Lucas 18:11 - O Novo Testamento na língua Kaingáng

¹¹ Kỹ Fariseu tóg: “Topẽ,” he mũ. “Inh mỹ tóg há tĩ, isỹ jykre kórég tũ nĩn kỹ. Ũ ag tóg nén ũ péju tĩ, ũ ag tóg nén ũ vẽnh mỹ han tĩ inhhã, jãvo inh pijé han tĩ'. Ag prũ tũ fag mré ag tóg nỹgnỹ tĩ. Kỹ governo mỹ jãnkamy mãg tĩ tag ti vỹ kórég nĩ gé, inhhã.

Lucas 18:11 Iomraidhean Croise

Mateus 10:3

Filipe ke gé, Bartolomeu ke gé, Tomé ke gé, Mateus ke gé, governo mỹ jãnkamy mãg tĩ ja ẽn ti, Tiago ũ ke gé, Alfeu kósin tag ti, Tadeu ke gé,

Mateus 5:20

“Fariseu ag ri ke nỹtĩ sór tũg nĩ. Ón kỹ ag tóg Topẽ vĩ ki króm sór tĩ, hã ra ag tóg, ki króm há han tũ nĩgtĩ. Ag jykre pijé kuryj nỹ'. Ãjag tỹ kanhkã ve sór nỹtĩn kỹ vẽjykre kuryj han nĩ,” he tóg, Jesus ti.

Mateus 6:5

“Kỹ ãjag tỹ Topẽ mré vẽmén kỹ ũ tỹ vẽjykre régre han mũ ẽn jykre ri ke han tũg nĩ gé. Ag tỹ ón kỹ Topẽ mré vĩ kỹ ag tóg, igreja krẽm jẽgjẽ kỹ nỹtĩ, ke tũ nĩ kỹ ĩn krẽm. Kỹ vẽnh kar vỹ ón kỹ ag to vĩ há han mũ sir, fag to ke gé. Kanhkã tá tóg ganho ũ ve mãn ke tũ nĩ ha. Ãjag mỹ sóg ki hã tó mũ, ha mẽ.

Marcos 11:25

“Ãjag tỹ kejẽn Topẽ mré vĩ kỹ, ãjag tỹ ũ to jũ mũ mĩ ẽkrén kỹ, ti mỹ vẽnh pãte fón nĩ. Ãjag tỹ gen kỹ tóg vẽnh kato ãjag mỹ vẽnh pãte fón ke mũ gé, ẽg jóg mág tỹ kanhkã tá nĩ ti.

Lucas 20:47

“Hã ra ag tóg ũn mén ter ja fag tũ mãn kãn tĩ. Kar kỹ ag tóg ón kỹ Topẽ mré vĩ mág han mũgtĩ, ẽg tỹ ag to: “ũn há vỹ tỹ ag nỹtĩ,” he jé. Hã to ag vẽsỹrénh mág tãvĩ han ke mũ,” he tóg, Jesus ti.

Lucas 22:41

Kỹ tóg tĩg sĩ han mũ, kỹ tóg ti jakrĩ tỹ jẽ kỹ Topẽ mré vĩ mũ sir.

Galácia 3:10

Ũ tỹ vãsỹ vẽjykre ẽn ki króm tugrĩn kren sór mũ ag mỹ tóg vĩ kónãn ke mũ, ag tỹ ge ra mranh kỹ, mỹr, ha mẽ. “Topẽ tỹ ẽg jyvẽn mũ tóg e nỹtĩ. Ẽg tỹ ki króm kãn ke vẽ. Ũ tỹ mranh pir han mũ mỹ tóg vĩ kónãn ke mũ, Topẽ ti,” he tóg, Topẽ vĩ tỹ rán kỹ nĩ ki. Hã ra ẽg tóg mranh kãn.

Filipos 3:6

Sỹ ẽg jykre to tar pẽ nĩn hã kỹ sóg Jesus ki ge kỹ nỹtĩ ag vóg kónãn. Topẽ tỹ Moisés mỹ vẽjykre nĩm ja ẽn ki króm kãn ja sóg nĩgtĩ mỹr. Vẽjykre ẽn mranh ja tũ sóg nĩgtĩ. Ẽn kã sóg tỹ ũn kuryj ja nĩgtĩ.

Nén Venh Ke 3:17

Vẽso ãjag tóg: “riko ẽg nỹtĩ, há ẽg nỹtĩ, nén ũ tóg ẽg mỹ tũ' he tũ pẽ nĩ,” he tĩ. Hã tũ tó ãjag tóg tĩ. Jagtar ãjag tóg nỹtĩ, mỹr, ha mẽ. Tỹ nén tũ ãjag tóg nỹtĩ. Jykre kórég ãjag tóg nỹtĩ. Kur tũ ãjag tóg nỹtĩ. Kyvó ãjag tóg nỹtĩ. Hã ra ãjag tóg ki kagtĩg nỹtĩ, ãjag kórég nỹtĩ tag ki.