Lucas 19:21 - O Novo Testamento na língua Kaingáng

²¹ Ã kamẽg ja inh nĩ, ã vĩ tar to. Ã tỹ nén vin ja tũ ẽn mãn sór ã tóg tĩ. Ã tỹ nén krãn ja tũ kunũnh sór ã tóg tĩ,” he tóg.

Lucas 19:21 Iomraidhean Croise

Lucas 19:20

Kỹ ũ tóg: “ha vé, ã tũ ti,” he mũ. “Inh krĩ pãgja kã ki vin kỹ sóg kri tógfĩn kỹ nĩm han.

Lucas 19:22

Kỹ tóg ti mỹ: “ã vĩ tóg ã jykre pãno han mũ, ha mẽ,” he mũ.“Inh mỹ vĩ tar han tĩ'? Inh mỹ sỹ nén vin ja kãfór mãn sór tĩ'? Inh mỹ sỹ nén krãn ja tũ kunũnh sór tĩ'?

Roma 8:15

Ẽg tỹ tỹ Jesus jãvy nỹtĩn kỹ ti pijé ẽg kanẽ jun ke mũ'. Ti kuprĩg vỹ tỹ ẽg jagrẽ nĩ. Kỹ Topẽ pijé tỹ ẽg patrão kórég ri ke nĩ'. Tỹ tóg ẽg panh nĩ ha. Hã kỹ ẽg tóg ti mỹ: “Aba,” he tĩ, hã vỹ: “ẽg jóg,” he mũ, ẽg vĩ ki.

Roma 8:7

Ũ tỹ ti tỹ nén to én mũ ẽn han kỹ tóg Topẽ kato tẽ mũ sir. Ti pijé Topẽ jykre han tĩ'. Han ki kagtĩg tóg nĩgtĩ. Ẽg jykre pãno hã vẽ.

2 Timóteo 1:7

Topẽ vỹ ẽg mỹ ti kuprĩg jẽnẽ, ẽg kanẽ jur tũ nĩ jé, ẽg tar nỹtĩ jé, ẽg tỹ jagnẽ to há nỹtĩ jé, ẽg tỹ vẽso jykrén jé.

Tiago 2:10

Ha vé, hẽn ri ke mũn ẽg kã mĩ ũ tóg Topẽ tỹ ẽg mỹ vẽjykre nĩm ja kar ki króm tĩ. Hã ra tóg sir, nén pir ki ti vĩ mranh mũ. Kỹ ti tỹ ti vĩ mranh kãn vẽ sir.

1 João 4:18

Ẽg tỹ Topẽ to há nỹtĩn kỹ ẽg kanẽ jur ke tũ pẽ nĩ. Ha vé, ẽg tỹ Topẽ to há nỹtĩn kỹ kygnẽg tũ nĩn kỹ ẽg tóg mũmẽg ki kagtĩg nỹtĩ gé. Topẽ tỹ ẽg vóg kónãn ke to ẽg tóg ti kamẽg ke mũ. Ẽg mũmẽg vỹ ẽg vẽsỹrénh han mũ.

Judas 1:15

Ti kãtĩg kỹ tóg ẽprã ke ag jykre tugnỹm kãn ke mũ. Kỹ tóg ũn jykre pãno ag vóg kónãn ke mũ, ag jykre pãno to, ag tỹ Topẽ kato tẽ to, ag tỹ ti to vĩ kónãn to. Ũ tỹ ti vĩ mranh tĩ ag vỹ ti mỹ vĩ kónãn pẽ han tĩ, hã kỹ tóg ag vóg kónãn ke mũ,” he ja tóg nĩ, Enoque ti.