Lucas 18:19 - O Novo Testamento na língua Kaingáng

¹⁹ Kỹ tóg ti mỹ: “inh mỹ: “há ã tóg jẽ,” he sór tũg nĩ. Ẽg pijé há nỹtĩ'. Topẽ hã ne ti pir mỹ há nĩ',” he mũ.

Lucas 18:19 Iomraidhean Croise

Lucas 1:35

Kỹ tóg fi mỹ: “Topẽ kuprĩg vỹ ã kri tĩnh ke mũ, ti kãnhvég ti,” he mũ, “kỹ tóg ti jykre tỹ ã kósin ti han ke mũ. Hã kỹ ag tóg ti to: Topẽ kósin vẽ, henh ke mũ.

Lucas 11:13

Jykre pãno ãjag nỹtĩ. Ãjag jykre pãno hã ra ãjag tóg ãjag krẽ mỹ nén ũ há nĩm tĩ. Ge ti nĩ gé, ãjag tỹ Topẽ mỹ nén ũ to vĩn kỹ. Nén ũ há hã nĩm jé tóg ke mũ. Hã ra tóg ãjag kãfór han tĩ, ẽg jóg tỹ kanhkã tá nĩ ti. Ãjag tỹ ti mỹ to vĩn kỹ tóg ti kuprĩg tỹ ãjag jagrẽ han ke mũ mỹr, Topẽ ti,” he tóg.

Lucas 18:18

Kỹ kejẽn pã'i ũ tóg ti mỹ: “Senhor', há ã tóg jẽ,” he mũ. “Sỹ rĩr krỹg ja tũ venh há tóg tĩ. Sỹ ve jé inh hỹn vẽjykre há tỹ ne han ke mũ?“ he tóg.

Lucas 18:20

“Topẽ tỹ nén to ẽg jyvẽn mũ ẽn ki kanhró ã tóg nĩ, hã vỹ: ã prũ tũ fi mré nỹ tũg nĩ, ũ tén tũg nĩ, nén ũ péju tũg nĩ, ũ to ón tũg nĩ, ã nỹ mré ã jóg kamẽg nĩ, he mũ,” he tóg.

1 Timóteo 3:16

Ha vé, Topẽ tỹ ũri ẽg mỹ nén tó mũ tag vỹ tỹ nén ũ há tãvĩ nĩ. Vãsỹ ag tóg mẽ ja tũ nĩ. Ti jykren hã vẽ, ha mẽ: Jesus Cristo vỹ ẽg ri ke mur, ga kri, kỹ Topẽ tóg ti tỹ ũn mág han, tá, ti tỹ jykre kuryj nĩn kỹ. Kỹ tóg ti tỹ jẽgnẽ jafã ag mỹ ti ven. Kỹ ti mré mũ tĩ ag vỹ povo kar mỹ ti tó. Hã kỹ ga kri mũ ag vỹ ti ki ge mũ, Ẽg tỹ Jesus kãmén hã vẽ.

Hebreu 7:26

Ẽg to ti há nĩ, ti tỹ ẽg jagfy Topẽ tũ ki rĩr nĩn kỹ. Topẽ kósin vỹ tỹ ti nĩ. Kygnẽ ja tũ pẽ ti nĩ. Nén ũ kórég venh ke tũ ẽg nĩ, ti ki. Topẽ vĩ mranh tĩ ag mré ke tũ vẽ. Kỹ tóg tỹ, kanhkã tãn kar ag kri ke nĩ gé sir, ũri.

Tiago 1:17

Topẽ hã ne ti pin kỹ ẽg mỹ nén ũ há kar han tĩ'. Nén ũ há tãvĩ han tóg tĩ, ẽprã ke ag mỹ. Ti hã tóg jẽngrẽ han'. Rã tỹ ẽg pũn tũ nĩn kỹ tóg fẽnja tĩ. Hã ra Topẽ tóg ge tũ nĩgtĩ. Ti pijé kejẽn ẽg ki rĩr tũ nĩgtĩ'. Ẽg ki rĩr tóg nĩ nĩ mỹr.