóg nỹtĩ. Isugrĩn ãjag tóg jagtar, ge ra ãjag tóg iso krónh ke ja tũ nĩ.

Nén Venh Ke 3:11

Kãnhmar inh kãtĩg ke mũ. Ãjag tỹ inh ki ge kỹ nỹtĩ tag tovãnh tũg nĩ. Ke tũ nĩ mũ ra ũ ag tóg ãjag nỹtĩg ja ki nỹtĩn kỹ nén tỹ ãjag mỹ sér tĩnh ke mũ ẽn venh ke mũ, inhhã.