Lucas 17:4 - O Novo Testamento na língua Kaingáng

⁴ Hẽn ri ke mũn tóg ti tỹ Topẽ vĩ mranh ẽn han mãn', han mãn', he sór mũ. Kurã pir ki tóg mranh tỹ hẽn ri ke han sór mũ, hẽn ri ke mũn. Hã ra tóg tónh kãtĩg mãn', tónh kãtĩg mãn', he mũ gé. Kỹ ti mỹ vẽnh pãte fón to krónh ke tũg nĩ,” he tóg, Jesus ti.

Lucas 17:4 Iomraidhean Croise

Mateus 18:16

Ti tỹ ã vĩ jẽmẽ sór tũ nĩn kỹ ũ mỹ: “inh mré ti jyvẽn tĩg,” hem nĩ, ũn pir mỹ, ke tũ nĩ kỹ ũn régre ag mỹ. Kỹ ti mré vẽmén mãn nĩ, ag rĩnve, ag tỹ ã tỹ ti mré vĩ mẽ jé.

Mateus 18:35

“Hã han jé tóg ke mũ, inh jóg tỹ kanhkã tá nĩ ti, ãjag tỹ ãjag régre ag mỹ vẽnh pãte fón pẽ han sór tũ nĩn kỹ, ag tỹ kygnẽ ja ti,” he tóg.

Mateus 5:44

Isỹ ũri ãjag jyvẽn hã vẽ, ha mẽ: ũ tỹ ãjag kato vãsãnsãn mũ ag to há nỹtĩm nĩ, ũ tỹ ãjag vóg kónãn mũ ra ag to Topẽ mré vĩm nĩ, fag to ke gé.

Mateus 6:12

Kỹ ẽg mỹ vẽnh pãte fón nĩ, ẽg tỹ ã vĩ mranh ja ti. Hã jé ẽg tóg, ẽg tỹ jagnẽ to jũ tỹ jagnẽ mỹ vẽnh pãte fón ke mũ gé.

Lucas 17:5

Kỹ Jesus tỹ ũn vin mũ ag tóg ti mỹ: “ẽg tỹ Topẽ ki ge há han há tóg tĩ,” he mũ. “Kỹ to ẽg tar han nĩ,” he ag tóg.

Roma 12:20

Kỹ ũ tỹ ãjag kato tẽ mũ mỹ nén ũ há kar han nĩ. Ti kókĩr nĩn kỹ ti mỹ vẽjẽn ven nĩ. Ti hãghã kỹ ti mỹ goj ven nĩ. Gen kỹ ã tóg ti mỹ'a han ke mũ, ha vem nĩ, ã tỹ ti to há nĩn kỹ, ti tỹ ã to kórég nĩ ra.