Lucas 19:12 - O Novo Testamento na língua Kaingáng

¹² “kejẽn pã'i tóg nĩgtĩ,” he mũ. “Ẽn tóg ga ũ ra tĩg sór mũ, kór há ra, tá ke ag tỹ ti tỹ pã'i mág han jé. Tag pãte tóg tá vỹn ke sór mũ.

Lucas 19:12 Iomraidhean Croise

Mateus 21:38

Kỹ ag tóg ti kósin ti ve kỹ jagnẽ mỹ: “kejẽn ẽkré tag vỹ tỹ ti tũ nỹnh ke mũ,” he mũ. “Mũ nỹ, ti tén jé, ti tũ tag tỹ tỹ ẽg tũ nỹn jé,” he ag tóg mũ, patrão kósin to.

Mateus 28:18

Kỹ Jesus tóg, ag rã hã jẽ kỹ, ag mỹ: “nén kar vỹ tỹ, inh krẽm ke nĩ ha, kanhkã tá ke kar, ga tá ke kar ke gé,” he mũ.

Marcos 12:1

Kỹ tóg ag kanhrãn kỹ ag mỹ: “kejẽn ũ tóg uva krãn mũ. Pénĩn tóg rón mũ, kã ki tóg kũm mũ, uva jẽgmĩ jafã han jé. Ki tóg pãjó han mũ gé,” he mũ. “Kỹ tóg ũ tỹ ki rĩr tĩ ag mré to jykrén kar kỹ tĩ mũ, ga ũ ra, ag tỹ ti jo ki rĩr jé.

Marcos 16:19

Kar kỹ Jesus tóg kanhkã ra tãpry mũ sir, kỹ tóg tá jun kỹ Topẽ pẽgja tá nĩ mũ.

Lucas 20:9

Kỹ tóg vẽnh kar mỹ: “ẽg tỹ Topẽ kato tẽ kỹ tóg ge nỹnh mũ, ha mẽ,” he mũ. “Kejẽn ũ tóg uva krãn ja nĩ, tỹ vinho han jafã ẽn. Kỹ tóg ũ tỹ ki rĩr tĩ ag mré to jykrén kỹ ag mỹ tovãnh mũ sir. Kar tóg ga ũ ra tĩ mũ. Hã ra tóg kãtĩg vãnh han mũ.

Lucas 24:51

Ag mỹ vĩ há han kar tóg ag ré kỹ tĩ mũ. Kanhkã ra tóg tãpry mũ.

João 18:37

Kỹ Pilatos tóg: “kỹ ã mỹ hã ra tỹ pã'i mág nĩ'?“ he mũ. Kỹ tóg: “ki hã ã tóg tó mũ,” he mũ. “Isỹ ki hã tó hã jé sóg ga kri mur kỹ, ga kri tĩ nĩ. Kỹ ũ tỹ ki hã tó to há nỹtĩ ẽn ag kar vỹ inh vĩ jẽmẽg mũ,” he tóg.

Han Kãme 17:31

Kurã nĩm tóg huri, kỹ tóg kurã ẽn ki ẽprã ke jykre kar tugnỹm ke mũ. Ũn pir kuprẽg tóg, ti tỹ ti jagfy ẽg kar jykre tugnỹm jé. Ẽn tóg ter ja nĩ, hã ra Topẽ tóg ti rĩn mãn ja nĩ, ẽg tỹ ti ki kanhkó nỹtĩ jé,” he tóg, Paulo ti.

Hebreu 9:28

Tag ri ke ti nĩ, Cristo tỹ vẽnh fẽg mũ ti. Vẽnh fẽg pir han tóg, ti tỹ ũn e tỹ Topẽ vĩ mranh tỹ tũ' he jé. Kejẽn tóg kãtĩg mãn ke mũ. Hã ra tóg, ẽg tỹ Topẽ vĩ mranh ja tugrĩn ter mãn ke tũ nĩ, ti kãtĩg mãn kỹ. Ẽg jé prẽr jé tóg kãtĩg ke mũ, ũ tỹ ti kãtĩg jãvãnh mũ ag jé.

1 Pedro 3:22

Kanhkã tá tóg nĩ nĩ, Jesus ti. Kỹ tóg Topẽ pẽgja tá nĩ nĩ. Tá tóg tỹ ũn mág nĩ, Topẽ tỹ jẽgnẽ jafã ag kri, ũn tar kar ag kri, ẽg tỹ kanhkã tá ũn vég tũ kar ẽn ag mré hã. Vẽnh kar kri ke vỹ tỹ ti nĩ, Jesus ti.

Nén Venh Ke 1:7

Ha vé, kãtĩg mãn jé tóg ke mũ, kanhkã góg kã mĩ. Vẽnh kar vỹ ti venh ke mũ, ẽn kã, ũ tỹ ti kusón mũ ag mré hã. Kỹ povo kar vỹ ti tugrĩn jagtar kãn ke mũ. Vẽsỹrénh jé ag tóg ke mũ, ha vem nĩ. Hã vẽ.