Lucas 17:6 - O Novo Testamento na língua Kaingáng

⁶ Kỹ tóg ag mỹ: “ãjag tỹ Topẽ ki ge kỹ tóg há tĩ,” he mũ. “Ka tỹ krén to jykrén nĩ,” he tóg. “Sĩ ti nĩ, ẽg tỹ ti krãn ve ki. Hã ra tóg mog há han tĩ. Tag ri ke han nĩ, Topẽ ki rã kỹ. Kỹ ãjag tóg nén ũ kar to tar nỹtĩnh mũ. Ka tag ve ra ha. Ãjag tỹ ti mỹ: “ã jẽgja ki kã kãkutẽ kỹ goj ki vẽnh krãn,” hen kỹ tóg kenh mũ, ãjag tỹ Topẽ ki rã há han kỹ,” he tóg, Jesus ti.

Lucas 17:6 Iomraidhean Croise

Mateus 14:29

Kỹ Jesus tóg ti mỹ: “kunĩg ge,” he mũ. Kỹ Pedro tóg canoa ki kãkutẽ kỹ goj kri tĩ mũ sir, Jesus to.

Mateus 17:20

Kỹ tóg ag mỹ: “ãjag tỹ inh ki ge tũ nỹtĩ tugnĩn ke vẽ, ãjag tỹ inh vĩ kri fig tũ tugrĩn ke vẽ,” he mũ. “Ha mẽ, ãjag tỹ inh ki ge sĩ han kỹ nỹtĩ ra ãjag tóg pãnónh tag mỹ: “ha tag ra tĩg,” he há nỹtĩnh mũ vẽ, ha mẽ. Ka tỹ mostarda fy vỹ sĩ tãvĩ nĩ. Ãjag tỹ ka tỹ mostarda fy sĩ ẽn ri ke nỹtĩ ra tóg há tĩnh mũ vẽ. Kỹ ãjag tóg nén kar han há nỹtĩnh mũ vẽ, ãjag tỹ inh ki ge kỹ nỹtĩn kỹ.

Mateus 21:21

Kỹ Jesus tóg ag mỹ: “ki hã sóg tó mũ,” he mũ. “Inh ri ke han jé ãjag tóg ke mũ. Isỹ ka tỹ figueira mỹ: “tóg ra,” hen kỹ tóg tóg ja nĩ. Inh vĩ tag ri ke han jé ãjag tóg ke mũ, ãjag tỹ inh ki ge há han kỹ. Hã ra to: “Topẽ mỹ inh vĩ mẽg mũ vỹ?” he tũg nĩ. “Hỹ mỹ vỹ?” he tũg nĩ. Kỹ ãjag tỹ kejẽn pãnónh mỹ: “ha kutẽ, goj nig mág ki,” hen kỹ tóg kutẽnh mũ, ãjag tỹ ti kutẽnh ke to: “hỹ mỹ vỹ?” he tũ nĩn kỹ.

Marcos 4:31

ka tỹ krén ri ke nĩ,” he mũ. “Ti krãn ẽg tóg tĩ.

Marcos 9:23

Kỹ tóg: “ã tỹ hẽ ri ken há nĩn kỹ, he tũg nĩ, inh mỹ. Ũ tỹ Topẽ ki rã mũ ẽn tỹ inh hẽ ri ken há han tĩ, nén kar tỹ,” he mũ.

Lucas 13:19

“Ti krãn ẽg tóg tĩ. Kỹ tóg mog há han tĩ. Hã kỹ sẽsĩ tóg ti féj kã ki jagfénh tĩ,” he tóg.

Lucas 17:7

“Ãjag camarada jykre to jykrén nĩ,” he tóg. “Ãjag japỹ ki tóg rĩr tĩ, ke tũ nĩ kỹ ãjag mẽg ki. Rãkãnh kỹ tóg ti rãnhrãj ja tá kãtĩ tĩ. Kỹ ãjag pijé ti mỹ: “kunĩg, jẽn jé,” he tĩ'.

Lucas 19:4

Hã kỹ tóg ti jy vẽnhvãg tĩ mũ, kỹ tóg ka tỹ krén to tãpry mũ, ti tỹ kri nĩg kỹ ti ve jé.

Lucas 7:13

Kỹ Jesus tóg fi vég mũ, kỹ fi tóg ti mỹ jagtar nĩ. Kỹ tóg fi mỹ: “fỹ tũg nĩ,” he mũ.

Lucas 7:19

Kỹ tóg ti mỹ e tĩ. Kỹ tóg ti to: “Topẽ tỹ ũn jẽnẽg mũn hã mỹ vỹ?” he mũ. Hã kỹ tóg ti mré mũ tĩ régre ag jẽgnẽg mũ, ag tỹ Jesus mỹ: “ã hã mỹ'?” he jé.“ Ẽg mỹ ũ jãvãnh mãn ke tũ nĩ ha', ã pãte?” he sór ag tóg mũ.

1 Corinto 13:2

Topẽ tóg hẽn ri ke mũn ẽg mỹ nén ũ kar tó tĩ. Kỹ ẽg vẽnh jyvẽn há han tĩgtĩ. Hẽn ri ke mũn ẽg tóg Topẽ ki rã há han kỹ nỹtĩ. Kỹ ẽg ti vĩ to: “hỹ mỹ vỹ?” he tũ pẽ nĩgtĩ. Kỹ ẽg tóg pãnónh mỹ: “ha tĩg,” he tĩ, hã ra tóg sir tĩ tĩ. Ẽg tỹ jérĩn mỹ vẽnh kar to há tũ nỹtĩn kỹ tóg tỹ ón kỹ ke nĩ.