Lucas 18:7 - O Novo Testamento na língua Kaingáng

⁷ “Hã kỹ Topẽ vỹ ãjag krenkren han ke mũ gé. Ãjag kuprẽg ja tóg nĩ mỹr, kỹ ti mré vẽmén nĩ. Kurã ki ti mré vĩm nĩ, kuty tá ke gé. Ãjag kren han tũ nĩ ve ti nĩ, kejẽn.

Lucas 18:7 Iomraidhean Croise

Mateus 24:22

Ẽg tỹ kurã ki jagtar ke mũ ẽn vỹ e nỹtĩnh mũ vẽ, hã ra tóg térem kỹ nỹtĩ nĩ, Topẽ tỹ ũn kuprẽg ja ẽn ag tugrĩn. Ti tỹ térem tũ nĩ ra ũ vỹ, kren ke tũ pẽ nĩ vẽ, vẽnh jagtar mág ẽn to,” he tóg, Jesus ti.

Mateus 24:24

Ón kỹ Cristo ag vỹ vẽnh venven ke mũ, ón kỹ Topẽ vĩ tó tĩ ag ke gé. Ẽn ag vỹ ẽg tỹ nén han vãnh hynhan ke mũ, milagre tỹ hẽn ri ke ti. Ag tỹ vẽnh kar krĩn kónãn sór vẽ, ag tỹ kygnẽ jé, Topẽ tỹ ũn kuprẽg ja ẽn ag mré hã, hẽn ri ke mũn.

Mateus 7:11

Jykre pãno ãjag nỹtĩ. Ge ra ãjag tóg ãjag krẽ mỹ nén ũ há vin tĩ. Ge ti nĩ gé, ãjag tỹ Topẽ mỹ nén ũ to vĩn kỹ. Nén ũ há tãvĩ hã vin jé tóg ke mũ. Hã ra tóg ãjag kãfór han tĩ, ẽg jóg tỹ kanhkã tá nĩ ẽn ti,” he tóg, Jesus ti.

Lucas 11:13

Jykre pãno ãjag nỹtĩ. Ãjag jykre pãno hã ra ãjag tóg ãjag krẽ mỹ nén ũ há nĩm tĩ. Ge ti nĩ gé, ãjag tỹ Topẽ mỹ nén ũ to vĩn kỹ. Nén ũ há hã nĩm jé tóg ke mũ. Hã ra tóg ãjag kãfór han tĩ, ẽg jóg tỹ kanhkã tá nĩ ti. Ãjag tỹ ti mỹ to vĩn kỹ tóg ti kuprĩg tỹ ãjag jagrẽ han ke mũ mỹr, Topẽ ti,” he tóg.

Lucas 2:37

Kỹ fi tóg vãhã prỹg tỹ 84 (ke) han mũ sir, mén tũ nĩ ki. Kurã kar ki fi tóg Topẽ ĩn hã krẽm nĩgtĩ. Tá fi tóg Topẽ tũ han nĩgtĩ. Ti mré fi tóg vẽmén tĩ, nén ũ ko mẽ kã.

Lucas 21:28

“Ãjag tỹ isỹ ãjag mỹ nén tó mũ ẽn ve sĩ han kỹ ãjag kanẽ nĩm nĩ, ti tỹ ãjag mỹ sér pẽ tĩn kỹ. Isỹ vãhã ãjag krenkren han ke vẽ sir, isỹ kurã ẽn kã jun kỹ,” he tóg.

Roma 8:33

Topẽ tỹ ẽg kuprẽg kỹ tóg ũ tỹ ẽg kato vĩ sór mũ ra ag mỹ vẽnh mỹ tĩ. Topẽ hã ne ẽg mỹ vẽnh pãte fón ja nĩgtĩ'.

Colossos 3:12

Topẽ vỹ ãjag kuprẽg, ãjag tỹ tỹ ti tũ nỹtĩ jé, ti tỹ ãjag to há tãvĩ nĩn kỹ. Kỹ ti jykre hã han nĩ. Jagnẽ jagãgtãn nĩ. Jagnẽ mỹ vĩ há han nĩ. Vẽsỹ ũn mág han sór tũg nĩ. Komẽr hã vĩm nĩ. Jagnẽ to fe nỹtĩm nĩ.

1 Tessalônica 3:10

Kuty kar ki sóg ti mré vẽmén tĩ, kurã kar ki ke gé. Sỹ ãjag ve sór nĩn kỹ sóg Topẽ mỹ isĩg ke to vĩ tĩ, sỹ ãjag tar han sór kỹ, ãjag tỹ ti ki rã to tar nỹtĩ jé.

2 Tessalônica 1:6

Ha vé, ũ tỹ ãjag jagãgtar han mũ ẽn jagãgtar han jé tóg ke mũ gé, vẽnh kaja jé, Topẽ ti. Hã ki ẽg tóg ti jykre kuryj ki kanhrãn mũ sir.

