Lucas 18:4 - O Novo Testamento na língua Kaingáng

⁴ Hã ra tóg mẽ jãvãnh nĩ. Jatun mỹ tóg nĩ nĩ, kysã tỹ hẽn ri ke ki. Kỹ fi tóg ti tá jun tỹ hẽn ri ke han mũ gé. To krónh ke tũ fi nĩ. Kỹ tóg kejẽn to jykrén mũ. “Topẽ kamẽg vãnh inh nĩgtĩ,” he tóg.“Ũ kamẽg vãnh inh nĩgtĩ gé.

Lucas 18:4 Iomraidhean Croise

Lucas 12:17

Kỹ tóg: “inh hỹn ne han mũ ha? Sỹ krẽm inh jakré kanẽ kar nĩm jé,” he mũ.

Lucas 16:3

Kỹ tóg to jykrén kỹ: “inh hỹn hẽ ri kenh mũ ha?” he mũ. “Inh patrão tỹ inh kutẽm kỹ inh hỹn ne konh ke mũ ha? Inh ẽpỹ jé sóg krój nĩ. Kỹ sóg vẽnh kar mỹ: “inh mỹ nén ũ nĩm, inh mỹ jãnkamy nĩm,” he sór tũ nĩ gé. Inh mỹ'a tóg tĩ,” he tóg.

Lucas 18:2

“kejẽn pã'i tóg nĩgtĩ, ẽmã ũ tá,” he mũ. “Topẽ kamẽg vãnh tóg nĩ, ti jykre pãno nĩn kỹ. Kỹ tóg ti mré ke ag kamẽg vãnh pẽ nĩgtĩ gé. Kórég pẽ ti nĩgtĩ.

Lucas 18:3

Ẽn jamã tá ũ fi tóg nĩgtĩ gé, ũn mén ter ja fi. Ẽn fi vỹ kejẽn ti mỹ: “inh lograr he sór mũ ẽn ag jo inh ki rĩr,” he mũ.

Lucas 20:13

Kỹ uva kré tỹ tũn mũ tóg to jykrén mũ. “Inh hỹn hẽn ri kenh ha,” he tóg. “Inh kósin jẽnẽ jé sóg ke mũ ha, inh fe pẽ ẽn, hẽn ri ke mũn ag tóg ti kamẽg ke mũ,” he tóg.

Hebreu 12:9

Ha vé, ẽg han mũ fag vỹ ẽg mrãnmrãn tĩ, ẽg kanhrãn jãvãnh nĩn kỹ, kỹ ẽg tóg fag kamẽg tĩ. Kỹ ẽg tóg Topẽ kamẽg kãfór han ke mũ, ũ tỹ ẽg rĩnrĩr han mũ ti, ẽg jóg mág ti.