Lucas 18:43 - O Novo Testamento na língua Kaingáng

⁴³ Kỹ tóg vẽsỹmér ẽvãnh há' he mũ sir. Ti hã mré tóg tĩ mũ sir. Topẽ mỹ tóg vĩ há han mũ. Kỹ tóg vẽnh kar mỹ há tĩ. Topẽ mỹ ag tóg vĩ há han mũ gé sir.

Lucas 18:43 Iomraidhean Croise

Mateus 11:5

“Tag han inh tĩ, ha mẽ: ũn kyvó ag vỹ, isugrĩn ẽvãnh há nỹtĩ. Ũn kãnhgrĩ ag vỹ mũ há nỹtĩ, ũ tỹ vẽnh kaga kren vãnh han mũ ẽn ag krenkren han inh tĩ. Ũn kutu ag vỹ ẽmẽ há nỹtĩ ha, ũn kãgter mũ ag vỹ rĩnrĩr mãn kỹ nỹtĩ. Ũn jagtar ag vỹ Topẽ vĩ mẽg tĩ, ũ tỹ kanhkã tá nĩ ẽn tỹ tỹ ẽg pã'i nĩnh ke to.

Mateus 21:14

Kỹ ũn kyvó ag tóg ti tá junjun mũ sir, ũn kãnhgrĩ ag ke gé, ti tỹ Topẽ ĩn krẽm jẽ ra. Kỹ tóg ag tỹ há' he kãn mũ sir.

Mateus 9:8

Kỹ vẽnh kar ẽn ag tóg vég mũ. Kỹ tóg ag mỹ e tãvĩ tĩ. Topẽ mỹ ag tóg vĩ há han mũ, ti tỹ Jesus mỹ vẽjykre há nĩm kỹ, ti tỹ tỹ ẽprã ke nĩ ra.

Lucas 13:17

Ti vĩ tag to ag tóg mỹ'ãg'ãg mũ sir, ti kato tẽ mũ ag. Hã ra tóg vẽnh e ẽn mỹ sér tĩ sir. Ag mỹ tóg nén ũ há kar han tĩ, hã kỹ tóg ag mỹ sér tĩ sir.

Lucas 19:37

Gen kỹ ag tóg, pãnónh tỹ Oliveiras to re kỹ Jerusalém to hã mũ nĩ sir. Kỹ vãhã ag kar ẽn tóg Topẽ mỹ vĩ há han mũ, jamã há ra, fag mré hã. Jesus tỹ nén han mũ ve ja ag tóg nĩgtĩ. Hã kỹ ag tóg ẽn mĩ ẽkrén kỹ Topẽ mỹ vĩ há han mũ sir.

Lucas 4:39

Kỹ tóg fi mỹ: “rỹg mãn tũg nĩ,” he mũ. Kỹ fi rỹ ẽn tóg tũ' he mũ sir. Kỹ fi tóg vẽsỹmér nĩ kỹ ag ki rĩr mũ sir.

Lucas 5:26

Kỹ tóg vẽnh kar mỹ e tãvĩ tĩ. Topẽ mỹ ag tóg vĩ há han mũ gé, “ẽg kãfór ti nĩ,” hen kỹ. “Ge ve ja tũ ẽg nỹtĩ,” he ag tóg mũ sir.

Lucas 9:43

Kỹ tóg vẽnh kar mỹ e tãvĩ tĩ.“Topẽ ne tóg tỹ ũn mág pẽ nĩ', ti jykre tóg há tãvĩ nĩ,” he ag tóg mũ sir. Kỹ tóg ti mré mũ tĩ ag mỹ:

Han Kãme 11:18

Ag tỹ tag mẽ kỹ ag krĩ tóg kusa' he mũ. Kỹ ag tóg: “Topẽ vỹ fóg ag krĩn mũ gé, ag tỹ ag jykre kórég tovãnh jé, ag tỹ ẽg rĩr krỹg ja tũ ve jé,” he mũ.

Han Kãme 26:18

“Ag kanẽ nugnón sór inh mũ. Ag tỹ vẽjykre pãno han kỹ tóg ag kã ki kuty nĩ sir, hã ra sóg ag kã ki jẽngrẽ han sór mũ. Japo krẽm ag nỹtĩ. Hã ra sóg ag kygvãn sór mũ. Ag tỹ inh vĩ mranh tỹ sóg vẽnh pãte fón sór mũ, ag tỹ ũ tỹ inh ki ge kỹ nỹtĩ ag mré kanhkã tá junjun jé, he tóg inh mỹ, Jesus ti,” he tóg, Paulo ti.

Han Kãme 4:21

Hã ra pã'i ag tóg: “ker tó hẽ', ker tó hẽ',” he mãn mũ gé. Kỹ ag tóg ag kygvãg mũ sir. Ag tỹ ag vóg kónãn há ra ag tóg ke tũ nĩ, vẽnh kar tỹ ag to há nỹtĩn kỹ, vẽnh kar tỹ Topẽ to: “há ti nĩ, hã kỹ tóg ũn kãnhgrĩ ẽn tỹ há' he mũ',” hen kỹ.

Galácia 1:24

Kỹ ag tóg isugrĩn Topẽ to vĩ há han ja nĩgtĩ, ag tỹ mẽ kỹ.

1 Pedro 2:9

Ãjag hã kuprẽg tóg, ãjag tỹ tỹ ti tũ to pã'i mág nỹtĩ jé, ãjag tỹ tỹ ti povo nỹtĩ jé, vyr mỹ. Ãjag kuprẽg tóg, ãjag tỹ ti tỹ nén han mũ kãmén jé, ti jykre tar ti. Vãsỹ ãjag tóg kuty mĩ mũ ja nĩgtĩ. Hã ra tóg ãjag tatĩ kãtĩg, ãjag tỹ ũri kurã mĩ mũ jé, jẽngrẽ mĩ.