1 Timóteo 5:5

Hã ra ũn mén ter ja ũ fi vỹ krẽ tũ nĩ. Kỹ ũ tỹ fi jẽ'ỹn ke tóg tũ tĩ. Kỹ Jesus ki ge kỹ nỹtĩ kar ag vỹ fi jẽ'ỹn ke mũ. Fi tỹ nén ũ ve sór kỹ fi tóg Topẽ hã mré vẽmén ke mũ, ti hã mỹ nén ũ kar to vĩ kỹ. Fi tỹ tag to krónh kenh ke tũ vẽ, kurã mré hã, kuty mré hã ke gé.

2 Timóteo 1:3

Topẽ mỹ sóg vĩ há han tĩ. Ti hã mỹ sóg rãnhrãj tĩ, inh jógjóg ve ag ri kén. To kygnẽ sór vãnh inh nĩgtĩ. Ã tó sóg tĩ, sỹ Topẽ mré vẽmén kỹ. To krónh ke tũ inh nĩgtĩ, kurã kar ki.

2 Timóteo 2:10

Hã kỹ sóg ise kỹ jẽ hã ra ti to tar nĩ, Topẽ tỹ ũn kuprẽg mũ ag jagfy, ag krenkren jé, ag tỹ Jesus Cristo ki ge tugrĩn kanhkã tá junjun jé.

Tito 1:1

Paulo tỹ rá vẽ. Sỹ Tito mỹ rán hã vẽ. Topẽ mỹ sóg rãnhrãj tĩgtĩ, kỹ Jesus Cristo vỹ inh fẽg, sỹ tỹ ti apóstolo jẽ jé. Topẽ tóg ẽprã ke ũ ag kuprẽg, ag tỹ ti ki ge jé. Kỹ tóg inh mỹ: “ha isỹ ũn kuprẽg ja ag mỹ inh vĩ tónh tĩg, ag tỹ ã vĩ jẽmẽ kỹ inh ki ge há han jé,” he ja nĩ.

1 Pedro 1:1

Pedro tỹ ãjag mỹ carta rán hã vẽ. Jesus Cristo vỹ inh fẽg, sỹ tỹ ti apóstolo jẽ jé. Sỹ Topẽ tỹ ũn kuprẽg mũ ag mỹ rán hã vẽ. Ẽg mré ke tũ ag kã mĩ ãjag tóg mũgtĩ, ũ tỹ Jesus ki ge tũ ag kã mĩ, Ponto tá, Galácia tá, Capadócia tá, Ásia tá, Bitínia tá ke gé.

2 Pedro 3:9

Kỹ tóg ti tỹ ẽg mỹ nén tó mũ ẽn tovãnh ke tũ nĩ. Ũ tóg: “han sór tũ ti nĩ, hã kỹ ẽg tóg vég tũ nĩgtĩ,” he tĩ, ón kỹ. Hã ra ag tóg hã tũ tó tĩ. Ti tỹ ver ẽg to fe nĩ vẽ. Hã kỹ tóg kãtĩg vãnh nĩ. Ti pijé ẽg kã mĩ ũ tỹ nũgme ki kutẽ ẽn ve sór mũ'. Hã kỹ tóg ver ẽg mỹ kurã ũ nĩm mãn', kurã ũ nĩm mãn' he mũ. Kỹ vẽnh kar jé ag jykre kórég tovãnh, ag krenkren jé.

Nén Venh Ke 18:20

“Kanhkã tá nỹtĩ kar'. Mỹ sér nỹtĩm nĩ. Topẽ ki ge kỹ nỹtĩ kar', apóstolo kar', Topẽ vĩ tó tĩ kar', mỹ sér nỹtĩm nĩ. Tũ' he kãn ag huri, ẽmã ẽn tá ke kar ag. Topẽ vỹ hur ag vóg kónãn, ag tỹ ãjag vóg kónãn ja tugrĩn.“

Nén Venh Ke 6:10

Ẽn ag vỹ jamã há ra: “Senhor',” he mũ. “Ũn mág vỹ tỹ ã nĩ. Ã tỹ nén tó mũ ẽn han ã tóg tĩ. Ã mỹ kãnhmar ẽprã ke ag jykre tugnỹm sór tũ, ã tỹ ag vóg kónãn jé, ag tỹ ẽg kãgtén ja tag tugrĩn?“ he ag tóg mũ.

Nén Venh Ke 7:15

Kỹ ag tóg Topẽ nĩgja sĩnvĩ pénĩn nỹtĩ. Ti rãnhrãj han ag tóg tĩ, kurã kar ki, kuty ki ke gé, ti ĩn krẽm. Ũ tỹ nĩgja sĩnvĩ kri nĩ ẽn vỹ ag jy nĩgãn mũ.